დღის Top-10 საინტერესო ამბავი

დღის Top-10 საინტერესო ამბავი

access_time2020-05-19 21:30:20

დღის Top-10 საინტერესო ამბავი


1.520 დადგენილებას ზუსტად იგივე შედეგი აქვს, როგორიც კორონავირუსს ამერიკაში, ესპანეთში, იტალიასა და დიდ ბრიტანეთში

ორ თვეზე მეტი გავიდა მას შემდეგ, რაც ქვეყანაში ახალი კორონავირუსით დაინფიცირების პირველი შემთხვევა ოფიციალურად დადასტურდა. მას შემდეგ მთელი ქვეყანა ვირუსთან ბრძოლაში ჩაება. ჯანდაცვის სამინისტროს მთავარი საზრუნავი ახლა სწორედ ეს პრობლემაა. დღეს აღარავის ახსოვს 520-ე დადგენილება, რომელსაც სრულიად ჰოსპიტალური სექტორი აპროტესტებდა, ყველა ექიმი აცხადებდა, რომ დადგენილი ტარიფები რეალურ დანახარჯებს არ შეესაბამებოდა. თუმცა, როცა ჯანდაცვის სამინისტოში 520-ე დადგენილება ახსოვდათ, სახელმწიფო უწყება პრობლემის მოგვარებით არც მაშინ იყო დაკავებული.


2.ცუდი რეპუტაცია, არაკვალიფიციური კადრები, მართლმსაჯულების და ლოგისტიკის პრობლემა - რა უშლის ხელს ინვესტიციების მოზიდვას

საქართველოს ეკონომიკისა და მდგრადი განვითარების ყოფილმა მინისტრმა გიორგი ქობულიას თქმით, ლოგისტიკური, მიწის საკუთრების და სასამართლო სისტემის პრობლემების გარდა, ინვესტორების შემოსვლას ქვეყანაში, კვალიფიციური მუშახელის არარსებობაც უშლის. ქობულიას თქმით, კიდევ ერთი საკითხი, რომელიც ინვესტიციების შემოდინებას აფერხებს, სახელმწიფო სტრუქტურებში ინვესტორებთან მიმართებაში გადაწყვეტილებების მიღების გადავადება და ქვეყნის ცუდი რეპუტაციაა.


3.საქართველოს მთავრობის მიერ გადადგმული ნაბიჯები ქვეყანას მეტ სიღარიბეს მოუტანს

„საქართველოს მთავრობის მიერ გადადგმული ნაბიჯები არ არის ეფექტური, მხოლოდ დაინფიცირებულების რაოდენობას რომ გვანახებენ, რაც ნამდვილად არ არის სწორი (ვნახოთ ტესტების რაოდენობა 1 მილიონ მოსახლეზე) იმას რატომ არ გვანახებენ, რამდენმა დაკარგა სამსახური და შემოსავალი?“, - ამის შესახებ „კომერსანტს“ ბიზნესმენმა და ეკონომისტმა კონსტანტინე მოსიძემ განუცხადა. მისი თქმით, ხელისუფლების ქმედებები ქვეყანას ყველა შემთხვევაში მეტ სიღარიბეს მოუტანს.


4. კვება სასტუმროს ნომრებში, სასეირნო სივრცის კონტროლი და შენარჩუნებული ფასები - „ბორჯომი - ლიკანი“ 1 ივლისიდან გაიხსნება


„სასტუმროების ამოქმედების შემდეგ სავარაუდოდ შვედური მაგიდა აღარ იქნება მომსახურებაში და კვება ინდივიდუალურად მიეწოდება სტუმრებს ნომრებში იმისთვის, რომ დისტანცია არ დაირღვეს დამსვენებლებს შორის. რაც შეეხება მთლიან სამოძრაო სივრცეს, სასტურმო ძალიან დიდია და მარტივადაა შესაძლებელი დისტანციის დაცვა.“ - ამის შესახებ „კომერსანტს“ „ბორჯომი-ლიკანის“ ველნეს სასტუმროს მარკეტინგის მენეჯერმა ნათია ჩიქოვანმა განუცხადა.


5.„ორბი ჯგუფი ბახმარო“ სამშენებლო პროცესს პანდემიის მიუხედავად ზაფხულში მაინც გააგრძელებს

ბახმაროში 9 მიწის ნაკვეთი კომპანიამ სიმბოლურ ფასად შეისყიდა და 50 მილიონის ინვესტიცია უნდა განახორციელოს, თუმცა ამ ეტაპზე მშენებლობა შეჩერებულია, რადგან სამშენებლო პროცესში ძირითადად უცხოელები არიან ჩართულები. კვერღელაძის თქმით, მშენებლობის განახლება ზაფხულიდან იგეგმება.


6.ადგილობრივი ტურიზმის ხელშესაწყობად, რეგიონებში არსებული სასტუმროების ფასების დაბალანსება მოხდება - ნატა კვაჭანტირაძე

„ტურიზმი პირველი და მნიშვნელოვანი ინდუსტრიაა, რომელსაც ცალსახად შეეხო არსებული პრობლემები. მთავრობასთან ერთად სამუშაო ჯგუფები შეიქმნა. მნიშვნელოვანია სექტორმა შეძლოს უმტკინვეულოდ დაძლიოს არსებული პრობლემები. მიმდინარეობს მუშაობა რეკომენდაციებზე ტურისტული კომპანიებისთვის, გიდებისთვის, სასტუმროებისა და კვების ობიექტებისთვის და ა.შ. რეკომენდაციები მათ საშუალებას მისცემს, სწორად დაგეგმონ ნაბიჯები“, - ამის შესახებ „კომერსანტთან“ „საქართველოს ტურიზმის ასოციაციის“ ხელმძღვანელმა ნატა კვაჭანტირაძემ აღნიშნა.


7.„მაკდონალდსი“ დარბაზში დასაჯდომი ადგილების რაოდენობას ამცირებს და საქმიანობის დასაწყებად ემზადება

„მაკდონალდს საქართველოს“ მარკეტინგის მენეჯერის ალექსანდრე შენგელიას თქმით, კორონავირუსის გამო დაწესებული შეზღუდვების შემდეგ, რესტორნების გაყიდვები 50%-ით, ხოლო მომხმარებლების რაოდენობა 60%-ით შემცირდა.


8.Zeta Camping-მა Booking.com-იდან პირველი ჯავშანი მიიღო

Zeta Camping-მა Booking.com-იდან პირველი ჯავშანი მიიღო. „ბანაკი ზეთას“ დამფუძნებელი ანანო არაბული ამბობს, რომ ბრიტანელ ტურისტს, ივლისის შუა რიცხვებში, 2 ღამით უმასპინძლებენ.


9.განახლებული მზიურის პარკი ( ფოტოები )

მზიურის პარკის რეაბილიტაცია მალე დასრულდება. აღდგენილია ძველი მოზაიკები, ხიდები, კიბეები; პარკის ტერიტორიაზე მოწყობილია ველო -ბილიკები, სკამები, ურნები, ფანჩატურები, სასმელი წყლის სოკოები, დასასვენებელი ადგილები, ხელოვნური ტბა, სკეიტბორდისა და საბავშვო გასართობი მოედნები; გარდა ამისა, დადგმულია ზონირების შესაბამისი ნიშნები. ასევე, გამოიცვალა კომუნიკაციები: კანალიზაცია, სასმელი წყლის, ირიგაციის, ხანძარსაწინააღმდეგო და გარე განათების სისტემები.


10.Bloomberg - დაუბრუნდება თუ არა ძველ ნიშნულს ნავთობის ფასი ბაზრის კოლაფსის შემდეგ?

გლობალური ეკონომიკისთვის ყველაზე მნიშვნელოვანი ნედლეული - დიდ განსაცდელშია. მარტში, სულ რაღაც 11 დღეში ნავთობი 50-დან 20 დოლარამდე გაიაფდა და ამით ბაზარი ცუდ მდგომარეობაში აღმოჩნდა.


თეგები:
Top-10



შსს "საქართველოს ბანკის" ყაჩაღობის ფაქტთან დაკავშირებით განცხადებას აქვეყნებს

შსს
access_time2020-10-25 15:04:22
გვსურს, საზოგადოებას მივაწოდოთ დამატებითი ინფორმაცია ზუგდიდში, 21 ოქტომბერს მომხდარ, "საქართველოს ბანკის" ყაჩაღობის ფაქტთან დაკავშირებით მიმდინარე გამოძიების...

საქართველოში კორონავირუსი კიდევ 1 928 ადამიანს დაუდასტურდა

საქართველოში კორონავირუსი კიდევ 1 928 ადამიანს დაუდასტურდა
access_time2020-10-25 12:48:31
ამ დროისთვის საქართველოში კორონავირუსის 28 431 შემთხვევაა დადასტურებული, გამოჯანმრთელებულთა საერთო რაოდენობაა 10 767, გარდაიცვალა 201 პაციენტი.   კარანტინის რეჟიმში 4 112 ადამიანი რჩება, სტაციონარში მეთვალყურეობის ქვეშ - 3 766, კოვიდ-სასტუმროში - 2 268, უცხოეთიდან სამკურნალოდ გადმოყვანილია საქართველოს 41 მოქალაქე.   ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31...

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...

ბიუჯეტის შემოსავალი დღგ-დან წლიურად 295 მილიონითაა შემცირებული

ბიუჯეტის შემოსავალი დღგ-დან წლიურად 295 მილიონითაა შემცირებული
access_time2020-10-24 19:55:29
2020 წლის ბიუჯეტის 9 თვის შესრულების ანგარიშიდან ირკვევა, რომ კერძო სექტორის მიერ გადახდილი დამატებული ღირებულების გადასახადის მოცულობა 2.79 მილიარდ ლარს შეადგენს, რაც მართალია 2020 წლის კორექტირებული ბიუჯეტის გეგმის 106%-ია, თუმცა 2019 წლის მაჩვენებელთან შედარებით 294.6 მილიონი ლარით არის შეცმირებული. 2020 წლის 12 თვეში დღგ-ის გეგმა 3.74 მილიარდ ლარს შეადგენს. შედარებისთვის, ეს თანხა 2019 წელს მობილიზებულ 4.04 მილიარდ ლართან მიმართებით 300 მილიონი ლარით ნაკლებია. დღგ-ის...


მსგავსი სიახლეები

up