დღის Top 10 საინტერესო ამბავი:
1.„მიკროსაფინანსოები ვერც მიკრობანკებად გარდაქმნის შემდეგ იქნებიან ბანკების კონკურენტები“ - „იშბანკი საქართველო“
„კომერსანტი“ ყველა კომერციულ ბანკს დაუკავშირდა კითხვით, თვლიან თუ არა, რომ მიკრობანკების სტატუსის მოპოვების შემდეგ მიკროსაფინანსოები ზემოთ ჩამოთვლილი დაკრედიტების კუთხით კომერციული ბანკების კონკურენტები გახდებიან. ჩვენს კითხვაზე პასუხი მხოლოდ იშბანკი საქართველოსგან მივიღეთ. მსხვილმა ბანკებმა „საბანკო ასოციაციაში“ გადაგვამისამართეს, ხოლო დანარჩენებმა პასუხისგან თავი შეიკავეს.
2.საქართველოს ბოლო წლების ერთ-ერთი ყველაზე მსხვილი საინვესტიციო პროექტი შესაძლოა ყარაბაღის კონფლიქტმა დააპაუზოს
შპს „ფაზის ოილი“ და საკონსულტაციო კომპანია Deloitte & Touche ყულევის მაღალტექნოლოგიური ნავთობგადამამუშავებელი ქარხნის პროექტს, რომლის ინვესტიციის მოცულობა მილიარდ დოლარს აღემატება, რამდენიმე თვეა ახორციელებენ. თუმცა, პანდემიის და მთიანი ყარაბაღის კონფლიქტის გამო, საქართველოში პირველი ნავთობგადამამუშავებელი ქარხნის მშენებლობაში ინვესტირებისგან უცხოური კომპანიები თავს იკავებენ.
3.ის რაც გიყვართ გაძვირდა - „მაკდონალდსმა“ მენიუზე ფასი 10 პროცენტით გაზარდა
ჩიზბურგერი, ჰამბურგერი, როლი, ნაგეტსი, ტოსტი - ის რაც გიყვართ გაძვირდა. „მაკდონალდსმა“ მენიუზე ფასი დაახლოებით 10 პროცენტით გაზარდა. კომპანიაში აცხადებენ, რომ მსოფლიოში შექმნილმა ეკონომიკურმა კრიზისმა და ლარის კურსის დევალვაციამ გავლენა იქონია ყველა სფეროზე, მათ შორის „მაკდონალდსის“ ბიზნეს საქმიანობაზე.
4.მათ საქართველო მოკლეს – ანუ კორონაისტერიას შეწირული საქართველოს ეკონომიკა
თამამად შეიძლება ითქვას, რომ მიმდინარე 2020 წელი ერთ-ერთი ყველაზე მძიმე აღმოჩნდა საქართველოსთვის. მიმდინარე წელს მსოფლიოს covid-19-ის ვირუსთან გამკლავება მოუწია, გამონაკლისი არც საქართველო იყო და ქვეყანამ ისტერიული ბრძოლა გამოუცხადა უხილავ მტერს. იმდენად ისტერიული, რომ გატარდა ყველა საჭირო, თუ გამოუსადეგარი ღონისძიება მის შესაჩერებლად. ერთად მიმოვიხილოთ, თუ რამდენად მოხერხდა ამ მტერთან გამკლავება და რა შედეგები მოუტანა ამ ყველაფერმა ქვეყნის ეკონომიკას.
5.როგორ მუშაობს მამუკა ბახტაძის დაფუძნებული „ახალგაზრდობის სააგენტო“, რომელიც სამ წელიწადში 14 მილიონი ლარით დაფინანსდა
მაშინ, როდესაც პარლამენტის წინ 3-თვიანი უწყვეტი ახალგაზრდული პროტესტი მიმდინარეობდა, 2019 წლის 26 აგვისტოს, მაშინდელმა პრემიერმინისტრმა, მამუკა ბახტაძემ, სსიპ “ახალგაზრდობის სააგენტო” თავიდან დააფუძნა და პროტესტს ალტერნატიული ახალგაზრდული მოძრაობით უპასუხა. არასამთავრობო ორგანიზაცია „ფლანგვის დეტქტორი“ დაინტერესდა, როგორ და რაზე იხარჯება საბიუჯეტო სახსრები.
6.„ქართული ოცნების“ მმართველობის პერიოდში ფასები დაახლოებით 30%-ით გაიზარდა, ხოლო ემიგრაციაში 760 ათასი ადამიანი წავიდა“
„საზოგადოება და ბანკების“ ხელმძღვანელი გიორგი კეპულაძე სოციალურ ქსელში „ქართული ოცნების“ მმართველობას პერიოდში ეკონომიკური მაჩვენებლების შესახებ წერს.
7.ასოციაცია: კერძო ბაღებში გადასახადი 20%-ით გაიზარდა
საქართველოს სკოლამდელ დაწესებულებებში, გარდა აჭარის რეგიონისა, სასწავლო პროცესი 12 ოქტომბერს აღდგა. აჭარის ბაგა-ბაღებში ფუნქციონირების განახლება 19 ოქტომბრიდან იგეგმება.
8.გლემფინგური დასვენება, ახალი ტრენდი ქართულ ტურიზმში - ოქტომბერში Glamping Sioni იხსნება
ოქტომბრის ბოლოს, თიანეთის მუნიციპალიტ სოფელ სიონში Glamping Sioni გაიხსნება, რომელიც 3 პანორამულ გლემფინგ კოტეჯს სთავაზობს, ხედით სიონის ტბაზე. როგორც“კომერსანტთან“ Glamping Sion-ის დამფუძნებელმა შალვა ბერიძემ აღნიშნა, გლემფიმგ სიონს სხვა გლემფინგებისგან კოტეჯის 1/3 პანორამა გამოარჩევს.
9.ქართულმა კომპანია GlenBerries-მა აშშ-სგან გაყინული ბოსტნეულის მოწოდებაზე დიდი შეკვეთა მიიღო
ქართულმა კომპანიამ GlenBerries- მა, ახალი და გაყინული ხილისა და ბოსტნეულის პროდუქტების მწარმოებელმა, სექტემბერში მიიღო შეკვეთა, რომ მომდევნო ექვსი თვის განმავლობაში შეერთებულ შტატებს 1080 ტონა გაყინული ქაშერული ბოსტნეულის სალათი მიეწოდოს. ქართული კომპანია GlenBerries-ის დირექტორი რაფაილ მაღალაშვილი ამერიკულ შეკვეთაზე და სამომავლო გეგმებზე east-fruit.com-თან ინტერვიუში საუბრობას.
10.„კაპიტალიზმს გადატვირთვა სჭირდება“ - კლაუს შვაბი
მე-2 მსოფლიო ომის დასრულების შემდეგ არცერთ მოვლენას ისეთი ღრმა და დამანგრეველი გავლენა კაცობრიობაზე არ მოუხდენია, როგორც კორონავირუსის პანდემიას. მან ეკონომიკაში, სოციალური სფეროში და ჯანდაცვაში დღემდე არნახული კრიზისი გამოიწვია და ამავე დროს სისტემური პრობლემები, ისეთები, როგორც უთანასწორობაა, კიდევ უფრო გააღრმავა. ამის შესახებ, მსოფლიო ეკონომიკური ფორუმის დამაარსებელი და დირექტორი კლაუს შვაბი წერს.