დღის TOP 10 საინტერესო ამბავი

დღის TOP 10 საინტერესო ამბავი

access_time2020-09-14 21:00:38

დღის TOP 10 საინტერესო ამბავი:


1.„კომერსანტის“ ექსკლუზივი - „საქართველოს უძრავი ქონება“ m2-ის მიერ აშენებული ყველა სასტუმროს გაყიდვას გეგმავს

„კომერსანტისთვის“ ცნობილი გახდა, რომ ჰოლდინგი „საქართველოს უძრავი ქონება“ მის საკუთრებაში არსებული სასტუმროების გაყიდვას გეგმავს და ასევე ჩვენივე ინფორმაციით, ერთ-ერთი დაინტერესებული მხარე უძრავი ქონების სფეროში ერთ-ერთი ყველაზე მსხვილი კომპანია „რედკოა“.


2.პანდემიის პერიოდში დადებული 2 მილიონიანი კონტრაქტი - „მტევინო“ ჩინეთში ექსპორტზე გადის

პანდემიის პერიოდში დაწყებული მოლაპარაკებები და 2 მილიონი დოლარის ინვესტიცია - ქართული ღვინის კომპანია „მტევინო“ 2020 წლის ბოლომდე ჩინეთში 500 000 - მდე ბოთლით 7 სახეობის ღვინოს გაიტანს.


3.საქართველოს საფონდო ბირჟის გენერალური დირექტორი მამუკა ხაზარაძის ინიციატივას იწონებს

საქართველოში ახალი საფონდო ბირჟის დაფუძნება პარტია „ლელო საქართველოსთვის“ ეკონომიკური პროგრამის ერთ-ერთი შემადგენელი ნაწილია. რამდენად რეალურია მსგავსი პროექტის განხორციელება საქართველოში, როგორ დაეხმარება საერთაშორისო საფონდო ბირჟა ქვეყნის ეკონომიკის ამ და სხვა კითხვებზე საპასუხოდ „კომერსანტი“ საქართველოს საფონდო ბირჟის გენერალურ დირექტორს გიორგი ფარესიშვილს დაუკავშირდა.


4.თუ პანდემიამდე გვყავდა 2 000 კლუბის წევრი დღეს 2 500 გვყავს - ვაკის საცურაო აუზი მაქსიმალური დატვირთვით მუშაობს


„თუ პანდემიამდე გვყავდა 2 000 კლუბის წევრი დღეს 2 500 გვყავს “, - ამის შესახებ კომერსანტს ვაკის საცურაო აუზის წარმომადგენელმა ლიკა ლობჟანიძემ განუცხადა. მისი თქმით, აუზი ჩვეულ რეჟიმში აგრძელებს მუშაობას და მაქსიმალურად არის დატვირთული. განსაკუთრებული დიდი რაოდენობა აუზს აგვისტოს თვეში დაემატა.


5.ცეზარ ჩოჩელი - რაც კეთდება კარგია, მაგრამ არ კმარა, შესაძლოა კიდევ 50-მა წელიწადმა გაიაროს და იმავე დონეზე ვიქნებით

პანდემია, ეკონომიკური კრიზისი, უმუშევრობა, სიღარიბე - წლეულს არჩევნების გამართვა მძიმე ვითარებაში მოგვიწევს და შესაბამისად, კიდევ უფრო საპასუხისმგებლო იქნება ჩვენი არჩევანი, რომელ პოლიტიკურ ძალას ვანდობთ ჩვენს მომავალს.


6.Universal Pictures საქართველოთი კვლავ დაინტერესდა

საერთაშორისო კინო ინდუსტრიაში წამყვანი Universal Pictures კვლავ დაინტერესებულია საქართველოში ფილმის წარმოებით. კომპანიის ერთ-ერთი ყველაზე მასშტაბური ფრენჩაიზისთვის ფორსაჟი სცენების თბილისში გადაღების შემდეგ, ქვეყანას ესტუმრებიან გამოცდილი ამერიკელი სკაუტები ლორი ბარტონი, პიტერ გლუკი და ილტ ჯონსი.


7.შეზღუდვის მიუხედავად, ბანკები სადაზღვევო პოლისების შეძენისას საკომისიოს მაინც იღებენ - IU

არაპროფილური აქტივების ფლობის საკითხი საფინანსო სექტორში დღის წესრიგიდიან არ მოხსნილა, - აცხადებს „ბიზნესპარტნიორთან“ „დაზღვევის კავშირის“ თანათავმჯდომარე ვასილ ახრახაძე.


8.14 სექტემბერი - რეგიონში მხოლოდ ქართული ლარი და თურქული ლირა გაუფასურდა

ეროვნული ბანკის მიერ გამოქვეყნებული 14 სექტემბრის ვაჭრობის შედეგად, ქართული ლარის კურსი 2 თეთრით გაუფასურდა და ერთი აშშ დოლარის ღირებულებამ 3.1308 ლარი შეადგინა. Bloomberg-ზე კი დილიდან ვაჭრობა $1/3.1208 ლარით დაიწყო, თუმცა 18:00 საათისთვის 1 დოლარი 3.1380-ის ნიშნულზე იყო.


9.Der Tagesspiegel: ბინძური და სისხლიანი რუსული გაზი

ჩრდილოეთ ნაკადის“ მშენებლობა 2005 წელს გადაწყდა იმ გათვლების საფუძველზე, რომ ევროპაში და კერძოდ გერმანიაში გაზის მოხმარება გაიზრდებოდა. თუმცა, რეალურად სულ სხვანაირად მოხდა, გაზის მოხმარება არათუ არ იზრდება, არამედ მცირდება. სწორედ იმ პერიოდში პუტინის რეჟიმი სხვა ქვეყნების მიმართ ბევრად უფრო აგრესიული გახდა.


10.BBC: ევროპა ზამთრისთვის ემზადება - არავითარი კარანტინი

ევროპა კორონავირუსთან ერთად ზამთრის პირობებში სრულფასოვანი თანაცხოვრებისთვის ემზადება. პანდემიის მეორე ტალღას ყველა ელოდება, თუმცა ევროპელები განმეორებით კარანტინზე მტკიცე უარს ამბობენ. საყოველთაო ლოკდაუნი მსოფლიოს ძალიან ძვირი დაუჯდა, თუმცა, მისი დასრულების შემდეგ, ცოტა ხანში დაავადების მეორე ტალღაც მოვიდა. მართალია ის გაცილებით ნაკლებ ადამიანს კლავს, ამიტომაც ევროპელები ხელმეორედ ჩაკეტვას არ აპირებენ.


თეგები:
TOP 10



„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს

„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს
access_time2021-03-05 18:15:08
ჯანდაცვის მინისტრის მოადგილის, თამარ გაბუნიას ინფორმაციით, „ფაიზერის“ ვაქცინა საქართველოში სავარაუდოდ, 22 მარტის კვირაში შემოვა. როგორც მან სამინისტროში გამართულ ბრიფინგზე განაცხადა, მარტის თვის ბოლოსთვის ქვეყანაში შესაძლოა „ასტრაზენეკას“ ვაქცინაც შემოვიდეს. „წინასწარი ინფორმაციით, „ფაიზერის“ ვაქცინის მოწოდება მოხდება 22 მარტის კვირაში, ამდენად, მარტის ბოლომდე ვაქცინაციის პროგრამა „ფაიზერის“ მიმართულებით დაიწყება. სიახლეა „ასტრაზენეკასთან“...

გაიაფებული რიყის დოქები ისევ ვერ გაიყიდა

გაიაფებული რიყის დოქები ისევ ვერ გაიყიდა
access_time2021-03-05 19:00:38
რიყის დოქები ისევ არ გაიყიდა. ხელახალი აუქციონზე მისი ფასი 24 მლნ-მდე ლარით იყო გაიაფებული და აუქციონზე 71,25 მლნ ლარად იყო შეთავაზებული. ქონება პროექტი „100 საინვესტიციო შეთავაზება ბიზნესს“ ფარგლებში იყო აუქციონზე გამოტანილი. ეკონომიკისა და მდგრადი განვითარების სამინისტრო ამ უძრავი ქონების გაყიდვას ზუსტად ერთ წელზე მეტია ცდილობს. 2020 წლის 5 თებერვალს აუქციონზე მისი საწყისი გასაყიდი ფასი 95 მლნ ლარი იყო, თუმცა ვაჭრობა ლოტზე არ...

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია
access_time2021-03-05 15:00:36
მშენებლობისა და ინფრასტრუქტურის კომიტეტის ფორმატით საქართველოს ბიზნეს ასოციაციაში გამართულ სამუშაო შეხვედრაზე სამშენებლო და დეველოპერულ ინდუსტრიაში არსებული გამოწვევები და პრობლემები განიხილეს, რომელთა უმეტესობა წლების მანძილზე დაგროვდა და სახელმწიფოს დროულ რეაგირებას საჭიროებს. როგორც ასოციაციის წევრი კომპანიების წარმომადგენლები აცხადებენ, სამშენებლო სექტორს სახელმწიფო სტრუქტურებში არ ჰყავს ერთი პირდაპირი კურატორი, რომელიც მოისმენს მათ წინაშე არსებულ...

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ - World Class

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ -  World Class
access_time2021-03-05 17:30:20
თითქმის 1 წლიანი პაუზის შემდეგ, 15 მარტიდან ქვეყნის მასშტაბით, ფიტნეს დარბაზები გაიხსნება. ამის შესახებ გადაწყვეტილება საკოორდინაციო საბჭოზე თებერვლის ბოლო კვირაში მიიღეს. World Class-მა გახნის დღისთვის მზადება უკვე დაიწყო. პრემიუმ კლასის ფიტნეს ცენტრის შემადგენლობაში საუნაც შედის, სადაც მხოლოდ ერთ ადამიანს ექნება შესვლის საშუალება. ხოლო პირბადის ტარება სავალდებულო წინა გახსნის დროსაც იყო, თუმცა მხოლოდ გარკვეულ ზონებში. „დავიწყეთ...

დღის Top 10 საინტერესო ამბავი

დღის Top 10 საინტერესო ამბავი
access_time2021-03-05 21:30:02
დღის Top 10 საინტერესო ამბავი: 1.„რეგულაცია ხარჯების გაზრდას და საეჭვო გარიგებების შემცირებას გამოიწვევს“ - ლომბარდებს შსს-ისთვის ინფორმაციის მიწოდება დაევალათ ლომბარდებს, ანუ „სესხის გამცემ სუბიექტებს“ აქვთ ვალდებულება 1-ელი აპრილისთვის უკვე...


მსგავსი სიახლეები

up