დღის Top-10 საინტერესო ამბავი

დღის Top-10 საინტერესო ამბავი

access_time2020-05-06 21:30:56

დღის Top-10 საინტერესო ამბავი


1.ფულადი გზავნილების მაქსიმალური კლება აპრილში იყო, მაისიდან სავარაუდოდ ზრდა გვექნება

მსოფლიო ბანკი 2020 წელს ფულადი გზავნილების დაახლოებით 20%-ით ვარდნას ელის. საფინანსო ინსტიტუტი პროგნოზში აღნიშნავს, რომ უახლეს ისტორიაში ჯერ არნახული სავარაუდო კლება მიგრანტი მშრომელების ხელფასების და დასაქმების შემცირებით იქნება განპირობებული. კვლევაში აღნიშნულია, რომ ფულადი გზავნილები დაბალი და საშუალო შემოსავლის მქონე ქვეყნების მიმართულებით, სავარაუდოდ 19.7%-ით 445 მლრდ. აშშ დოლარამდე შემცირდება.მიუხედავად იმისა, რომ აპრილის თვის ოფიციალური მონაცემები ჯერ ცნობილი არ არის, საფინანსო ინსტიტუტების წარმომადგენლების ნაწილი მარტის თვესთან შედარებით საზღვარგარეთიდან ფულადი გზავნილების ზრდაზე, ნაწილი კი კლებაზე საუბრობს.


2.სახელმწიფო სამედიცინო ჰოლდინგი არის ფიქციურად შექმნილი, ბიუროკრატიული დასასაქმებელი კანტორა-სერგო ჩიხლაძე

სახელმწიფოს საკუთრებაში არსებული თბილისისა და ბათუმის რესპუბლიკური, ბავშვთა ინფექციური და ონკოლოგიური საავადმყოფოების განვითარების მიზნით 6 თვის წინ სახელმწიფომ სამედიცინო ჰოლდინგი შექმნა, რომელსაც უნდა შეემუშავებინა სტრატეგიული გეგმა, რომელიც კლინიკებს საერთაშორისო სტანდარტის შესაბამისად, ეტაპობრივად განავითარებდა. ჯანდაცვის მინისტრმა სამედიცინო ჰოლდინგის დირექტორად გიორგი ჩოგოვაძე დანიშნა. სწორედ ტურიზმის სექტორიდან ჯანდაცვის სექტორში გადასულ ჩოგოვაძესთან შევეცადეთ გაგვერკვია როგორ ასრულებს დასახულ მიზანს საქართველოს სამედიცინო ჰოლდინგი, თუმცა, მან „კომერსანტის“ არც სმს შეტყობინებას და არც ზარს არ უპასუხა. რაზეც არ საუბრობს გიორგი ჩოგოვაძე, საუბრობს ჯანდაცვის ექსპერტი სერგო ჩიხლაძე. ვრცლად იხილეთ commersant.ge-ზე. 


3.საქართველოს სტიმულირების პაკეტში არ ჩანს გრძელვადიან პერსპექტივაში ქვეყანა განვითარებას როგორ გეგმავს

რით განსხვავდება მეზობელი ქვეყნების და საქართველოს მთავრობის მიერ წარმოდგენილი სტიმულირების პაკეტები და რა ფინანსურ დახმარებას სთავაზობენ სხვადასხვა ქვეყნები ბიზნესს და მოსახლეობას, ამასთან დაკავშირებით „კომერსანტი“ „ეკონომიკური პოლიტიკის კვლევის ცენტრის“ აღმასრულებელი დირექტორის მოადგილე ირინა გურულს ესაუბრა.


4.კახა ხაზარაძე: ეროვნული ბანკის ნაბიჯები და რეგულაციები მის არაპროფესიონალიზმზე მიუთითებს


ბიზნესმენი, ბრენდული მაღაზიების მფლობელი კახა ხაზარაძე იმ სირთულეებზე საუბრობს, რაც ვალუტის გაცვლითი კურსის არაპროგნოზირებადობით არის გამოწვეული.მისი თქმით, მიუხედავად იმისა, რომ რითეილერია და არა საბანკო საქმის ექსპერტი, იმის თქმა მაინც თამამად შეუძლია, რომ ეროვნული ბანკის ნაბიჯები და რეგულაციები არაპროფესიონალიზმის გამოვლინებაა.


5.რასაც გვთავაზობენ არ მიესადაგება ჩვენს საქმიანობას - ჟოლოს მწარმოებელი ფერმერები აგროდაზღვევის პირობებს აკრიტიკებენ

სახელმწიფო აგროდაზღვევა სამ წლამდე გახანგრძლივდა, რაც იმას ნიშნავს, რომ სახელმწიფოსგან 70 პროცენტიანი თანამონაწილეობით ფერმერები სამი წლის განმავლობაში ყინვით, სეტყვით, წყალდიდობითა და ქარიშხლით მოსავლის დაზიანების შემთხვევაში მხარდაჭრას მიიღებენ.როგორ მუშაობს აგროდაზღვევის სისტემა, რამდენმა იცის მის შესახებ, ვის უნაზღაურდება ზარალი და რამდენად მნიშვნელოვანი მხარდაჭერაა აგროდაზღვევის გახანგრძლივება ფერმერისთვის - „კომერსანტი“ საქართველოში რეგისტრირებული კოოპერატივებიდან რამდენიმეს დაუკავშირდა.


6. გარიგება არ შედგა -„კრისტალი“ „ფინკა ბანკს“ აღარ ყიდულობს

კრისტალი ფინკა ბანკს აღარ ყიდულობს. ის, რომ გარიგება აღარ შედგება „კომერსანტს“ ფინკა ბანკში დაუდასტურეს. როგორც საფინანსო ინსტიტუტში განმარტავენ, მოლაპარაკებები „ფინკა ბანკი საქართველოსა“ და მიკროსაფინანსო ორგანიზაცია „კრისტალის“ გაერთიანებასთან დაკავშირებით არ გაგრძელდება. „კოვიდ19 კრიზისის კონტექსტში მხარეთა შორის ვერ შედგა საბოლოო შეთანხმება. „ფინკა ბანკი საქართველო“ გააგრძელებს ოპერირებას ქვეყანაში როგორც FINCA Impact Finance-ის საერთაშორისო საფინანსო ქსელის ნაწილი“.


7.„ქვეყანაში დასაქმების ყველაზე დიდი მაჩვენებელი ინფრასტრუქტურულ პროექტებს უჭირავს და მისი შეჩერება თუნდაც კორონავირუსის გამო არ შეიძლება“

„ქვეყანაში დასაქმების ყველაზე დიდი მაჩვენებელი ინფრასტრუქტურულ პროექტებს უჭირავს და მისი შეჩერება თუნდაც კორონავირუსის გამო არ შეიძლება,“- ამის შესახებ „კომერსანტს“ ინფრასტრუქტურის მშენებელთა ასოციაციის დირექტორმა ანა საბახტარიშვილმა განუცხადა.აკადემიკოსი ავთანდილ სილაგაძე მიიჩნევს, რომ ინფრასტრუქტურული პროექტების ნაწილის შეჩერება იმ მნიშვნელოვანი საქმეებისთვის თანხის დაზოგვაა, რომელიც კორონავირუსის გამო ქვეყანაში შეიქმნა


8.სად მივირთვათ კარგი ბურგერი თბილისში?

სწრაფი კვების ობიექტების პოპულარობასთან ერთად საქართველოში მომხმარებელს სხვადასხვა სახეობის, ფასისა და ხარისხის ბურგერის დაგემოვნება შეუძლია. ბაზარზე არაერთი საბურგერე გამოჩნდა, რომელთა შორის მომხმარებლის მხრიდან რამდენიმე განსაკუთრებული მოწონებით გამოირჩევა. მიუხედავად იმისა, რომ გამოცდილ გურმანებს ურჩევნიათ ბურგერი საკუთარი გემოვნებით სახლებში დაამზადონ, ცნობილი საბურგერეები, როგორებიცაა - PIPES, BURGER BAR, BURGER CLUB და BURGER KING-ი, კრაფტ-ბურგერის კატეგორიაში მოწინავე ადგილს იკავებენ.


9.„კობა გვენეტაძის რჩევები ბიზნესისათვის ძალიან დაგვიანებულია და ძვირია“

ლარის არაპროგნოზირებადი კურსი ბიზნესისთვის, ბოლო პერიოდში, განსაკუთრებით სერიოზული პრობლემა გახდა და ამაზე ყველა თანხმდება.ამ გამოწვევის საპასუხოდ ეროვნული ბანკის პრეზიდენტმა, კობა გვენეტაძემ გადაცემა, „ბიზნესპარტნიორში“ სტუმრობისას ბიზნესს ჰეჯირებული სესხებით სარგებლობა შესთავაზა.„კომერსანტი“ დაინტერესდა, უფრო ზუსტად რას გულისხმობს ჰეჯირებული სესხები და როგორ იცავს ის ბიზნესს კურსის მერყეობისგან მომდინარე დარტყმებისგან. თუ ეს ინსტრუმენტი უებარი საშუალებაა, რატომ არ იყენებდა მას ბიზნესი აქამდე უფრო აქტიურად. ამ კითხვებით ეკონომისტსა და „აფბა“-ს ვიცე-პრეზიდენტს, პაატა ბაირახტარს მივმართეთ.


10.The New York Times: ბიზნეს კომპანიები თანამშრომლებს უთვალთვალებენ

ყოველ წუთს ათობით კომპანია ძირითადად კერძო და არარეგულირებადი, ათობით მილიონი ადამიანის გადაადგილებას აფიქსირებს.ამ ინფორმაციას მონაცემთა უზარმაზარ ბაზებში ინახავენ. ერთ-ერთმა ასეთმა კომპანიამ ანონიმურობის დაცვის პირობით, გამოცემას ასეთ ბაზასთან წვდომის საშუალება მისცა. ფაილი 12 მლნ. ამერიკელის მიერ 2016-2017 წლებში მობილური ტელეფონებიდან განხორციელებული 50 მლრდ. ზარის შესახებ დეტალურ ინფორმაციას შეიცავდა - ვინ, სად, და ზუსტად რომელი ადგილიდან დარეკა.


თეგები:
Top-10



13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს

13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს
access_time2020-09-23 13:05:21
Bloomberg-ის სავაჭრო პლატფორმაზე 13:00 საათისთვის ერთი დოლარი 3.2600 ლარად ივაჭრება. პლატფორმაზე ვაჭრობა დღეს 3.2520 კურსით დაიწყო. საქართველოს ეროვნული ბანკის მიერ გუშინ დადგენილი კურსით, ერთი აშშ დოლარის ოფიციალური ღირებულება 3.2537 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2940 ლარადაა შესაძლებელი, ხოლო მისი გაყიდვა - 3.2100 ლარად. „საქართველოს ბანკში“ 1 დოლარის ყიდვა 3.2920 ლარადაა...

ეროვნულ ბანკს კონკურენციის შესახებ კანონის აღსრულება დაევალება

ეროვნულ ბანკს კონკურენციის შესახებ კანონის აღსრულება დაევალება
access_time2020-09-23 09:50:04
საქართველოს ეროვნული ბანკის შესახებ საქართველოს ორგანულ კანონში შესული ცვლილებების თანახმად, ეროვნულ ბანკს კონკურენციის შესახებ კანონის აღსრულება დაევალა. ცვლილებები ძალაში 4 ნოემბრიდან შევა და შეავსებს იმ ვაკუუმს რაც კანონის აღსრულების კუთხით იდგა ბანკებისა და მიკროსაფინანსო ორგანიზაციების მიმართ.   ორგანულ კანონში ცვლილებებს წლებია ითხოვს სადაზღევევო სექტორი, რომელმაც ბანკების მხირდან კონკურენციის შესახებ კანონის დარღვევა არაერთხელ საჯაროდ...

ქართული კომპანიების ფინანსური მონაცემები ერთ სივრცეში

ქართული კომპანიების ფინანსური მონაცემები  ერთ სივრცეში
access_time2020-09-23 09:50:26
Bihub.ge-ზე უკვე შესაძლებელია საქართველოს ეკონომიკის მამოძრავებელი აქტიური კომპანიების ფინანსური მონაცემების ერთიან სივრცეში ნახვა. ინტერაქტიულ დეშბორდზე ნახავთ I, II, III და IV კატეგორიაში შემავალი ბიზნესებისა და სდპ პირების ფინანსური შედეგების ანალიტიკას.   3000-ზე  მეტი I-III კატეგორიის კომპანიის დეტალური ინდივიდუალური (კონსოლიდირებული) ფინანსური ანგარიშგებები. სულ რამდენიმე კლიკით შესაძლებელია გაიგოთ, თუ როგორაა 25000-ზე მეტი კომპანია,...

სს „წყალი მარგებელმა”, ბუღას ბრენდით სამი ახალი პროდუქტის წარმოება დაიწყო

სს „წყალი მარგებელმა”, ბუღას ბრენდით სამი ახალი პროდუქტის წარმოება დაიწყო
access_time2020-09-23 09:30:08
„ვარდისფერი ბუღა“, „ბუღა ტონიკი“ და „ბუღა ველნესი 0 კალორია“ ქართულ ბაზარზე სს „წყალი მარგებელმა“ ბუღას ბრენდით, სამი ახალი პროდუქტის წარმოება დაიწყო.   კომპანიის პორტფელში, ერთ-ერთი ყველაზე მოთხოვნად პროდუქტს, ქართულ ენერგეტიკულ სასმელ, „ბუღას“, 2020 წლის სექტემბრიდან ორი ახალი ენერგეტიკული სასმელი და მატონიზირებელი წყალი დაემატა. მომხმარებელს ახალი გემოების დაგემოვნება უკვე შეუძლია. ენერგეტიკული სასმელი „ვარდისფერი...

„air georgia“ პირველი ქართული დაბალბიუჯეტიანი ავიაკომპანია, რომელიც „Wizzair“-ის და „ryanair“ - ის კონკურენტი იქნება

„air georgia“ პირველი ქართული დაბალბიუჯეტიანი ავიაკომპანია, რომელიც „Wizzair“-ის და „ryanair“ - ის კონკურენტი იქნება
access_time2020-09-23 11:00:02
„Wizzair და ryanair“ შემდეგ ქართულ ავიაბაზარზე ახალი დაბალბიუჯეტიანი კომპანია იწყებს ოპერირებას. პროექტი ბრიტანული და არაბული ინვესტიციით ხორციელდება. „air georgia“-ს მოლაპარაკებები საქართველოს მთავრობასთან გადამწყვეტ ფაზაშია. ,,ჰაბ ჯორჯიას“ დამფუძნებელი გიორგი კოდუა კომერსანტთან საუბარში აცხადებს, რომ კორონავირუსით გამოწვეულმა პანდემიამ მსოფლიოს და მათ შორის საქართველოს რთული გამოწვევების პარალელურად ახალი შესაძლებლობები შეუქმნა.   „უპირობოდ გვაქვს შანსი, რომ...


მსგავსი სიახლეები

up