დღის Top 10 საინტერესო ამბავი
35 წელი სხვადასხვა პოლიტიკურ სტრუქტურაში, ყოფილი შს მინისტრის მოადგილე, დამოუკიდებელ საქართველოში სახელმწიფოს მეთაურის მრჩეველი სახელმწიფო უშიშროების საკითხებში, საგადასახადო სამსახურის პირველი თავკაცი და პირველი ომბუდსმენი 90-იან წლებში, საქართველოს მე-5 მოწვევის პარლამენტის წევრი, პროფესიით ინჟინერი და იურისტი დავით სალარიძე უკვე ბოლო 15 წელია ბიზნესის სფეროშია. ხელოვანების ოჯახში გაზრდილმა სალარიძემ ცოტა ხნის წინ მამის, სახალხო არტისტის, ვახტანგ სალარიძის სახელობის მუსიკალური დარბაზი გახსნა და მალე ძველ თბილისში სასტუმროს აშენებას გეგმავს.
საქართველოს საბანკო სექტორში არსებული გამოწვევები, ქართული და ყაზახური ფინანსური სფეროს შედარება, ეროვნული ბანკის მიერ გადადგმული ნაბიჯები და საერთაშორისო ბანკების მხრიდან საქართველოს მიმართ არსებული დაბალი ინტერესი. ამ და სხვა თემებზე Commersant-თან „ხალიკ ბანკი საქართველოს“ გენერალურმა დირექტორმა ნიკოლოზ გეგუჩაძემ ისაუბრა.
3. „თუ ლარის გაუფასურების ტრენდი შენარჩუნდება, მიმდინარე კვირას პროდუქცია 10 პროცენტით გაძვირდება“
„თუ ლარის გაუფასურების ტრენდი შენარჩუნდება, მიმდინარე კვირას პროდუქტი დაახლოებით 10 პროცენტით გაძვირდება“, - ამის შესახებ „კომერსანტს“ შპს „ჯი ემ ბილდინგის“ გენერალურმა დირექტორმა თემურ მინდორაშვილმა განუცხადა. პროფესიონალური სარეცხი და ჰიგიენის საშუალებების მწარმოებელ - იმპორტიორ კომპანიაში ამბობენ, რომ ეროვნული ვალუტის მკვეთრი გაუფასურება ბიზნესს დიდ დარტყმას აყენებს. სწორედ ამიტომ „ჯი ემ ბილდინგში“ ახალი სტრატეგია შეიმუშავეს, კომპანიაში ცდილობენ, რომ დეკემბრამდე პროდუქტის იმპორტი მნიშვნელოვნად შეამცირონ. თემურ მინდორაშვილი „კომერსანტს“ უყვება, რომ კომპანიის მოგება შემცირებულია, თუმცა კომპანიები მაღალი კონკურენციის გამო ფასს ზარალის პირდაპირ პროპორციულად ვერ ცვლიან.
4. CARREFOUR-ი საქართველოში ზარალიანია
473.68 მლნ ლარის შემოსავალი და 32.5 მლნ ლარის ზარალი - საქართველოში Carrefour-ის სავაჭრო ნიშნის წარმომადგენელი კომპანია ზარალზეა.
5. „პროდუქციაზე ფასები გაზრდა დეკემბრიდან მოგვიწევს“- შარმ ტრეიდინგი
ყოველდღიური მოხმარების საგნებისა და თავის მოვლის საშუალებების ყველაზე მსხვილი სადისტრიბუციო კომპანიის, „შარმ ტრეიდინგის“ დირექტორის, ვახტანგ საძაგლიშვილის თქმით, დეკემბრიდან ფასები ლარის კურსის მაჩვენებლის შესაბამისად გაიზრდება.
6. მდგომარეობა კრიტიკულია, პროცესმა ქუჩიდან ოთახში უნდა გადაინაცვლოს - ლაშა პაპაშვილი
ბიზნესმენი, კომპანია „რედიქს ჯგუფის“ დამფუძნებელი ლაშა პაპაშვილი „ბიზნესპარტნიორთან“ 2020 წლის არჩევნების შემდგომ პროცესებს ეხმაურება და აცხადებს, რომ ქვეყანაში ახლა კრიტიკული მდგომარეობაა.
7. Pfizer-მა COVID-19-ის წინააღმდეგ 90%-ით ეფექტიანი ვაქცინა შექმნა
აშშ-ს ფარმაცევტულმა კომპანიამ Pfizer-მა და მისმა გერმანელმა პარტნიორმა ბიოტექნოლოგიების კომპანია BioNTech-ის წარმომადგენლებმა განაცხადეს, რომ მათ მიერ შექმნილი კორონავირუსის საწინააღმდეგო ვაქცინა 90%-ით ეფექტიანია.
8. BBC: საქართველო ისევ საპროტესტო აქციებმა მოიცვა
„დაიცავი შენი ხმა“ - ასეთი ლოზუნგით თბილისში კვირას მორიგი საპროტესტო აქცია ჩატარდა, რომელზეც საზოგადოება განმეორებით საპარლამენტო არჩევნების ჩატარებას მოითხოვდა.
9. Forbes: ბაიდენომიკა, ანუ როგორი იქნება აშშ-ს ეკონომიკა ბაიდენის პირობებში?
ამ კითხვაზე პასუხის გასაცემად მნიშვნელოვანია ტრადიციული შაბლონების დავიწყება - მაგალითად, ისეთის თითქოს დემოკრატების ეკონომიკური პოლიტიკა სოციალური შეღავათების დარიგებით და მაღალტექნოლოგიური გიგანტების ხელშეწყობით შემოიფარგლება. რეალობა, როგორც ყოველთვის, გაცილები უფრო მრავალფეროვანი.
დღეის მდგომარეობით, 24 საათის განმავლობაში გამოვლენილია ინფიცირების 2 927 ახალი დადასტურებული შემთხვევა, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა ალექსანდრე ხოჯევანიშვილმა, მთავრობის ადმინისტრაციაში გამართულ ბრიფინგზე განაცხადა. ინფორმაციას მთავრობის ადმინისტრაციის პრესსამსახური ავრცელებს.
Top 10
