დღის Top 10 საინტერესო ამბავი

დღის Top 10 საინტერესო ამბავი

access_time2020-10-09 21:00:11

დღის Top 10 საინტერესო ამბავი:


1.ექსკლუზივი: ეპიდსიტუაცია უმართავია - ამირან გამყრელიძის წერილი კლინიკებს

„კომერსანტს“ სანდო წყარომ ჯანდაცვის სექტორიდან, დაავადებათა კონტროლისა და საზოგადოებრივი ჯანრთელობის ეროვნული ცენტრის გენერალური დირექტორის ამირან გამყრელიძის სახელით ჰოსპიტალური სექტორისთვის გაგზავნილი წერილი მიაწოდა, სადაც საუბარია ახალი კორონავირუსის რეგისტრაციის დაგვიანების ფაქტებზე, რა დროსაც მოქალქეებისთვის პასუხების მიწოდების პროცესი ფერხდება.


2.„სწრაფს ვერ დავარქმევდით, მაგრამ განვითარება იყო - დეპუტატები 4 წლის წინანდელ დაპირებებზე

„კომერსანტი“ აგრძელებს სტატიების ციკლს, სახელწოდებით — რა წვლილი შეიტანა ქართველი ხალხის კეთილდღეობასა და სწრაფ განვითარებაში თითოეულმა დეპუტატმა ამ ოთხი წლის განმავლობაში. ამის შესახებ „კომერსანტთან“ საქართველოს პარლამენტის ჯანდაცვის კომიტეტის წევრმა ლევან ბეჟანიძემ და პარლამენტის განათლების კომიტეტის თავმჯდომარემ გენადი მარგველაშვილმა ისაუბრა.


3.„ბიზნესი პრობლემის მოგვარებას ეროვნული ბანკისგან ელის, მაგრამ მცურავი კურსის პირობებში ეს არარეალურია“

მიკროსაფინანსო ორგანიზაციის წარმომადგენლები მცურავი კურსის არსებობის პირობებში ბიზნესს მოუწოდებენ მთავრობისგან და ეროვნული ბანკისგან კი არ ელოდონ პრობლემის მოგვარებას, არამედ გამოძებნონ გზები, რომ თავისი სავალუტო რისკები დააჰეჯირონ.


4.ტური ერთი ლიეტუველი ტურისტისთვის - თბილისში წითელი ტურისტული ავტობუსი დაბრუნდა


17 მარტის შემდეგ დედაქალაქის ქუჩებში ყველასთვის კარგად ნაცნობი ორსართულიანი წითელი ავტობუსები არავის უნახავს, თუმცა ცოტა ხნის წინ city tour-ის ღია ავტობუსი, რომელიც ტურისტებს ემსახურება, კვლავ გამოჩნდა. როგორც ტურისტულ კომპანიაში „კომერსანტს“ განუმარტეს, ისინი ცდილობენ ქართველებისთვისაც მოაწყონ დედაქალაქის ტურები, თუმცა ხშირად, ტურს მხოლოდ ერთი უცხოელისთვის აორგანიზებენ. სააგენტომ რამდენიმე დღის წინ, 30 კაციანი ავტობუსით თბილისი ერთ ლიეტუველ ტურისტს დაათვალიერებინა.


5.მთავრობა ანაკლიაში მიწას ყიდის, რომლის საწყისი ფასი 1 ლარია

სასტუმრო-ინფრასტრუქტურის განვითარების მიზნით ანაკლიაში მდებარე 4946 კვ.მ. მიწის ნაკვეთი და მასზე განთავსებული მშენებარე და დანგრეული შენობა-ნაგებობა 1 ლარად, საინვესტიციო ვალდებულებებით, ელექტრონულ აუქციონზე იყიდება. ამის შესახებ ინფორმაცია სახელმწიფო ქონების ეროვნული სააგენტოს ვებ-გვერდზეა მითითებული.


6.„რუსეთის ბაზარზე დამოკიდებულება საქართველოში ვერც ღვინის რეალიზებას და ვერც წარმოებას ვერ განავითარებს“ - გიორგი ბოტკოველი

დაეხმარა თუ არა სუბსიდირება მევენახეობა-მეღვინეობის დარგს, რა გამოწვევებია და როგორ გაუმკლავდა პანდემიას სექტორი - რადიო კომერსანტის გადაცემაში - „აგრო სექტორი ალექსი ნონიაძესთან ერთად“„ერთიანი ნაციონალური მოძრაობის“ მაჟორიტარობის კანდიდატმა გიორგი ბოტკოველმა ისაუბრა.


7.სავაჭრო ცენტრი თბილისი ცენტრალი დაიხურა

სავაჭრო ცენტრი “თბილისი ცენტრალი” დაიკეტა. სავაჭრო ცენტრში სადეზინფექციო სამუშაოები მიმდინარეობს. კორონავირუსის შემთხვევები თბილისი ცენტრალსა და ოქროს ბირჟაზე დაფიქსირდა. როგორც ნეტგაზეთს განუცხადეს სავაჭრო ცენტრი ორშაბათს, 12 ოქტომბერს, დილის 9 საათზე გაიხსნება.


8.„ქართულმა ოცნებამ“ 3 კვირაში საარჩევნო ბანერებსა და სხვა ტიპის რეკლამებზე 3 მილიონ ლარზე მეტი დახარჯა

„ქართული ოცნება - დემოკრატიული საქართველოს“ ხარჯი 1-ელი დან 21 სექტემბრის ჩათვლით, 4 305 178 ლარს შეადგენს, საიდანაც პარტიამ მხოლოდ რეკლამაში 3 197 851 ლარი დახარჯა.


9. სექტემბერში ყველაზე ნაკლები ვიზიტორი თბილისის დიდ სასტუმროებს ჰყავდა

1 ოქტომბრის დასაწყისისთვის დიდი სასტუმროების რეალურმა დატვირთულობამ ზღვისპირეთში 14%, კახეთში 35%, სხვა რეგიონებში 11% შეადგინა. ამის შესახებ ინფორმაციას „თიბისი კაპიტალი“ აქვეყნებს.


10.რატომ არ არის ანაკლიის პროექტი ბიუჯეტში ასახული - კობერიძის კითხვა ფინანსთა მინისტრის მოადგილეს

დღეს დარგობრივი ეკონომიკისა და ეკონომიკური პოლიტიკის კომიტეტის სხდომაზე მომავალი წლის ბიუჯეტის პროექტს განიხილავენ. დეპუტატი, ლევან კობერიძე ბიუჯეტის პროექტის იმ ნაწილს აკრიტიკებს, რომლის მიხედვითაც ანაკლიის პორტის პროექტისთვის მომავალი წლის ბიუჯეტის პროექტში მხოლოდ 1,5 მლნ ლარია გათვალისიწნებული.

თეგები:
Top 10



ხვალიდან, ქართული არხები შესაძლოა, ფასიანი გახდეს

ხვალიდან, ქართული არხები შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up