დღის TOP 10 საინტერესო ამბავი

დღის TOP 10 საინტერესო ამბავი

access_time2020-09-22 21:00:52

დღის TOP 10 საინტერესო ამბავი:


1.„ქართულმა ოცნებამ“ წინასაარჩევნო დანაპირები გადაჭარბებით შეასრულა

წალენჯიხისა და ჩხოროწყუს მაჟორიტარი დეპუტატი გოგა გულორდავა აცხადებს, რომ „ქართული ოცნების“ დანაპირები კეთილდღეობასა და სწრაფ განვითარებაზე გასულ 4 წელში გადაჭარბებით შესრულდა. გორის მუნიციპალიტეტის მაჟორიტარმა დეპუტატმა იოსებ მაკრახიძეც ეთანხმება თავისი კოლეგის აზრს და მიიჩნევს, რომ დღეს ქვეყანაში არის სწრაფი განვითარებაც და კეთილდღეობაც.


2.მწვანე ზონაში ყოფნით საქართველომ სარგებელი ვერ მიიღო

ქვეყანაში ეპიდემიოლოგიური მდგომარეობის გართულებასთან ერთად საქართველოს მთავრობა საერთაშორისო ავიამიმოსვლის თანდათანობით გახსნას აანონსებს, მაშინ როდესაც ვირუსის გავრცელების სტაბილური დინამიკისას საზღვრების 100%-იანი ჩაკეტვის გადაწყვეტილება მიიღეს. საერთაშორისო მიმოსვლებსა და ტურიზმის სფეროში არსებულ პრობლემებზე „კომერსანტთან“ ავიაციის ექსპერტი თამუნა თანდაშვილი საუბრობს.


3.სამოქალაქო კოდექსით დარეგულირებული საქმიანობის შეზღუდვა რთული იქნება, მევახშეობის აკრძალვა მხოლოდ წინასაარჩევნო დაპირებაა

„საზოგადოება და ბანკების“ დამფუძნებელი გიორგი კეპულაძე „კომერსანტთან“ საუბრისას აცხადებს, რომ მევახშეობის აკრძალვა მამუკა ხაზარაძის წინასაარჩევნო დაპირებაა და სამოქალაქო კოდექსში გათვალისწინებული საქმიანობის აკრძალვა რთული იქნება.


4.მე სულ სხვანაირი გეგმები მქონდა, მას სხვა ხედვები და ვერ შევთანხმდით - რატომ დაუთმო ვაკის აუზი პარტნიორმა დავით ქობულიას

„მე სულ სხვანაირი გეგმები მქონდა ვაკის აუზის განვითარებისთვის და მას სხვა ხედვები, თანხვედრაში ვერ მოვედით. მე ავირჩიე მეგობრობა და დავუთმე მას მთლიანი წილი,“ - ვაკის საცურაო აუზის ერთერთი ყოფილი თანამფლობელი გელა ობოლაშვილი აუზის ამჟამინდელ მფლობელთან დავით ქობულიასთან აუზთან დაკავშირებულ საერთო გეგმებზე საუბრობს.



5.საზღვრების ჩაკეტვის გამო რეგიონებში Best western-ის 4 სასტუმროს პროექტი შეჩერდა

„4 პროექტი, რომელიც აქტიურ ფაზაში იყო გაგვიჩერდა და ჯერჯერობით ინვესტორები გაგრძელებისგან თავს იკავებენ,“ - უცხოელი ინვესტორების მხრიდან ინვესტიციების შეჩერებაზე, მთავრობის მიერ გატარებულ შეზღუდვებზე და შეჩერებულ და აუშენებელ პროექტებზე „კომერსანტთან“ Best Western Hotels & Resorts-ის ოფიციალური წარმომადგენელი კომპანია Capitol HPS-ის დამფუძნებელმა გოჩა ჯაიანმა ისაუბრა.


6.კორუფცია, ლარის კურსით თამაში და ბანკებთან გარიგება - რომან გოცირიძე სებ-ის ინტერვენციებს აკრიტიკებს

ეროვნული ბანკის მიერ ასეთი თანმიმდევრობით განხორციელებულ სავალუტო ინტერვენციებს, ეროვნული ბანკის ყოფილი პრეზიდენტი და ფრაქცია „ნაციონალური მოძრაობის“ თავმჯდომარე რომან გოცირიძე ეხმაურება. როგორც ის სოციალური ქსელის საკუთარ გვერდზე წერს, თუ სებ-ი ისეთივე სიზუსტით განახორციელებს ინტერვენციებს, როგორც გასულ კვირას მოხდა, ეს უკვე იქნება კორუფცია და ლარის კურსით თამაში ვიღაცეების სასარგებლოდ.


7.„წყალი მარგებელი“ გაყიდვებით პირველია საქართველოში და კონკურენტის გამოჩენა არ გვაშინებს

„პანდემიის პერიოდს დიდად გაყიდვებზე არ უმოქმედია. რა თქმა უნდა ჰორეკა სექტორის დაკეტვამ როგორც „ნაბეღლავზე“, ასევე „ბახმაროსა“ და ზოგადად ჩვენს წყლებზე გავლენა მოახდინა, მაგრამ, მთლიანობაში მოგეხსენებათ, რომ „ნაბეღლავი“ გაყიდვებით N1 წყალია საქართველოში და ამ პოზიციას ვინარჩუნებთ“,  აცხადებენ „წყალ მარგებელში.


8.ნათია მეზვრიშვილი - ეკონომიკა ვერ ჩაიკეტება, რადგან ეს ყველაფერი დააზარალებს პირველ რიგში, ჩვენს მოქალაქეებს

ეკონომიკის გაჩერების და მკაცრი შეზღუდვების დაწესების რესურსი არ არსებობს, ამაზე თამამად ვსაუბრობთ და ამაში ალბათ გასაკვირი არაფერი არ არის, - ამის შესახებ საქართველოს მთავრობის ადმინისტრაციის უფროსმა, ნათია მეზვრიშვილმა, უწყებათაშორისი საბჭოს სხდომის დასრულების შემდეგ, ბრიფინგზე განაცხადა. ინფორმაციას მთავრობის ადმინისტრაციის პრესსამსახური ავრცელებს.


9.ყირიმი კოლაფსის ზღვარზე - უკრაინამ რეგიონი უწყლოდ დატოვა

ცენტრალური ყირიმის შემდეგ, წყლის გარეშე ნახევარკუნძულის ჩრდილოეთ ნაწილიც დარჩა, ამის შესახებ რესპუბლიკის მთავრობის სხდომაზე ყირიმის წყალმომარაგების სისტემის «Вода Крыма»-ს დირექტორმა ვლადიმირ ბაჟენოვმა განაცხადა.


10.WeChat და TikTok შტატებში ოფიციალურად აიკრძალა

20 სექტემბრიდან შტატებში WeChat და TikTok-ს გადმოტვირთვა და განახლება ოფიციალურად აიკრძალა. საგადამხდელო სისტემა WeChat-ს ასევე აეკრძალა შტატებში ტრანზაქციების განხორციელება, ხოლო ამერიკულ კომპანიებს მისთვის მომსახურეობის გაწევაც დაიბლოკა, რაც სისტემის მუშაობის სიჩქარეს მკვეთრად შეამცირებს.



თეგები:
TOP 10



საქართველოში კორონავირუსის 1872 ახალი შემთხვევა დაფიქსირდა

საქართველოში კორონავირუსის 1872 ახალი შემთხვევა დაფიქსირდა
access_time2020-10-26 11:00:33
საქართველოში კორონავირუსის 1872 ახალი შემთხვევა გამოვლინდა და ინფიცირების შემთხვევათა რაოდენობა 30303- ს შეადგენს. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული. გამოჯანმრთელდა კიდევ 603 პაციენტი და საერთო რაოდენობა 11370-ს შეადგენს. კარანტინის რეჟიმში იმყოფება 4112 მოქალაქე, ხოლო სტაციონარში მეთვალყურეობას 3766 ადამიანი გადის. ამასთან, „კოვიდ“ სასტუმროში მყოფი პირების რაოდენობა 2268- ს...

შსს "საქართველოს ბანკის" ყაჩაღობის ფაქტთან დაკავშირებით განცხადებას აქვეყნებს

შსს
access_time2020-10-25 15:04:22
გვსურს, საზოგადოებას მივაწოდოთ დამატებითი ინფორმაცია ზუგდიდში, 21 ოქტომბერს მომხდარ, "საქართველოს ბანკის" ყაჩაღობის ფაქტთან დაკავშირებით მიმდინარე გამოძიების...

საქართველოში კორონავირუსი კიდევ 1 928 ადამიანს დაუდასტურდა

საქართველოში კორონავირუსი კიდევ 1 928 ადამიანს დაუდასტურდა
access_time2020-10-25 12:48:31
ამ დროისთვის საქართველოში კორონავირუსის 28 431 შემთხვევაა დადასტურებული, გამოჯანმრთელებულთა საერთო რაოდენობაა 10 767, გარდაიცვალა 201 პაციენტი.   კარანტინის რეჟიმში 4 112 ადამიანი რჩება, სტაციონარში მეთვალყურეობის ქვეშ - 3 766, კოვიდ-სასტუმროში - 2 268, უცხოეთიდან სამკურნალოდ გადმოყვანილია საქართველოს 41 მოქალაქე.   ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31...

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...


მსგავსი სიახლეები

up