დღის TOP 10 საინტერესო ამბავი

დღის TOP 10 საინტერესო ამბავი

access_time2020-10-02 21:00:16

დღის TOP 10 საინტერესო ამბავი:

 

1.  ლარი 25 წლისაა

საქართველოს ეროვნულ ვალუტას, ლარს, 25 წელი შეუსრულდა. ზუსტად 25 წლის წინ, 1995 წლის 2 ოქტომბერს, ლარი გამოცხადდა ერთადერთ კანონიერ საგადამხდელო საშუალებად საქართველოს მთელ ტერიტორიაზე.

 

2. დონალდ და მელანია ტრამპებს Covid19 დაუდასტურდათ

აშშ–ს პრეზიდენტი, დონალდ ტრამპი აცხადებს, რომ კორონავირუსზე მისი ტესტის შედეგი დადებითი აღმოჩნდა. ვირუსი დაუდასტურდა მის ცოლს, მელანიასაც. მანამდე კორონავირუსის დიაგნოზი დაუსვეს ტრამპის თანაშემწეს, რომელიც მასთან ბოლო დღეებში მუშაობდა.

 

3. საპარლამენტო ინიციატივა, რომელმაც გადატრიალება მოახდინა არ მქონია, ან თუ მქონდა, ვერ გავიდა - ალექსანდრე ქანთარია

„კომერსანტი“ აგრძელებს სტატიების ციკლს, სახელწოდებით — რა წვლილი შეიტანა ქართველი ხალხის კეთილდღეობასა და სწრაფ განვითარებაში თითოეულმა დეპუტატმა ამ ოთხი წლის განმავლობაში. ამჯერად „კომერსანტი“ „ქართული ოცნების“ მოქმედ დეპუტატს ალექსანდრე ქანთარიას დაუკავშირდა.

 

4. „ვერ აკრძალავ იმას, რაც ისედაც აკრძალულია“ - მიკროსაფინანსოები მამუკა ხაზარაძის ინიციატივაზე


საქართველოში მევახშეობის აკრძალვასა და კანონით მის დასჯასთან დაკავშირებით, მოსაზრება „კომერსანტმა“ მიკროსაფინანსო ორგანიზაციების ხელმძღვანელებს სთხოვა. „კრისტალის“ სამეთვალყურეო საბჭოს თავმჯდომარემ არჩილ ბაკურაძემ „კომერსანტთან“ საუბრისას განაცხადა, რომ მევახშეობა ეროვნული ბანკის მიერ უკვე წლებია აკრძალური და დასჯადია.

 

5. დაიცავს თუ არა სკოლებს საქართველოში წარმოებული იაფფასიანი სადეზინფექციო საშუალებები

1 ოქტომბრიდან საჯარო სკოლების I-VI კლასების მოსწავლეები საკლასო ოთახებს დაუბრუნდნენ.  სტუდენტები კი 19 ოქტომბრიდან კვლავ განაახლებენ სააუდიტორო სწავლებას.  ამის გამო, ქვეყნის მასშტაბით გადაადგილება ჯერ კიდევ გუშინ გააქტიურდა. სასწავლო დაწესებულებებში კი მოსწავლეებსა და პედაგოგებს უსაფრთხოების სხვადასხვა ზომების დაცვა მოუწევთ, მათ შორის უმთავრესი დისტანციის დაცვა და სადეზინფექციო საშუალებების ხშირი გამოყენებაა.  „კომერსანტმა“ექსპერტების მოსაზრებაზე დაყრდნობით, აღნიშნული სადეზინფექციო ხსნარების ეფექტურობა Covid 19-ის წინააღმდეგ, უკვე მიმოიხილა და არაერთი კითხვის ნიშანიც გაჩნდა.

 

6. „ღვინის ქარხანას“ წლის ბოლომდე ორი ახალი ობიექტი ემატება

კვების ობიექტები პანდემიით გამოწვეული ჩაკეტვის შემდეგ ივნისში გაიხსნა, მაშინ ღვინის ქარხანაში აცხადებდნენ, რომ სტუმრების რაოდენობა შთამბეჭდავია, თუმცა გარკვეული პერიოდით ქარხანას ზარალზე მუშაობა მოუწევდა. „კომერსანტი“ ობიექტის დირექტორს არჩილ ივარდავას გაესაუბრა, რომელმაც აღნიშნა, რომ ყველა კაფე თუ რესტორანი, რაც ვრცელ მულტიფუნქციურ ზონაშია განთავსებული შეუფერხებლად მუშაობს, თუმცა მომხმარებლების რაოდენობა ბოლო პერიოდში შემცირდა. ამასთან, ტერიტორიას წლის ბოლომდე ორი ახალი ობიექტი შეემატება, თუმცა რომელ სივრცეებზეა საუბარი ჯერჯერობით არჩილ ივარდავა არ ასახელებს.

 

7. საქართველოდან წელიწადში საშუალოდ 500 პაციენტი გადის, ხოლო სამკურნალოდ 10 000-ზე მეტი შემოდის - დავით სერგეენკო

„ქართული ოცნება-დემოკრატიული საქართველოს“ საბურთალოს მაჟორიტარი დეპუტატობის კანდიდატი დავით სერგეენკო „კომერსანტთან“ საუბრისას, საქართველოს ჯანდაცვის სექტორის პოტენციალს აფასებს და აცხადებს, რომ რიგ მიმართულებებზე საქართველო ევროპული ხარისხის სამედიცინო სერვისს სთავაზობს პაციენტებს.

 

8. ჯაფარიძე: იმის მაგივრად, რომ სიღარიბის დასამარცხებლად ნაბიჯი გადაედგათ, დღესაც წუმპეში ვართ

გირჩის ლიდერის, ზურაბ ჯაფარიძის თქმით, 1-ელ ოქტომბერს ბიძინა ივანიშვილის განცხადებები უტიფარი იყო. ამის შესახებ ჯაფარიძემ ფორმულას გადაცემაში კომენტარი ისაუბრა.როგორც მან აღნიშნა, ერთადერთი პრობლემა, რაც გამოსვლაში ივანიშვილმა აღიარა, ეს სიღარიბეა, თუმცა ჯაფარიძის თქმით, მმართველ პარტიას პრობლემის მოსაგვარებლად არც ერთი ნაბიჯი არ გადაუდგამს.

 

9. რატომ პასიურობს რუსეთი მთიან ყარაბაღში?  

საბრძოლო მოქმედებები მთიან ყარაბაღში 27 სექტემბერს დაიწყო, მაგრამ რუსეთი აქტიურობას არ ჩქარობს და ჩრდილშია. რუსეთმა ყველა მხარისგან საომარი მოქმედებების შეწყვეტა მოითხოვა  თუმცა, არა ულტიმატუმის სახით.

 

10. ევროკავშირის სანქციები ბელორუსის წინააღმდეგ - რატომ არ არის ლუკაშენკო შავ სიაში?

შავ სიაში 40 ბელორუსი მაღალჩინოსანი მოხვდა, თუმცა თავად ალექსანდრ ლუკაშენკოს სახელი მათ შორის არ ფიგურირებს. სანქციები ძალაში წერილობითი დამტკიცების შემდეგ შევა. 2 ოქტომბრიდან სანქციები 40 ადამიანის წინააღმდეგ ამოქმედდება, რომელიც არჩევნების გაყალბების და ადამიანის უფლებების მასობრივ დარღვევებზეა პასუხისმგებელი. ამის შესახებ ევროსაბჭოს თავმჯდომარემ შარლ მიშელმა განაცხადა.

 


თეგები:
TOP 10



27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია
access_time2020-11-27 18:00:38
ცვლილებები საქართველოს საგასახადო კოდექსში - რას მოიცავს დღგ-ს რეფორმა და რამდენად გამარტივდება პროცედურები. რადიო კომერსანტის გადაცემაში „ჩემი აუდიტორი“ „გრანთ თორნთონის“ პარტნიორი პაატა შურღაია საუბრობს. „კარგი და მნიშვნელოვანი სიახლეა, ორი წელია უკვე გვესმის დღგ-ს ავტომატურად დაბრუნების რეჟიმის შესახებ. წინა ნაწილში საუბარი იყო ნაწილობრივი დაბრუნების შესახებ, ახლა კი სრულ დაბრუნებაზეა საუბარი. წესით მთლიანად დეფინიცია - დამატებითი...

ლევან დავითაშვილი - პურზე ფასი არ გაიზრდება

ლევან დავითაშვილი - პურზე ფასი არ გაიზრდება
access_time2020-11-27 14:45:22
საქართველოს მთავრობამ მიიღო გადაწყვეტილება პირველი ხარისხის ხორბლის ფქვილის სუბსიდირების შესახებ იმგვარად, რომ ჩვენ შევინარჩუნოთ ის ფასები, რომელიც პურის გაძვირებას თავიდან აგვაცილებს, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა უწყებათაშორისი საკოორდინაციო საბჭოს სხდომის დასრულების შემდეგ, მთავრობის ადმინისტრაციაში გამართულ ბრიფინგზე განაცხადა. მინისტრის განმარტებით, პროგრამა მომავალი კვირიდან ამოქმედდება და 4 თვის განმავლობაში, 31...


მსგავსი სიახლეები

up