დღის Top-10 საინტერესო ამბავი

დღის Top-10 საინტერესო ამბავი

access_time2020-02-13 21:30:38

დღის Top-10 საინტერესო ამბავი


1.„რუსეთზე ეკონომიკურად და პოლიტიკურად უფრო დამოკიდებული ვხვდებით, რაც დასავლური ინვესტიციებისთვის საფრთხეა“

ევროკავშირის პალატამ (EuCham) ბიზნესისთვის საუკეთესო ქვეყნების სია გამოაქვეყნა, სადაც საინვესტიციო მიმზიდველობით საუკეთესო ქვეყნების გამოსავლენად, მსოფლიო ბანკის ბიზნესის კეთებისა და საერთაშორისო გამჭვირვალობის კორუფციის აღქმის ინდექსებია გამოყენებული.საქართველოს პოზიცია რეიტინგში 2 საფეხურით გაუარესდა და მე-18 ადგილი დაიკავა. წინა წელთან შედარებით, გაუარესდა საქართველოს სარეიტინგო ქულაც და 100-დან 70-მდე შემცირდა.


2.ფოთის პორტი ანაკლიის პროექტის შეფერხებას სტრატეგიულად ცდილობს

ანაკლიის პორტის პროექტის გაურკვეველი ვადით შეჩერების შემდეგ, ,,ეიპიემ ტერმინალს ფოთმა” კიდევ ერთხელ შეიტანა განაცხადი ნავსადგურის გაფართოებასთან დაკავშირებით. როგორც კომპანიაში ამბობენ, მათი განზრახვაა, ააშენონ ღრმაწყლოვანი პორტი ფოთში. 


3.ნათია თურნავა - „მიუხედავად ყველა გამოწვევისა, ეკონომიკური ზრდა სსფ-ს პირვანდელ პროგნოზს გადააჭარბებს“

ეკონომიკისა და მდგრადი განვითარების მინისტრის ნათია თურნავას განცხადებით, საერთაშორისო სავალუტო ფონდის მისიის შეფასება არის ძალიან დადებითი. ეკონომიკის მინისტრის განცხადებით, მაღალი ეკონომიკური ზრდის გარდა, საერთაშორისო სავალუტო ფონდმა ხაზგასმით აღნიშნა ის მართლაც დიდი მიღწევა, რომელიც საგარეო სავაჭრო ბალანსის გაუმჯობესებას ეხება.


4.„კომერსანტი“ : ვგმობთ მმართველი გუნდის პოლიტიკოსების მხრიდან ჟურნალისტებზე თავდასხმას და სოლიდარობას ვუცხადებთ ტვ პირველის ჟურნალისტ თამარ ჩიხლაძეს

„კომერსანტი“ სოლიდარობას უცხადებს თავის კოლეგას TV პირველიდან და გმობს პოლიტიკოსების მხრიდან ჟურნალისტებზე თავდასხმის და შეურაცხყოფის ფაქტებს.„ჩვენი მედიაჰოლდინგის სახელით, გვინდა მმართველი გუნდის პოლიტიკოსებს შევახსენოთ, რომ მედიის დამოუკიდებლობა და ჟურნალისტების პროფესიული საქმიანობაში ჩაურევლობა ჩვენი ქვეყნის დემოკრატიული განვითარებისთვის უმნიშნელოვანესია.კრიტიკული მედიის მიმართ ხელისუფლების წარმომადგენელთა მხრიდან თავდასხმები საფრთხეს უქმნის ქვეყანაში მედიის დამოუკიდებლობას. შესაბამისად, მოვუწოდებთ მმართველი გუნდის დეპუტატებს, თავი შეიკავონ ჟურნალისტების კრიტიკისაგან და უზრუნველყონ ქვეყანაში ჯანსაღი მედია დამოუკიდებლობა და დამოუკიდებელი მედიასაშუალებების თავისუფალი საქმიანობა“.


5.„ROOMS BATUMI“ ძველი არქიტექტურის სასტუმრო , - როგორი იქნება „აჭარა ჯგუფის“ კიდევ ერთი მასშტაბური პროექტი

„აჭარა ჯგუფი“ შავი ზღვის სანაპიროზე „ROOMS BATUMI“-ს სასტუმროს გახსნას 2020 წლის ბოლომდე გეგმავს. როგორც „კომერსანტს“ კომპანიაში განუცხადეს, სასტუმროში მინიმუმ 100 ნომერი მოეწყობა. პროექტში ჩადებული ჯამური ინვესტიცია ამ ეტაპზე 22 მლნ დოლარამდეა. სასტუმროს კონცეფციას ამ ეტაპზე „აჭარა ჯგუფი“ ამუშავებს.


6.კომპანია „უმალსა“ და საავტომობილო გზების დეპარტამენტს შორის არსებული პრობლემა მოგვარდა

კომპანია გასულ წელს „კომერსანტთან“ საუბრისას საავტომობილო გზების დეპარტამენტს ბიზნესისთვის ხელის შეშლაში ადანაშაულებდა.პრობლემა მას შემდეგ მოგვარდა რაც,დავაში საქართველოს პრემიერ მინისტრი ჩაერთო და ”უმალს“ საწარმომდე მისასვლელი გზის 2020 წელს დასრულება დაჰპირდა.


7.ბავშვების 44%-ს საქართველოში საბავშვო სამი წიგნიც კი არ აქვს -Unicef

საქართველოში გაეროს ბავშვთა ფონდის მიერ მომზადებული კვლევის მიხედვით, რომლის ერთ-ერთი კომპონენტიც ბავშვის ადრეულ განვითარებას ეხება, ვკიხთულობთ, რომ საქართველოში ბავშვების 44%-ს არ აქვს მინიმუმ 3 საბავშვო წიგნი.კვლევის ეს ნაწილი ეხება ადრეულ ბავშვობას, რომელიც მოიცავს 8 წლამდე ასაკის პერიოდს, ეს კი კრიტიკული პერიოდია ბავშვის შემეცნებითი, სოციალური, ემოციური და ფიზიკური განვითარებისათვის.


8.Hotel At Mtatsminda - მთაწმინდაზე 60 ნომრიანი სასტუმროს პროექტი უმსხვილესი არტიტექტურული ჯილდოს მფლობელი გახდა

კომპანია არტიტექსის (artytechs) ესკიზურმა პროექტმა, რომლის იდეის ავტორი ბიზნესმენი ალექსანდრე შენგელიაა 2019 წლის საუკეთესო ურბანული დიზაინისა და არქიტექტურული დიზაინის ჯილდო (Urban Design & Architecture Design Awards 2019) მოიპოვა. ეს არის პროგრამა, რომელიც წლის უმნიშვნელოვანესი არქიტექტურული პროექტების პოპულარიზაციასა და საუკეთესოს გამოვლენაზეა აქცენტირებული.


9. მსოფლიოს TOP 10 ბიზნესრისკი

World Economic Forum-ის კვლევაში გაანალიზებულია მსოფლიოს 8 სხვადასხვა რეგიონი, თუმცა მხოლოდ ევროპულმა და ჩრდილოეთ-ამერიკულმა ლიდერებმა გამოთქვეს შეშფოთება ერთსა და იმავე უმთავრეს რისკზე და ეს კიბერთავდასხმაა. 


10.Ekhokavkaza: „ქართული ფარმაცევტული პროდუქცია ცხინვალში სხვადასხვა გზებით შედის“

ე.წ. სამხრეთ ოსეთის შინაგან საქმეთა სამინისტროს ეკონომიკურ დანაშაულთან ბრძოლის დეპარტამენტის თანამშრომლებმა ცხინვალის აფთიაქებიდან ქართული წარმოების მედიკამენტები ამოიღეს.ამ მოქმედებებს საფუძვლად ედო მთავრობის დადგენილება, რომელიც კრძალავს არა მხოლოდ მედიკამენტების, არამედ ყველანაირი ქართული პროდუქცის გაყიდვას თვითგამოცხადებული რესპუბლიკის ტერიტორიაზე.


თეგები:
Top-10



სილამაზის სალონი „ვი ემ თის“ მფლობელი „თიბისი დაზღვევას“ სასამართლოში უჩივის

სილამაზის სალონი „ვი ემ თის“  მფლობელი „თიბისი დაზღვევას“ სასამართლოში უჩივის
access_time2020-05-25 17:00:48
სილამაზის სალონის მფლობელი, შპს „ვი ემ თის“ დამფუძნებელი თეონა ხარაზიშვილი „თიბისი დაზღვევას“  ხელშეკრულების შეუსრულებლობაში ადანაშაულებს. როგორც „კომერსანტს“ თეონა ხარაზიშვილის ადვოკატმა ამირან გიგუაშვილმა განუცხადა, საქმე ეხება 2019 წლის 04 დეკემბერს ქ.გორში სილამაზის სალონში მომხდარ შემთხვევას, როდესაც დაზიანდა ეპილაციის აპარატი, რომელიც დაზღვეული იყო „თიბისი დაზღვევის“ მიერ და რომლის შეკეთებაც 19 400 ევრო ჯდება. გიგუაშვილი აცხადებს, რომ სადაზღვევო კომპანია დაზღვეულს  დღემდე...

უფრო აქტიურ ლოკაციას ვარჩევთ - ფრანგული რესტორანი Ladurée ვაკეში დაიხურა

უფრო აქტიურ ლოკაციას ვარჩევთ - ფრანგული რესტორანი Ladurée ვაკეში დაიხურა
access_time2020-05-25 14:00:50
ფრანგული საცხობი და ტკბილეულის სახლი Ladurée თბილისში, აბაშიძის ქუჩაზე გასულ წელს  გრანდიოზულად გაიხსნა. რესტორანი, რომელიც როგორც კომპანიის წარმომადგენლები აცხადებდნენ ლაქშერი მომსახურეობის სხვადასხვა მიმართულებას აერთიანებდა, რამდენიმე კვირის წინ დაიხურა. როგორც „კომერსანტს“ რესტორან Ladurée-ს დირექტორმა  გიორგი ღვინაძემ განუცხადა, მიუხედავად...

კომპანიების 28%-ს ვალდებულებების გასტუმრება უჭირს

კომპანიების 28%-ს ვალდებულებების გასტუმრება უჭირს
access_time2020-05-25 15:00:04
ინვესტორთა საბჭოს დაკვეთით PWC საქართველომ ბიზნესზე Covid19-ის გავლენა გააანალიზა. კვლევაში 1 938-მა კომპანიამ მიიღო მონაწილეობა.მოთხოვნის შემცირებამ გამოკითხული საწარმოების უმეტესობაში (65%) უკვე გამოიწვია 50%-ზე მეტით შემოსავლის შემცირება. რესპონდენტებს შორის ყველაზე მეტად დაზარალდნენ სასტუმროები და რესტორნები, რომელთა 75%-ზე მეტმა განიცადა შემოსავლის მნიშვნელოვანი შემცირება. მოთხოვნის შემცირებამ, კლიენტების მხრიდან დაგვიანებულმა გადახდებმა (ფულადი მოთხოვნების...

გიგა ბედინეიშვილი: „ეროვნული ბანკი გაუმართლებელი, ველური ახირებებით მართავს მონეტარულ პოლიტიკას“

გიგა ბედინეიშვილი: „ეროვნული ბანკი გაუმართლებელი, ველური ახირებებით მართავს მონეტარულ პოლიტიკას“
access_time2020-05-25 13:00:13
„ეროვნული ბანკი რაღაც გაუმართლებელი, ველური ახირებებით მართავს მონეტარულ პოლიტიკას“, - ამის შესახებ ეკონომისტი გიგა ბედინეიშვილი „კომერსანტთან“ საუბარში აცხადებს.მისი თქმით, ეროვნული ბანკის საქმიანობას ვერანაირად ვერ შეაფასებს დადებითად, რადგან სახეზე გვაქვს მაღალი ინლფაციის მაჩვენებელი და გაცამტვერებული ლარი. „ვერანაირად ვერ შევაფასებდი ერონული ბანკის ქმედებებს დადებითად. როგორ შეგვიძლია ვისაუბროთ თავის გართმევაზე, რადგან მაღალი ინფლაცია გვაქვს და ლარი...

უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს

უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
access_time2020-05-25 10:30:54
უძრავი ქონების პლატფორმა Livo-ს გადაწყვეტილებით, 2 თვის განმავლობაში, ნებისმიერი  მსურველი სამშენებლო კომპანია კვალიფიციურ, ინდივიდუალურ კონსულტაციას სრულიად უსასყიდლოდ მიიღებს. კომპანიებს კონსულტაციას ლივოს წარმომადგენლები  საცხოვრებელი უძრავი ქონების გაყიდვების სტრატეგიის დაგეგმვის მიმართულებით გაუწევენ. მომსახურებით რამდენიმე პარტნიორმა სამშენებლო კომპანიამ უკვე ისარგებლა. ლივოს კონსულტაციის შედეგად, არსებული გამოწვევის ფონზე,...


მსგავსი სიახლეები

up