დღის Top 10 საინტერესო ამბავი:
1. არაკეთილსინდისიერი კონკურენციის ფაქტი სადაზღვევო სექტორში
საქართველოს კონკურენციის სააგენტომ, „სადაზღვევო კომპანია უნისონის“ საჩივრის საფუძველზე, მოპასუხე „სადაზღვევო კომპანია ალდაგის“ მიმართ, წარმოებული მოკვლევა დაასრულა და არაკეთილსინდისიერი კონკურენციის ქმედების ფაქტი დაადგინა. ამის შესახებ ინფორმაციას საქართველოს კონკურენციის სააგენტო ავრცელებს.
2. 520-ე დადგენილებამ და ლარის კურსმა გვაიძულა მასალების ჩინური ალტერნატივა ვეძებოთ - ჰოსპიტალური სექტორის კრიზისი
ხელისუფლებამ ეროვნული ვალუტის გაუფასურების ერთ-ერთ ფაქტორად მოახლოებული არჩევნები დაასახელა და გვითხრა, რომ ვითარება კონტროლს ექვემდებარება. თუმცა რადიკალურად განსხვავებულია რეალობა, რეალობა რომელშიც 25 წლის ლარის მასშტაბურმა გაუფასურებამ სხვადასხვა სექტორში ფასების ზრდა უკვე გამოიწვია. მოსახლეობას გაზრდილი ფასები უკვე დახვდებათ საავადმყოფეობში.
3. „უნდა შევქმნათ ერთიანი საგამოძიებო ბიურო და გაუქმდეს, ფინანსური პოლიცია, როგორც სადამსჯელო ინსტიტუტი“ - ბადრი ჯაფარიძე
რადიო კომერსანტის გადაცემაში „ეკონომისტის დრო“ ლევან ქისტაურთან ერთად ლელოს“ გენერალურმა მდივანმა და საბურთალოს მაჟორიტარმა დეპუტატობის კანდიდატმა, ბადრი ჯაფარიძემ საქართველოს ეკონომიკის გამოწვევებზე და მათი გადაჭრის გზებზე ისაუბრა. ბადრი ჯაფარიძის განცხადებით, პანდემიის დადგომამდე, ქართული ეკონომიკა უკვე იყო დასუსტებული, რის მიზეზადაც იგი ინვესტიციების ნაკლებობას ასახელებს.
4. თბილისის ცენტრალური პარკის გაშენება 19 ოქტომბერს დაიწყება და 2 წელი გაგრძელდება (ფოტოები)
თბილისის ცენტრალური პარკის მოწყობის სამუშაოები 19 ოქტომბრიდან დაიწყება, რომელიც დაახლოებით, ორი წელი გაგრძელდება, - ამის შესახებ დედაქალაქის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა. ამის შესახებ ინფორმაციას თბილისის მერია ავრცელებს.
5. შესაძლოა, საქართველოს 160,000-მდე მოქალაქე სიღარიბეში აღმოჩნდეს
მსოფლიო ბანკის მიერ დღეს გამოქვეყნებული შეფასება, საქართველოში 2020 წელს აბსოლუტური სიღარიბის ზრდას პროგნოზირებს. COVID-19-ის კრიზისით გამოწვეული უმუშევრობის შედეგად, ქვეყნის 160,000 მოქალაქე, შესაძლოა, სიღარიბეში აღმოჩნდეს.
6. ყოფილი იპოდრომის მიმდებარედ არსებული კორტების აღდგენაზე აუქციონი გამოცხადდება
იპოდრომის მიმდებარედ არსებული ჩოგბურთის კორტების დედაქალაქისთვის დაბრუნების შემდეგ, ადგილზე სპორტული კომპლექსის მოსაწყობად აუქციონი გამოცხადდება, - ამის შესახებ თბილისის მერმა, კახა კალაძემ დღეს დედაქალაქის მთავრობის სხდომაზე განაცხადა. ინფორმაციას თბილისის მერია ავრცელებს.
7. Dinner in the sky - 70-მდე ქვეყანაში განვაახლეთ მუშაობა, აქ ჯერ ვერ მოვახერხეთ
ტურისტული ატრაქცია Dinner In The sky Goergia, იგივე „ვახშამი ცაში” რამდენიმე თვეა დახურულია. საქართველოს ერთ-ერთი ყველაზე ძვირადღირებული რესტორანი რეგულაციებისა და შეკრებების აკრძალვის გამო ოპერირების განახლებას ვერ ახერხებს, თუმცა როგორც კომპანიაში „კომერსანტს“ განუცხადეს, ფრანჩიზული რესტორანი გახსნილია იტალიაშიც, ბელგიაში, ბრაზილიასა და თითქმის ყველა ქვეყანაში, მიუხედავად ეპიდსიტუაციის სიმძიმისა.
8. რუსთაველი-მთაწმინდის პარკის დამაკავშირებელი საბაგიროს მშენებლობა დაიწყო (ფოტოები)
რუსთაველი-მთაწმინდის პარკის დამაკავშირებელი საბაგიროს მშენებლობა იწყება. ამ მიზნით ტენდერი უკვე გამოცხადდა. კერძოდ, სატენდერო პირობების თანახმად, წინადადებების მიღება 6 ნოემბერს დაიწყება და 11 ნოემბერს დასრულდება. შესყიდვის სავარაუდო ღირებულება კი 6 401 770 ლარია.
9. აშშ-ში სამუშაო ვიზების გაცემა გამკაცრდა
აშშ-ს ხელისუფლებამ არასაიმიგრაციო სამუშაო ვიზების გაცემის წესები გაამკაცრა. ეს პირველ რიგში H-1B-ს ტიპის ვიზებს ეხება, რომლებიც მაღალი კვალიფიკაციის მუშებისთვისაა გათვალისწინებული.
10. Bloomberg: 2025 წლისთვის ბიტკოინი 100 000 დოლარამდე გაძვირდება
2025 წლისთვის ბიტკოინი 100 000 დოლარამდე გაძვირდება - ნათქვამია Bloomberg-ის ანალიტიკოსის მაიკ მაკგლოუნის ანგარიშში. მისი აზრით, კრიპტოვალუტის ასეთ გაძვირებას რამდენიმე მიზეზი ექნება- ერთ-ერთია მთავრობების პოლიტიკა, რომელიც ოფიციალურ ვალუტებს აუფასურებს, რაც შეზღუდული ემისიის აქტივების და ოქროს პოპულარობას ზრდის.