დღის TOP 10 საინტერესო ამბავი:
თბილისის სახელმწიფო სამედიცინო უნივერსიტეტმა ცოტა ხნის წინ საკუთარი კლინიკური ბაზები კიდევ უფრო გაზარდა და „საქართველოს ჯანდაცვის ჯგუფისგან“ ინგოროყვას კლინიკის 40%-იანი წილი 12 მლნ დოლარად შეიძინა. „პირველი საუნივერსიტეტო კლინიკა, გივი ჟვანიას სახელობის პედიატრიის აკადემიური კლინიკა, აპოლონ ურუშაძის სახელობის სტომატოლოგიური კლინიკა, #1 სტომატოლოგიური კლინიკა, #2 სტომატოლოგიური კლინიკა - ახლა უკვე „მაღალი სამედიცინო ტექნოლოგიების ცენტრიც“.
ახალი კორონავირუსის პანდემიისგან გამოწვეული კრიზისისგან სავაჭრო ცენტრებმა გამოსვლა, მართალია ნელი ტემპით, მაგრამ უკვე დაიწყეს. უმსხვილესი სავაჭრო ცენტრების წარმომადგენლები სექტემბერში მომხმარებელთა ნაკადის ზრდასა და დადებით ტენდენციაზე საუბრობენ.
როგორც თბილისის ინფექციური საავადმყოფოს სამედიცინო დირექტორმა მარინა ეზუგბაიამ დღეს გამართულ ბრიფინგზე განაცხადა, ქვეყანაში ბოლო 2 კვირის განმავლობაში ავადობის მაჩვენებლები შეიცვალა და 100 000 მოსახლეზე ინციდენტობის მაჩვენებელმა 10,2–ს მიაღწია.
გარდენია შევარდნაძის დამფუძნებელი, ზურა შევარდნაძე სოციალურ ქსელში წერს, რომ ქორწილი, რომელიც მის სივრცეში 1 თვის განმავლობაში იგეგმებოდა, მთავრობის გუშინდელი გადაწყვეტილების გამო ჩაიშალა. შევარდნაძის თქმით, ქორწილი დღეს უნდა ყოფილიყო, ყველა ხარჯი უკვე გაღებული იყო, თუმცა ღონისძიება არ გაიმართება.
მთავრობის საკოორდინაციო საბჭოს გადაწყვეტილებით, თეატრები, კინოთეტრები და ბავშვთა გასართობი ცენტრები პირველი ნოემბრიდან გაიხსნება. მთავრობის გუშინდელი გადაწყვეტილებას აპროტესებს სახელოვნებო კომპანია „ღია სივრცე“. ხელოვნების ცენტრში მიიჩნევენ, რომ გადააწყვეტილება არ არის გააზრებული და არ სჯერათ, რომ გადაწყვეტილება მიღებულია საფრთხეების გაანალიზების შედეგად. სწორედ ამიტომ თეატრი მოითხოვს, რომ გახსნის თარიღი, 1 ოქტომბერი დარჩეს უცვლელად.
„გაზაფხულზე ბეღურას ზარბაზანი ვესროლეთ“, ამ სათუარით ევროპული საქართველოს მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი სოციალურ ქსელში ვრცელ სტატუს აქვეყნებს. ოპოზიციონერი დეპუტატი ყურადღებას ამახვილებს საქართველოს მთავრობის მუშაობაზე, თუ როგორ მართა გახარიას გუნდმა ეპიდემია. ჭიაბერაშვილი აცხადებს, რომ ეპიდემიის შეკავებით ეკონომიკის მაქსიმალურად დაზარალების ხარჯზე გახარიას მთავრობამ პოლიტიკურ ქულებს იწერდა და ბოლომდე ამ სტრატეგიას გაყვა.
მთავრობის გადაწყვეტილებით ქორწილები და ქელეხები ისევ აიკრძალა. დადგენილება სარესტორნო ბიზნესზე პირველივე დღეს აისახა. კომპანია „mgroup“-ის საოპერაციო დირექტორი გიორგი მურჯიკნელი აცხადებს, რომ ღია სივრცეებში 3 ღონისძიება გაუქმდა, პოტენციურ დამკვეთებთან მოლაპარაკებები კი შეწყდა. მურჯიკნელს ჰქონდა მოლოდინი, რომ წარმატება, რომელსაც უშუალოდ სახელმწიფომ მიაღწია კორონავირუსთან ბრძოლაში, ძალიან მალე ოპერირებისთვის თავისუფალ ფორმატს შესთავაზებდა, თუმცა ყველაფერთან ერთად ქონდა მოლოდინი, რომ გამკაცრებული შეზღუდვები შეიძლებოდა განმეორებულიყო.
იმ შემთხვევაში, თუ ეროვნული ბანკის ოფიციალური კურსით ერთი დოლარის ღირებულება 3.10 ლარის ნიშნულზე დაფიქსირდება, იმპორტირებული პროდუქცია გაძვირდება - ამის შესახებ დისტრიბუტორთა ბიზნეს ასოციაციის ხელმძღვანელმა ივა ჭყონიამ განაცხადა.
საქართველოს რაგბის კავშირმა განცხადება გაავრცელა — საქართველოს ნაკრები Guinness Six Nations მიერ ორგანიზებულ ტურნირში 'შემოდგომის ერთა თასი 2020' იასპარეზებს.
- Covid-19 -ის გავლენა შერჩეული ქვეყნების ფინანსებზე
კორონავირუსის პანდემიით გამოწვეულმა შეზღუდვებმა ბევრი ქვეყნის მთავრობაზე გრძელვადიანი გლობალური ეკონომიკური გავლენა იქონიადა კრიზისმა მთავრობებისფინანსური რეორგანიზაცია გამოიწვია. - ამის შესახებ გამოცემა economicsonline წერს.
Economicsonline -მა გამოყო ის სამი ქვეყანა, რომლებმაც კორონავირუსით გამოწვეული პანდემიის გამო იზარალეს.
TOP 10
