დღის Top 10 საინტერესო ამბავი:
1.„მთავრობა გამკაცრებული რეგულაციით პასუხისმგებლობას თავს არიდებს“- დედაქალაქის თითქმის ყველა ბარი დაკეტილი დაგხვდებათ
თუ დღეს, პარასკევ საღამოს, დამღლელი სამუშაო დღის შემდეგ თბილისში, აჭარასა და იმერეთში განტვირთვას გადაწყვეტთ, გართობა 10 საათამდე უნდა მოასწროთ. სანამ კონრეტულ დაწესებულებაში მიხვალთ, მანამდე აუცილებლად შეამოწმეთ გახსნილია თუ არა ობიექტი, რადგან საქართველოს მთავრობის დაწესებული ახალ შეზღუდვის გამო დედაქალაქის თითქმის ყველა ბარი დაკეტილი დაგხვდებათ.
2.„საგარეო ვალი 55%-მდე გაიზრდება, რაც ჩვენმა გადაწყვეტილებამაც გამოიწვია შეგვექმნა მაღალი ფისკალური რეზერვები“ - ნიკოლოზ გაგუა
საქართველოს ფინანსთა მინისტრის მოადგილემ, ნიკოლოზ გაგუამ, საგარეო ვალის გაზრდის მიზეზებისა და შედეგებზე ისაუბრა.
3.„ფულადი გზავნილების რეკორდული ზრდა იმის მანიშნებელია, რომ ქვეყანაში დიდი გაჭირვება და უმუშევრობაა“
2020 წლის სექტემბერში საქართველოში შემოსული ფულადი გზავნილების ნაკადების მოცულობამ 192.7 მილიონი დოლარი (611.4 მლნ ლარი) შეადგინა, რაც ქვეყანაში ერთი თვის განმავლობაში გადმორიცხული ფულადი გზავნილების რეკორდულ მოცულობას წარმოადგენს. ეკონომიკის ექსპერტი ნიკა შენგელია „კომერსანტთან“ საუბრისას აცხადებს, რომ ფულადი გზავნილების ასეთი დიდი რაოდენობით ზრდა, ქვეყანაში არსებულ მძიმე სოციალურ-ეკონომიკურ პრობლემებთანაა დაკავშირებული.
4.„რთული ეპიდემიოლოგიური სიტუაციაა, ვერაფერს ვიზამთ“ – „მაჭახელამ“ 6 რესტორანი დახურა
ისანში, ავლაბარში, კოსტავა, აღმაშენებელსა და ვაჟა-ფშაველას გამზირებზე და ბათუმში „მაჭახელა“ დაიხურა. რესტორნების ქსელი მუშაობას 7 ფილიალით აგრძელებს. კომპანიაში ელოდებიან როგორ შეიცვლება ეპიდემიოლოგიური მდგომარეობა, რის შემდეგაც სამოქმედო გეგმას შეიმუშავებენ.
5.„საქართველოში შეიქმნება ელექტროენერგიის ბირჟა, სადაც ვაჭრობა და ფასების ფორმირება მოხდება“ - სემეკი
სემეკის წევრი, გიორგი ფანგანი ენერგეტიკული სექტორის გამოწვევებსა და განვითარების პერსპექტივებზე საუბრობს. მისი თქმით, მიუხედავად პანდემიისა და რეგიონში არსებული დაძაბული სამხედრო ვითარებისა, ბაზრის ლიბერალიზაციის რეფორმა არ შეფერხებულა და პროცესი წარმატებით მიმდინარეობს.
6.სიკვდილს შეზღუდვა სჯობს - ლაშა პაპაშვილი
ქვეყანაში ეპიდემიის მეორე ტალღაა, გუშინ კი მთავრობამ სარესტორნო ბიზნესს შეზღუდვები დაუწესა. რა მოლოდინი აქვს ბიზნესს და რას აპირებს იმ პირობებში, თუ მკვეთრი ზომები სხვადასხვა სექტორზე უფრო გლობალურად დაწესდება? მით უმეტეს იმ პირობებში, როდესაც განვითარებული და ძლიერი ქვეყნებისაგან განსხვავებით, საქართველო გაცილებით ღარიბი და მაღალი რისკების ქვეყანაა. აქვს თუ არა ქართულ ბიზნესს მკვეთრი ზომების მიღების ფუფუნება - ბიზნესმენი, „რედიქს ჯგუფის“ დამფუძნებელი ლაშა პაპაშვილი.
7.COVID-19-მა საქართველოს აეროპორტებში მგზავრთნაკადი 81.23%-ით შეამცირა
საქართველოს აეროპორტებში მგზავრთნაკადის 81.23%-იანი კლებაა, რაც პირდაპირ COVID-19-ის პანდემიას და მის გამო მსოფლიოსა და საქართველოში რეგულარული საჰაერო მიმოსვლის კუთხით დაწესებულ შეზღუდვებს უკავშირდება.
8. საქართველოს საბანკო სექტორი აღდგენას 2020 წლის მეორე ნახევარში დაიწყებს - Fitch
საქართველოს საბანკო სექტორი აღდგენას 2020 წლის მეორე ნახევარში დაიწყებს და 2021 წელსაც გააგრძელებს, ამის შესახებ შეფასება საერთაშორისო სარეიტინგო სააგენტო Fitch-მა გამოაქვეყნა.
9.ლევან კობერიძე არჩევნების გადადების საკითხზე საპარლამენტო მსჯელობის გამართვას ითხოვს
საქართველოს პარლამენტის ჯანმრთელობის დაცვისა და სოციალურ საკითხთა კომიტეტის წევრი და პარტია „ლელოს“ ვაკის მაჟორიტარი დეპუტატობის კანდიდატი, ლევან კობერიძე სპეციალურ განცხადებას ავრცელებს და არჩილ თალაკვაძესა და დიმიტრი ხუნდაძეს მიმართავს.
10.„როგორც კი ლარი აიწევდა-დაიწევდა, ივანიშვილი გვირეკვდა, ძალიან გთხოვთ იქნებ ჩაერთოთო“ - მამუკა ხაზარაძე
„როგორც კი ლარი აიწევდა-დაიწევდა, გვირეკავდა, ძალიან გთხოვთ იქნებ ჩაერთოთო,“-ამის შესახებ, „ლელო საქართველოსთვის“ თავმჯდომარემ მამუკა ხაზარაძემ „პალიტრანიუსის“ გადაცემაში „360 გრადუსი“ ბიძინა ივანიშვილთან დაკავშირებით გაიხსენა.