დღის Top-10 საინტერესო ამბავი

დღის Top-10 საინტერესო ამბავი

access_time2020-06-18 21:30:00

დღის Top-10 საინტერესო ამბავი


1.რვა წლის განმავლობაში 30-ზე მეტი ხანძარი და არცერთი გამოძიებული საქმე

ცნობილი რუსი ჟურნალისტი ოლეგ-სანდრო პანფილოვი სოციალურ ქსელში ბოლო პერიოდში ქვეყანაში გაჩენილ ხანძრებს ეხმაურება. როგორც პანფილოვი წერს 2012 წლიდან დღემდე 30- მდე ბაზარია დამწვარი და არც ერთი საქმე გამოძიებული არ არის. „კომერსანტი“ დაინტერესდა რამდენად რეალურია სტატისტიკა რომელსაც ჟურნალისტი აქვეყნებს.ერთ-ერთი ასეთი გამოუძიებელი საქმე „ბავშთა სამყაროს“ ხანძარია. როგორც „ბავშვთა სამყაროს“ დაზარალებულების ადვოკატი მარიკა არევაძე აცხადებს, დაზარალებულებს ხანძრის შედეგად მიღებული ზარალი ამ დრომდე არ ანაზღაურებიათ. საუბარია, დაახლოებით 9 მლნ. ლარზე.


2.ოთხი ბანკის მთლიანმა სესხებმა 3 მილიარდ ლარამდე შეადგინა


ბანკების ფინანსური ანგარიშგებების 2020 წლის I კვარტლის მონაცემების მიხედვით, ოთხი ბანკის „ქართუ ბანკის“, „კრედო ბანკის“, „პაშა ბანკი საქართველოს“ და „ხალიკ ბანკი საქართველოს“ მთლიანი სესხების მოცულობამ 2,681,165,077 ლარი შეადგინა.


3.დუშეთის რეაბილიტაციის კონტრაქტორი კომპანია მუნიციპალურ ფონდთან დავას აპირებს

დუშეთის ისტორიული სახლების რეაბილიტაციის პროექტი ახალი კონტრაქტორის მოძიების შემდეგ განახლდება. როგორც ცნობილია, დუშეთის სახლების რეაბილიტაციის გეგმის შემსრულებელ კომპანია ,,ჯორჯიან ინჟინირინგს“ მუნიციპალური ფონდის გადაწყვეტილებით კონტრაქტი გაუწყდა და ახალი კომპანიის შერჩევა ტენდერის მეშვეობით მოხდება. კომპანია ,,ჯორჯიან ინჟინირინგში“ განმარტავენ, რომ ფონდის უკმაყოფილების მიზეზი უსაფუძვლოა, რადგან თავდაპირველად პროექტი ხარვეზიანი იყო.


4.საქართველოში „პარფოისის“ მაღაზიები შესაძლოა, დაიხუროს


საქართველოში „პარფოისის“ მაღაზიები შესაძლოა, დაიხუროს.ამის შესახებ „აი სი არ ჯგუფის“ სამეთვალყურეო საბჭოს თავმჯდომარემ კახა ხაზარაძემ „ბიზნესპრესნიუსთან“ საუბრისას განაცხადა. მისი თქმით, ივნისში მეორადი მოთხოვნილების პროდუქციის რეალიზაცია შემცირდა, რის გამოც, წლის ბოლომდე 70-80%-ით მსგავს ბრენდებზე კომპანიას უარის თქმა მოუწევს.


5.ქართული თხილის ბიზნესი წელს ნახევარ მილიარდ ლარამდე შემოსავალს ელოდება

„თხილის მწარმოებელთა ასოციაცია“ თხილის წლიური მოსავლის 50 000 ტონამდე გაზრდას გეგმავს, რაც ქვეყნას დაახლოებით ნახევარი მილიარდი ლარის შემოსავალს მოუტანს, – ამის შესახებ თხილის მწარმოებელთა ასოციაციის აღმასრულებელმა დირექტორმა, გიორგი თოდუამ განაცხადა.


6.მოსახლეობის დიდი ნაწილი შესაძლოა უინტერნეტოდ დარჩეს -შეუჩერდება თუ არა „კავკასუს ონლაინს” ავტორიზაცია

ა/ო ”ახალგაზრდა ფინანსისტთა და ბიზნესმენთა ასოციაცია - აფბა” მოუწოდებს კომუნიკაციების კომისიას შეცვალოს დაგეგმილი სანქციის ფორმა და არ შეუჩეროს ავტორიზაცია ”კავკასუს ონლაინს”. თუ კომისია მსგავს გადაწყვეტილებას მიიღებს, არსებობს რეალური საფრთხე, რომ საქართველოს მოქალაქეეებისა და ქვეყანაში მოქმედი ბიზნესსუბიექტების დიდი ნაწილი ხარისხიანი ინტერნეტის გარეშე დარჩება.როგორც საზოგადოებისთვის ცნობილია, კომისიამ სამართალდარღვევად მიიჩნია „კავკასუს ონლაინის“ ბენეფიციარი მესაკუთრის მიერ კუთვნილი 49% წილის გასხვისება კომისიის წინასწარი თანხმობის გარეშე. მან პირველ ეტაპზე მიიღო გადაწყვეტილება ”კავკასუს ონლაინისა” და მისი შვილობილი კომპანიის - ”რკინიგზის ტელეკომისთვის” სანქციების დაწესების თაობაზე.


7.საქართველოს გენერალურმა პროკურატურამ ტრანსნაციონალური დანაშაული გამოავლინა

საქართველოს გენერალურმა პროკურატურამ ტრანსნაციონალური დანაშაული გამოავლინა, რის შედეგადაც სისხლისსამართლებრივი დევნა დაიწყო 8 პირის მიმართ.გამოძიებით დადგინდა, რომ საქართველოში მოქმედი 6 სასტუმროს ხელმძღვანელობითი და მმართველობითი უფლებამოსილების მქონე პირები, სხვადასხვა ფიზიკური თუ იურიდიული პირების კუთვნილი ფულადი თანხების თაღლითურად დაუფლების მიზნით, დანაშაულებრივ გარიგებაში შევიდნენ ბრალდებულებთან გ.კ. და კ.ა.-სთან და დანაშაულებრივი ჯგუფის საზღვარგარეთ მყოფ სხვა წევრებთან.


8.თბილისში ახალი Ibis Budget-ის ბრენდის სასტუმრო გაიხსნება (ფოტოები)

თბილისში, უზნაძის 14-ში, არქეოლოგიის ყოფილი ცენტრის შენობის ადგილას ახალი მრავალფუნქციური სასტუმროსა და აპარტამენტების კომპლექსი შენდება. პროექტის მფლობელი შპს „ბეტა ჯგუფი“ Ibis-ის ბრენდის სასტუმროს 2022 წლის გაზაფხულზე გახსნის.


9.პარადოქსული მაჩვენებელი - საქართველოში პანდემიის დროს 6 იახტა გაიყიდა

„საქართველოში იახტების გაყიდვაში პარადოქსული მაჩვენებელი დაფიქსირდა, პანდემიის პერიოდში ქვეყანაში 6 იახტა გაიყიდა“ - ამის შესახებ „კომერსანტს“ იახტების მშენებელი უმსხვილესი კომპანია Azimut-Benetti Group-ის წარმომადგენელმა საქართველოში, Azimut Georgia-ს დირექტორმა გიორგი ჩიკვაიძემ განუცხადა.


10.საყოველთაო ჯანდაცვას 55 კლინიკა გამოეთიშა

საყოველთაო ჯანდაცვის პროგრამას 55 კლინიკა გამოეთიშა. პროგამაში მონაწილებას 140- დან მხოლოდ 85 გააგრძელებს. ჯანდაცვის სამინისტრში განმარტავენ, რომ სელექტიური კონტრაქტირება არის გარანტი მოქალაქეებისთვის სამედიცინო მომსახურების უსაფრთხო და ეფექტური მიწოდების.ჯანდაცვის სამინისტროს წლიური ანგარიშის წარდგენისას აღნიშნა, რომ პროგრამაში დარჩენილი კლინიკები აქტიურად იმუშავებენ ხარისხის გაუმჯობესებაზე.



თეგები:
Top-10



22 სექტემბერი - რეგიონში ყველაზე მკვეთრად ქართული ლარი უფასურდება

22 სექტემბერი - რეგიონში ყველაზე მკვეთრად ქართული ლარი უფასურდება
access_time2020-09-22 18:05:44
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 22 სექტემბრის ვაჭრობის შედეგად, ქართული ლარის კურსი 3 თეთრით გაუფასურდა და ერთი...

ნათია მეზვრიშვილი - ეკონომიკა ვერ ჩაიკეტება, რადგან ეს ყველაფერი დააზარალებს პირველ რიგში, ჩვენს მოქალაქეებს

ნათია მეზვრიშვილი - ეკონომიკა ვერ ჩაიკეტება, რადგან ეს ყველაფერი დააზარალებს პირველ რიგში, ჩვენს მოქალაქეებს
access_time2020-09-22 16:43:09
ეკონომიკის გაჩერების და მკაცრი შეზღუდვების დაწესების რესურსი არ არსებობს, ამაზე თამამად ვსაუბრობთ და ამაში ალბათ გასაკვირი არაფერი არ არის, - ამის შესახებ საქართველოს მთავრობის ადმინისტრაციის უფროსმა, ნათია მეზვრიშვილმა, უწყებათაშორისი საბჭოს სხდომის დასრულების შემდეგ, ბრიფინგზე განაცხადა. ინფორმაციას მთავრობის ადმინისტრაციის პრესსამსახური ავრცელებს. როგორც ნათია მეზვრიშვილმა აღნიშნა, ეკონომიკა ვერ ჩაიკეტება, რადგან ეს დააზარალებს მოქალაქეებს, შესაბამისად იმისთვის, რომ...

კორუფცია, ლარის კურსით თამაში და ბანკებთან გარიგება - რომან გოცირიძე სებ-ის ინტერვენციებს აკრიტიკებს

კორუფცია, ლარის კურსით თამაში და ბანკებთან გარიგება - რომან გოცირიძე სებ-ის ინტერვენციებს აკრიტიკებს
access_time2020-09-22 17:10:44
დღეს, ფინანსთა სამინისტროს სახაზინო ობლიგაციების აუქციონზე 80 000 000 ლარის ნომინალური ღირებულების 5-წლიანი ვადიანობის ფასიანი ქაღალდები გაიყიდა, ამის შესახებ ინფორმაციას საქართველოს ეროვნული ბანკი ავრცელებს. ხვალ კი სებ-ი სავალუტო აუქციონზე 40 მილიონ აშშ დოლარს გაყიდის. ეროვნული ბანკის მიერ ასეთი თანმიმდევრობით განხორციელებულ სავალუტო ინტერვენციებს, ეროვნული ბანკის ყოფილი პრეზიდენტი და ფრაქცია „ნაციონალური მოძრაობის“ თავმჯდომარე...

დღის TOP 10 საინტერესო ამბავი

დღის TOP 10 საინტერესო ამბავი
access_time2020-09-22 21:00:52
დღის TOP 10 საინტერესო ამბავი: 1.„ქართულმა ოცნებამ“ წინასაარჩევნო დანაპირები გადაჭარბებით შეასრულა წალენჯიხისა და ჩხოროწყუს მაჟორიტარი დეპუტატი გოგა გულორდავა აცხადებს, რომ „ქართული ოცნების“ დანაპირები კეთილდღეობასა და სწრაფ განვითარებაზე გასულ 4 წელში გადაჭარბებით შესრულდა. გორის მუნიციპალიტეტის მაჟორიტარმა დეპუტატმა...

WeChat და TikTok შტატებში ოფიციალურად აიკრძალა

WeChat და TikTok შტატებში ოფიციალურად აიკრძალა
access_time2020-09-22 20:00:35
20 სექტემბრიდან შტატებში WeChat და TikTok-ს გადმოტვირთვა და განახლება ოფიციალურად აიკრძალა. საგადამხდელო სისტემა WeChat-ს ასევე აეკრძალა შტატებში ტრანზაქციების განხორციელება, ხოლო ამერიკულ კომპანიებს მისთვის მომსახურეობის გაწევაც დაიბლოკათ, რაც სისტემის მუშაობის სიჩქარეს მკვეთრად შეამცირებს. TikTok-ს შტატებში 100 მლნ. მომხმარებელი ჰყავს (მსოფლიოში 800 მლნ.) - ეს ძირითადად ახალგაზრდა აუდიტორიაა. რაც შეეხება WeChat-ს, ამერიკაში მას...


მსგავსი სიახლეები

up