დღის Top-10 საინტერესო ამბავი

დღის Top-10 საინტერესო ამბავი

access_time2020-06-19 21:30:29

დღის Top-10 საინტერესო ამბავი


1.უპრეცედენტო ბიუჯეტი - 50%-ზე მეტი არასაბიუჯეტო შემოსავლები და 28 მლრდ. ლარამდე საგარეო ვალი

COVID-19-ის პანდემიის გამო ქვეყანაში შექმნილ მძიმე ეკონომიკური მდგომარეობის საპასუხოდ საქართველოს მთავრობამ პარლამენტში „2020 წლის სახელმწიფო ბიუჯეტის შესახებ“ კანონის ცვლილების პროექტი წარადგინა. მთავრობა 2020 წლისთვის ეკონომიკის 4%-ით კლებას პროგნოზირებს, კორონავირუსის გავრცელებამდე მიმდინარე წლის ეკონომიკური ზრდის პროგნოზი კი 4.5% იყო. 2020 წელს ნომინალური მთლიანი შიდა პროდუქტი (მშპ) არ შემცირდება და 50 მლრდ. ლარის დონეზე შენარჩუნდება, რადგან რეალური ეკონომიკის 4%-ით შემცირების პარალელურად ფასების დონე (დეფლატორი) 4.8%-ით გაიზრდება.

„თავისუფლებისა და დემოკრატიის ფონდის“ აღმასრულებელი დირექტორი ანა გოგოლაძე მიიჩნევს, რომ ანტიკრიზისული ბიუჯეტი უპრეცედენტო მოვლენაა, რადგან მასში 50%-ზე მეტი არასაბიუჯეტო შემოსავლებია და მხოლოდ დანარჩენია საბიუჯეტო.


2.Lexus-ში ბოლოს ავტომობილი გუშინ გაყიდეს, თუმცა გაყიდვები 6 თვეში 30%-ით შემცირდა

„მომხმარებელთა კლება მარტიდან შეინიშნებოდა, განსაკუთრებით სერვისის მიმართულებით. მომხმარებელთა რაოდენობის შემცირებას დაემატა საგანგებო მდგომარეობის გამოცხადება. თუ ავიღებთ წინა წლის ივნისს, ამ შემთხვევაში მაჩვენებელი გაზრდილია, თუმცა, განვლილი ექვსი თვის მიხედვით, საერთო ჯამში, გაყიდვების მაჩვენებელი დაახლოებით 30%-ით არის შემცირებული“, - ამის შესახებ „კომერსანტს“ „ლექსუსში“ განუცხადეს.კომპანიაში აღნიშნავენ, რომ ავტომობილების ფასი ლარის გაუფასურების ფონზე გაზრდილია, რადგან შესყიდვისა და გაყიდვის ფასები იანგარიშება დოლარში, მიმდინარე კურსის ექვივალენტით.


3.2020 წლის I კვარტალში საქართველოს ეკონომიკური ზრდა 2.2% იყო

2020 წლის I კვარტალში მთლიანი შიდა პროდუქტის მოცულობა მიმდინარე ფასებში 11 063.8 მლნ. ლარს გაუტოლდა. წინა წლის შესაბამის პერიოდთან შედარებით მთლიანი შიდა პროდუქტის რეალურმა ზრდამ 2.2 პროცენტი შეადგინა, ხოლო დეფლატორი გაიზარდა 6.1 პროცენტით. ინფორმაციას „საქსტატი“ აქვეყნებს.


4.ევროდირექტივაზე მკაცრი ახალი შრომის კოდექსი-„ეს სამუშაო ადგილების შექმნის პროცესს შეაფერხებს“

საპარლამენტო დეპუტატ დიმიტრი ცქიტიშვილის ავტორობით მომზადებული შრომის კოდექსში ცვლილებების პროექტის განხილვები პარლამენტში დღეს განიხილეს. დოკუმენტში შეტანილი ცვლილებები ბიზნესასოციაციისა და დამსაქმებელთა ასოციაციის მიერ კრიტიკის საგანი გახდა.„ამ მძიმე პერიოდში, როცა 80 000-ზე მეტმა ადამიანმა სამსახური დაკარგა, სახელმწიფოს პრიორიტეტი უნდა იყოს, რაც შეიძლება მეტი სამუშაო ადგილის შექმნა. მაშინ, როდესაც სახელმწიფო ახალ მკაცრ რეგულაციებს იღებს შრომის ბაზრისთვის, ბიზნესმენებს გაუჩნდებათ სურვილი მეტად დაფიქრდნენ, სანამ ახალ თანამშრომელს აიყვანენ - ამაში ვხედავ პრობლემას,“ - ამის შესახებ „კომერსანტს“ საქართველოს დამსაქმებელთა ასოციაციის იურიდიული კომიტეტის თავმჯდომარემ შალვა ცხაკაიამ განუმარტა.



5.პირველი ქართული ციფრული მენიუ უკვე TOP 50 ქართულ რესტორანში

პირველი ქართული ციფრული მენიუ WENU-ს მოთხოვნა COVID-19-მა საგრძნობლად გაზარდა. აპლიკაციას ბევრი სხვა ფუნქციონალის გარდა, შინაარსობრივად აქვს 2 ძირითადი მიმართულება, ერთი როდესაც მომხარებელს შესაძლებლობა აქვს მისი მობილური ტელეფონის დახმარებით დისტანციურად დაჯავშნოს რესტორანში მაგიდა, კონკრეტული დღის, საათის და სტუმრების რაოდენობის მითითებით, ხოლო მეორე მიმართულება არის ადგილზე მისული სტუმრის მიერ სასურველი შეკვეთის განხორციელება მიმტანთან ყოველგვარი კომუნიკაციის გარეშე.WENU-ის თანადამფუძნებელი გიორგი ნონიაშვილი „კომერსანტთან“ საუბრისას აცხადებს, რომ ეს ერთადერთი აპლიკაციაა ქართულ ბაზარზე, რომელსაც მიმტანის ჩართულობის გარეშე შეკვეთის განხორციელების ოპერაციის შესრულების შესაძლებლობა აქვს.


6.დავით ზეიკიძე - „დუმბაძეს და მის ხელშემწყობებს მეტი გზა აღარ რჩებათ, გარდა იმისა, რომ სასამართლოს გადაეფარონ , რადგან ამით კიდევ უფრო დიდი დანაშაულებების დამალვას ცდილობენ“

„ლიდერფუდთან“ დაკავშირებული სამართლებრივი პროცესი დრამატულ ხასიათს იღებს. საქმე ეხება დავას „ლიდერფუდის“ 50%-იან წილზე, რაც საქალაქო და სააპელაციო სასამართლოებმა დაუსწრებელი გადაწყვეტილების საფუძველზე მოსარჩელე ირაკლი დუმბაძეს მიანიჭა. დაუსწრებელი გადაწყვეტილების საფუძველს მოპასუხე მხარის მიერ შესაგებელი სარჩელის შეტანის ვადის გაშვება გახდა. მოპასუხე მხარე სარჩელის ჩაბარების ფაქტს სადაოს ხდის და უკვე უზენაეს სასამართლოს თხოვს არსებითი განხილვისთვის საქმის საქალაქო სასამართლოსთვის დაბრუნებას. ვრცლად იხილეთ „კომერსანტზე„. 


7.„უცხოეთიდან ტურისტებს წელს არ ველოდებით,ჯავშნებს მომავალი წლისთვის ვიღებთ“

საქართველოში შიდა ტურიზმი 15 ივნისს გაიხსნა, ხოლო საერთაშორისო ტურისტებისთვის საზღვრები 1 ივლისს გაიხსნება. საქართველო მსოფლიოში ერთ-ერთი პირველი ქვეყანაა, რომელიც უცხოელ ვიზიტორებს უმასპინძლებს. მიუხედავად ამისა, ქართული ტურისტული კომპანიები ზაფხულის სეზონზე ჯავშნების არარსებობაზე საუბრობენ.Georgian Holiday – ს ხელმძღვანელი მანანა ცირამუა „კომერსანტთან“ საუბრისას ამბობს, რომ 1 ივლისიდან საზღვრების გახსნის მიუხედავად, საერთაშორისო ტურიზმის მიმართულებით ჯავშნები ზაფხულში არ არის და ტურისტები ძირითადად შეკვეთებს მომავალი წლისთვის აკეთებენ.


8.„უცხოელების გამო ქართველები ვერ ასწრებდნენ Fifth Season-ში ადგილების დაჯავშნას, ახალ მათ კარგი შანსი აქვთ - სასტუმრო ჯუთაში შიდა ტურიზმს დაუბრუნდა

„ქართველების მახასიათებელია, რომ რამდენიმე დღით ადრე გეგმავენ ჯავშნებს მაშინ, როდესაც უცხოელ ტურისტს ერთი წლით ადრე აქვს გადაწყვეტილი ჯუთას მონახულება და ჩვენთან დარჩენა. ამიტომაც, ხშირად ქართველები ვერ ახერხებდნენ Fifth Season-ში დასვენებას და ბევრი მომხმარებელი უკმაყოფილო იყო, ახლა კი მათ ამის ძალიან კარგი შანსი მიეცათ,“ - ამის შესახებ „კომერსანტს“ ყაზბეგის რაიონის სოფელ ჯუთაში მდებარე სასტუმრო Fifth Season-ის დამფუძნებელი გელა არაბული აცხადებს.


9.სათამაშო ბიზნესის დაბეგვრის წესში ცვლილება შედის

წამახალისებელი გათამაშების მოწყობის ნებართვის მფლობელებისთვის გაუქმდება დეკლარაციის წარდგენის ვალდებულება და სათამაშო ბიზნესის მოსაკრებელს გათამაშების ეტაპის დაწყებამდე გადაიხდის, რაც საპრიზო ფონდის 10%-ის ოდენობით განისაზღვრება. ხოლო სისტემურ ელექტრონული ფორმით თამაშობის მოწყობის შემთხვევაში, გადასახდელი მხოლოდ საპრიზო ფონდის 10% იქნება.შესაბამისი ცვლილებები ლატარიების, აზარტული და მომგებიანი თამაშობების მოწყობის შესახებ და ასევე, სათამაშო ბიზნესის მოსაკრებლის შესახებ საქართველოს კანონში შედის, რომელსაც პარლამენტი დაჩქარებული წესით იხილავს.


10.Handelsblatt: აშშ „ჩრდილოეთ ნაკადი-2“-ის ჩაძირვას ცდილობს

მილები, რომლებიც ბალტიის ზღვის ფსკერზე უკვე ჩალაგებული უნდა ყოფილიყო, დღეს ნავსადგურშია მიტოვებული. ეს მოსკოვს და ვაშინგტონს შორის გაზის, ფულის და ძალაუფლებისთვის გაჩაღებული გეოპოლიტიკური ბრძოლის ნათელი მაგალითია.გაზსადენ „ჩრდილოეთ ნაკადი-2“ - ს ძალიან ბევრი მტერი ჰყვას. პირველ რიგში - ამერიკელები. მათ პროექტის შეჩერებას უკვე მიაღწიეს, ამჟამად კი მის სრულ ჩაძირვას ცდილობენ.ამისთვის აშშ-ს კონგრესი ახალი სანქციები შემოღებას აპირებს.







თეგები:
Top-10



27 ოქტომბერი - რეგიონში მხოლოდ ქართული ლარი გამყარდა

27 ოქტომბერი - რეგიონში მხოლოდ ქართული ლარი გამყარდა
access_time2020-10-27 18:05:05
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება...

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს
access_time2020-10-27 15:20:38
28 ოქტომბერს, სილქნეტი მობილური ქსელის მომხმარებლებს ოთხ სააქციო პაკეტს შეთავაზებს. აქცია ხელმისაწვდომია  ფიზიკური და იურიდიული პირი აბონენტებისათვის.  აქცია საშუალებას მისცემს აბონენტს მინიმალურ ფასად სასურველი პირობა გაიაქტიუროს, ისარგებლოს უსწრაფესი ინტერნეტით და სასაუბრო წუთებით თბილისსა და რეგიონებში.   კომბინაციით *202# მომხმარებელი 30 დღით ჩაირთავს: 2 GB + 100 ლოკალური წუთი - 5...

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“
access_time2020-10-27 16:00:27
„ყველაფერი რაღაცის ხარჯზე ხდება, თუმცა, როდესაც უჭირს სახელმწიფოს და სისტემას, ყველა რესურსს გამოყენება უნდა,“ - ასე პასუხობს სადაზღვევო კომპანია „უნისონის“ ხელმძღვანელი ვასილ ახრახაძე კითხვას, ხომ არ მივიღებთ სისტემაში ხარვეზებს და ხომ არ გაუარესედება დაზღვეულთა მომსახურება.   „უნისონის“ რამდენი ოჯახის ექიმია ჩართული COVID-19-ის მართვაში,   როგორც ახრახაძე აცხადებს, რომ COVID-19-ის მართვაში უნისონის ოჯახის ექიმთა მინიმალური რაოდენობაა ჩართული....

„მედიკამენტების მაღალი ფასი ოლოგოპოლიით არაა გამოწვეული - წამლების სიძვირეს მოქმედი კანონი იწვევს“

„მედიკამენტების მაღალი ფასი ოლოგოპოლიით არაა გამოწვეული -  წამლების სიძვირეს მოქმედი კანონი იწვევს“
access_time2020-10-27 15:03:08
პოლიტიკური პარტია „გირჩის“ ლიდერმა, ზურაბ  ჯაფარიძემ საქართველოში მედიკამენტების მაღალ ფასებზე  და მათი სიძვირის მიზეზებზე ისაუბრა. დიდუბის მაჟორიტარი დეპუტატობის კანდიდატი აცხადებს, რომ საქართველოში მედიკამენტების მაღალი ფასი ოლოგოპოლიას და მონოპოლიას ბრალდება, თუმცა მისი თქმით, წამლების სიძვირეს რაელურად სხვა მიზეზი აქვს და მათი გიაფებაც საკმაოდ მარტივია. ზურაბ ჯაფარიძემ საქართველოში არსებული 9 მედიკამენტის ფასი თურქეთში იდენტური მედიკამენტების ფასებს...

SCROLL-ი უკრაინის ბაზარზე შევიდა

SCROLL-ი უკრაინის ბაზარზე შევიდა
access_time2020-10-27 14:29:21
Scroll-ის ელექტროსკუტერები უკვე უკრაინაშია. ამ ეტაპზე, გაქირავების სერვისით სარგებლობა მხოლოდ კიევშია შესაძლებელი. როგორც კომპანიის ბიზნეს განვითარების დირექტორმა „ბიზნესპარტნიორთან“ აღნიშნა, 2021 წლის გაზაფხულისთვის, Scroll-ის ელექტროსკუტერები უკრაინის სხვა ქალაქებშიც გამოჩნდება.   „შემდეგი წლის განმავლობაში ვაპირებთ სხვა ქალაქებშიც შევიდეთ, თუმცა ჩვენი გაფართოება სხვადასხვა ნიუანსზეა დამოკიდებული. მაგალითად, მნიშვნელოვანია როგორი მდგომარეობა იქნება პანდემიის კუთხით და...


მსგავსი სიახლეები

up