დღის TOP 10 საინტერესო ამბავი:
1.საინვესტიციო პოლიტიკის დოკუმენტი საერთაშორისო სტანდარტებს არ შეესაბამება - რა ელის საპენსიო დანაზოგებს
საპენსიო სააგენტოს ყოფილმა ხელმძღვანელმა ლევან სურგულაძემ განაცხადა, საინვესტიციო პოლიტიკის დოკუმენტი საერთაშორისო სტანდარტებს არ შეესაბამება და მასში სრულადაა აღრეული რისკის კონტროლის ფუნქციები და მექანიზმები.
2.„აგარის შაქარმა“ არაკონკურენტული გარემოთი ისარგებლა და ფასი გაზარდა
„გასულ კვირას „აგარის შაქარი“ 75 ლარი ღირდა, დღეს კი 81 ლარი და 40 თეთრი ღირს“, - ამის შესახებ „კომერსანტს“ შ.პ.ს. „ლუანა“-ს კომერციულმა დირექტორმა ლევან ზეგარდელმა განუცხადა.
3.ჩვენი უინიციატივო საგარეო პოლიტიკის გამო შუამავლის როლის შესრულება არ შეგვიძლია - ვაჟა ბერიძე
„სომხეთ-აზერბაიჯანის დაპირისპირების ცხელ ფაზაში გადასვლა კავკასიური ომის საფრთხის მოახლოვებას ნიშნავს. ჩვენ კი, ფაქტობრივად თურქეთის ეკონომიკაზე ვართ მიბმული, რომელიც აზერბაიჯანის მოკავშირეა და დესტაბილიზაცია რეგიონში სასიცოცხლოდ საფრთხის შემცველია ჩვენი ქვეყნისა და ეკონომიკისთვის,“ - მთიანი ყარაბაღის უკვე აქტიურ ფაზაში გადასული დაპირისპირების შესახებ “კომერსანტთან“ პოლიტოლოგი ვაჟა ბერიძე საუბრობს.
4.ქუთაისის აეროპორტთან ბეჟან წაქაძე „ბესტ ვესტერნის“ ბრენდის სასტუმროს მომავალ წელს გახსნის
ქუთაისის აეროპორტთან 4-ვარსკვლავიანი სასტუმროს მშენებლობა 2018 წელს დაანონსდა. GDG ჯგუფის დამფუძნებელი, ბეჟან წაქაძე „კომერსანტთან“ განმარტავს, რომ სასტუმროსთვის განიხილავს როგორც საკუთარი ბრენდის შექმნას, ასევე, „ბესტ ვესტერნის“ ბრენდის შემოყვანას.
5.საქართველოში მზის პირველ ელექტროსადგურს ახალი ინვესტორი ააშენებს
საქართველოში მზის პირველ ელექტროსადგურს ახალი ინვესტორი ააშენებს. უდაბნოს მზის ელექტროსადგურის“ პროექტისთვის ინვესტორის შერჩევა წლის ბოლომდე დაიწყება. თითქმის, 1 მლნ დოლარით შემცირდა პროექტის საინვესტიციო ღირებულება და 5 მგვტ-იანი ელექტროსადგურის აშენებას ინვესტორი 3,5-4 მლნ დოლარად შეძლებს.
6. აგვისტოში საქართველოს ეკონომიკა 5.3%-ით შემცირდა
საქსტატის მიერ გამოქვეყნებული ანგარიშის თანახმად, წინასწარი შეფასებით, 2020 წლის აგვისტოში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) კლებამ 5.3 პროცენტი შეადგინა, ხოლო 2020 წლის პირველი რვა თვის საშუალო მაჩვენებელი -5.6 პროცენტია.
7.COVID-19-ის რეგულაციების დარღვევისთვის საქმიანობა 5-ს შეუჩერდა,10 000 ლარით კი 100-მდე ობიექტი დაჯარიმდა - ბექა ფერაძე
შრომის ინსპექციამ, Covid 19-ის საპრევენციოდ არსებული პროტოკოლის დარღვევის გამო ჯარიმასთან ერთად საქმიანობა 5 ობიექტს შეუჩერა. ამასთან, ინსპექციამ 100-მდე ობიექტი 10 000 ლარით დააჯარიმა. ამის შესახებ, ,,ბიზნესპრესნიუსს“ შრომის პირობების ინსპექტირების დეპარტამენტის ხელმძღვანელმა განუცხადა.
8.თბილისის მერია მთაწმინდის საბაგიროს აღადგენს
თბილისის მერია მთაწმინდის საბაგიროს აღადგენს, - ამის შესახებ დედაქალაქის მერმა, კახა კალაძემ მუნიციპალიტეტის მთავრობის სხდომაზე განაცხადა. ინფორმაციას დედაქალაქის მერია ავრცელებს.
9.პანდემიის პირობებში, ფორმსაჟორი არ წარმოადგენს ყველა ტიპის საწარმოსთვის და ურთიერთობებისთვის შეჩერების საფუძველს - ანა ჯალაღონია
რა არის ფორსმაჟორი და როგორი გავლენა აქვს მას სახელშეკრულებო ურთიერთობებზე, ამ საკითხებზე ისაუბრეს ადვოკატებმა გიორგი სვანაძემ და ანა ჯალაღონიამ, რადიო კომერსანტის გადაცემაში „ადვოკატის საათი მარიკა არევძესთან ერთად“.
10.Der Spiegel: ისევ ერდოღანი, ამჯერად ყარაბაღში
საბრძოლო მოქმედებები სომხეთს და აზერბაიჯანს შორის სულ უფრო ინტენსიური ხდება, ამ ფონზე თურქეთი ისე მკაფიოდ, როგორც არასდროს, მოძმე სახელმწიფოს მხარს უჭერს.