დღის Top 10 საინტერესო ამბავი:
1.ზუგდიდში, „საქართველოს ბანკში“ მძევლები აიყვანეს
ზუგდიდში, მერიის მოპირდაპირედ მდებარე საქართველოს ბანკთან სამართალდამცველები არიან მობილიზებული სპეცრაზმთან ერთად. აქ, შეიარაღებული პირი იმყოფება, რომელსაც ბანკის რამდენიმე თანამშრომელი და მოქალაქე მძევლად ჰყავს აყვანილი.
ხელისუფლება კორონავირუსის მართვის სადავეებს კარგავს, რასაც „კომერსანტის“ მიერ ექსკლუზიურად მოპოვებული დოკუმენტიც ადასტურებს. დაავადებათა კონტროლისა და საზოგადოებრივი ჯანრთელობის ეროვნული ცენტრის გენერალური დირექტორის, ამირან გამყრელიძის სახელით ჰოსპიტალური სექტორის წერილი გაეგზავნა, სადაც საუბარია ახალი კორონავირუსის რეგისტრაციის დაგვიანების ფაქტებზე, რა დროსაც მოქალქეებისთვის პასუხების მიწოდების პროცესი ფერხდება
ზაზა პაპუაშვილი აცხადებს, რომ ქვეყანაში ბევრი რამ იცვლება და მიუხედავად იმისა რომ „ქართულმა ოცნებამ“ წლების წინ ბევრი კარგი რამ ჩაიფიქრა, სხვადასხვა მიზეზების გამო ეს გეგმები ცოტათი შეფერხდა და ტემპი დავარდა.
თბილისის მერიამ ისტორიულ გალავანზე მშენებარე სასტუმროს ბოლო სართულის დემონტაჟი მოსთხოვა. დედაქალაქის მერმა განაცხადა, რომ მშენებლობა შეთანხმებული პროექტის ესკიზებს არ შეესაბამება, რის გამოც ბოლო სართულის დემონტაჟი განხორციელდება.
ბანკების ფინანსური ანგარიშგებების 2020 წლის II კვარტლის მონაცემების მიხედვით, Top 5 კომერციული ბანკის საპროცენტო შემოსავალმა სესხებიდან 1,380,384,291 ლარი შეადგინა, რაც წინა წლის ანალოგიურ პერიოდთან შედარებით 122,880,475 ლარით მეტია (2019 წლის მეორე კვარტალში 1,257,503,816 ლარი).
6.ქუთაისის საერთაშორისო უნივერსიტეტი გაიხსნა
საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი ქუთაისის საერთაშორისო უნივერსიტეტს ეწვია და პირველკურსელების ფიცის დადების ცერემონიალში მიიღო მონაწილება. ღონისძიება უნივერსიტეტის რექტორმა ალექსანდრე თევზაძემ გახსნა.
7.22:00 საათის შემდეგ მუშაობის შეზღუდვის დარღვევისთვის 12 რესტორანი 10 000 - 10 000 ლარით დაჯარიმდა
შრომის პირობების ინსპექტირების დეპარტამენტის უფროსის, ბექა ფერაძის განცხადებით, 22:00 საათის შემდეგ მუშაობის შეზღუდვის დარღვევის გამო 12 რესტორანი დაჯარიმდა.
„მიღებული გადაწყვეტილება ობიექტის დახურვას ნაკლებად გამოიწვევს, თუმცა ადამიანების რაოდენობა მნიშვნელოვნად შემცირდება, გარკვეული კონტრაქტები დაპაუზდება, რეალურად იგივე მოხდება რაც წინა შეზღუდვების შემთხვევაში მოხდა“, - ასე აფასებს „m group“- ის საოპერაციო დირექტორი გიორგი მურჯიკნელი ხელისუფლების ახალ შეზღუდვას.
9.ოსმან თურანი: პანდემიამ ბევრ თურქ ბიზნესმენს თუ კომპანიას საქართველოში შემოსვლა გაურთულა
თურქეთი ყველაზე დიდი სავაჭრო პარტნიორია საქართველოსთვის. შესაბამისად, ამ ბიზნესურთიერთობისთვის ე.წ. ეგზისტენციალური საფრთხე არ არსებობს, თუმცა, მცირე ზომის პრობლემები, რომელიც პანდემიის პირობებში წარმოიქმნა, ყოველდღიურ ურთიერთობებს, გარკვეულწილად, მაინც აფერხებს, - ქართველ და თურქ ბიზნესმენთა ასოციაციის თავმჯდომარე ოსმან თურანი თურქი ინვესტორებისთვის შექმნილ ბარიერებზე საუბრობს.
„მოგესალმებით, როგორც თქვენთვის ცნობილია, ზუგდიდში უმძიმეს შემთხვევასთან გვაქვს საქმე. მძევლად არიან აყვანილი ჩვენი მოქალაქეები. შეტყობინების მიღებისთანავე დაიწყო გამოძიება და მიმდინარეობს გადაუდებელი ოპერატიულ-სამძებრო და საგამოძიებო ღონისძიებები. შინაგან საქმეთა სამინისტრო აკეთებს მაქსიმუმს, რათა მოხდეს მძევლების გათავისუფლება და საპოლიციო ღონისძიება დასრულდეს მშვიდობიანად“ – განაცხადა ბრიფინგზე საქართველოს შინაგან საქმეთა მინისტრის პირველმა მოადგილემ კახაბერ საბანაძემ. ინფორმაციას ამის შესახებ სამინისტრო ავრცელებს.