დღის Top 10 საინტერესო ამბავი:
„კომერსანტი“ დაინტერესდა ამ დროის განმავლობაში რა გააკეთეს მმართველი პარტიის დეპუტატებმა მთავარი დანაპირების - „კეთილდღეობის და სწრაფი განვითარების“ შესასრულებლად, რის გამოც ოთხი წლის წინ ამომრჩევლებს ხმას სთხოვდნენ. როგორ აფასებენ საკუთარ სიტყვას და საქმეს დეპუტატების სავარძლებიდან და რას ეუბნებიან ამომრჩევლებს. „კომერსანტი“ დაინტერესდა რა წვლილი შეიტანა ქართველი ხალხის კეთილდღეობასა და სწრაფ განვითარებაში თითოეულმა დეპუტატმა ამ ოთხი წლის განმავლობაში.
2.ექსპო-ჯორჯია საგამოფენო საქმიანობის გადასარჩენად ახალ ბიზნეს მოდელზე გადადის
კორონავირუსით გამოწვეულმა პანდემიამ მსოფლიო, წესრიგის ახლებური გააზრების აუცილებლობის წინაშე დააყენა. ბიზნესის გარკვეულმა სექტორებმა ეს მალევე მოახერხა და საქმიანობის ახალი მეთოდი დანერგეს, თუმცა არიან ისეთებიც, რომელთა გადაწყობაც კოვიდ რეალობაში შეუძლებელია. ჩვენს რეალობაში ესეთი ერთ-ერთი კომპანია საგამოფენო ცენტრი „ექსპო ჯორჯიაა“. დიალოგი სს „გამოფენების ცენტრის“ დირექტორთან რესან ქიქავასთან ესე დაიწყო: „პირდაპირ რომ გითხრათ, საგამოფენო საქმიანობის გადარჩენის რეჟიმში ვართ“.
3.ქართული ბანკების ზარალის 30,8% საქართველოს ბანკზე მოდის
საქართველოს ბანკმა 9 თვე 77,5 მლნ ლარის ზარალით დაასრულა. აღსანიშნავია, რომ თხუთმეტი კომერციული ბანკის კონსოლიდირებული ზარალი 252 მლნ. ლარი იყო, შესაბამისად საქართველოს ბანკის წილი საერთო მოცულობაში 30.8%-ით განისაზღვრა.
4.„კერძო სადაზღვევოები Covid 19-ის მართვაში ჩართვისთვის საჭირო ხარჯებს თვითონ დაფარავენ“
„სადაზღვევო ასოციაციის“ ხელმძღვანელი დევი ხეჩინაშვილი „კომერსანტთან“ საუბრისას აღნიშნავს, რომ კერძო სადაზღვევო კომპანიები კოვიდით ინფიცირებული მსუბუქ სიმპტომიანი პაციენტების მართვაში ჩაერთვებიან. მისი თქმით, შესაბამისი პროტოკოლი უკვე არსებობს.
5.Coffee Lab-ი ყავახანების ქსელს აფართოვებს - ახალი ფილიალი „აქსის თაუერშიც“ გაიხსნება
ყაზბეგის ქუჩაზე ყავის ლაბორატორია Coffe Lab-ი, 2016 წელს გიორგი აივაზიანმა დააფუძნა. პანდემიის მიუხედავად, ღია სივრცის გამო მომხმარებლების ნაკლებობა კაფეს არ უგრძვნია.
6.KTW მზის ენერგიის გამოყენებას იწყებს - პროექტში ჯგუფი 3 წელში $3-4 მლნ-ს ჩადებს
კომპანია KTW ჯგუფი მზის ენერგიის გამოყენებას იწყებს. მომავალი 3 წლის განმავლობაში კომპანია პროექტში 3-4 მლნ დოლარის ინვესტიციას განახორციელებს.
7.მთავრობა 48 მილიონი ლარის ღირებულების საწოლფონდის შესყიდვას გეგმავს
მთავრობამ საწოლფონდის შესაძენად გამარტივებული შესყიდვა გამოაცხადა. შესაბამისი განაცხადი უკვე ფიქსირდება სახელმწიფო შესყიდვების ეროვნული სააგენტოს ვებგვერდზე.
8.ქართველი დამფუძნებლის ამერიკული კომპანია IPO-ზე გადის
წარმატებულმა ამერიკულმა ტექნოლოგიურმა კომპანიამ Shift, აქციები საფონდო ბირჟაზე განათავსა, რაც IPO*-ზე გასვლით სახელითაც არის ცნობილი. ამ კომპანიამ გადატრიალება უკვე მოახდინა ხალხზე დაფუძნებულ მეორადი მანქანების 750 მლრდ დოლარიან ინდუსტრიაში.
ფინანსური ანგარიშგებისა და აუდიტის რეფორმა პანდემიის პირობებში, როგორია რეფორმის შედეგები 4 წლის შემდეგ და რა მოლოდინები აქვთ აუდიტორულ კომპანიებს. „გრანთორთონის“ მმართველი პარტნიორი, ვახტანგ ცაბაძე რადიო კომერსანტის გადაცემაში „ჩემი აუდიტორი“ მეოთხე კატეგორიის კომპანიებზე საუბრობს და აღნიშნავს,რომ საწარმოები რეფორმით გათვალისწინებული მოთხოვნების შესასრულებლად, ჯერჯერობით, მზად არ არიან.
10.Forbes: მილიარდერთა უმრავლესობა მხარს ჯო ბაიდენს უჭერს
ამერიკელ მილიარდერთა 43% თავს რესპუბლიკელად მიიჩნევს, 24% - დემოკრატად, 33% - არც ერთი პარტიის მტკიცე მომხრე არაა. თუმცა, მილიარდერთა 48% ამის მიუხედავად, ხმას ჯო ბაიდენს და არა რესპუბლიკელ-მილიარდერს დონალდ ტრამპს აძლევს. სხვა გამოკითხვების თანახმად, საარჩევნო კამპანიაში ქვეყნის მასშტაბშიც სადღეისოდ ასევე ბაიდენი ლიდერობს, მას მხარს მოსახლეობის 51% უჭერს, ტრამპს კი - 42%.