დღის TOP 10 საინტერესო ამბავი:

1.„პრემიერი დაგვპირდა, რომ 520-ე დადგენილების ხარვეზებს გამოასწორებდა, მაგრამ დანაპირები არ შეასრულა“ - ჰოსპიტალური სექტორი კრიზისშია

520-ე დადგენილება აღარავის ახსოვს, თუმცა უნდა ითქვას ისიც, რომ როცა 520-ე დადგენილება ჯანდაცვის სამინისტოში ახსოვდათ, უწყება პრობლემის მოგვარებით არც მაშინ იყო დაკავებული. „კომერსანტი“ დაინტერსდა 10 თვის შემდეგ რა შედეგები მოუტანა 520-ე დადგენილებამ კლინიკებს.

2. ინოვაციური პროდუქტები და აქციების საჯაროდ განთავსება - როგორ გეგმავს დიმიტრი ქუმსიშვილის „გრინ დაზღვევა“ ბაზრის წილის მოპოვებას

რა სიახლეები შემოიტანა სადაზღვევო ბაზარზე „გრინ დაზღვევა საქართველომ“ მას შემდეგ, რაც მისი აქციების მფლობელები უმსხვილესი კომპანიები სს „მეტრო ავრასია ინვესთმენთ ჯორჯია“ და შპს „ახალი საინვესტიციო შესაძლებლობები“ გახდნენ, რომლებმაც საწესდებო კაპიტალი რამდენიმე მილიონამდე გაზარდეს და სადაზღვევო სექტორის განვითარებაში დიდი წვლილის შეტანა და კონკურენტუნარიანი პროდუქტების დანერგვა დააანონსეს.

3.გომბორის ტრაგედიიდან ორი წლის შემდეგ ექსკურსიების რეგულირებაზე პარლამენტი ახლა მუშაობს

ყველას კარგად ახსოვს 2018 წლის 9 ივნისს გომბორის უღელტეხილზე მომხდარი ტრაგედია, რომელსაც 4 ადამიანის, მათ შორის 1 არასრულწლოვნის სიცოცხლე ემსხვერპლა, 21 ადამიანი კი დაშავდა - იმის მიუხედავად, რომ ორი წლის წინ ამ რეზონანსულმა შემთხვევამ ექსკურსიების გამკაცრების აუცილებლობა დღის წესრიგში დააყენა, საქართველოს პარლამენტის იურიდიულ საკითხთა კომიტეტმა მხოლოდ რამდენიმე კვირის წინ დაამტკიცა რეგულაციები, რომლის მიხედვითაც სასკოლო ექსკურსიები უნდა ჩატარდეს.

4.თეატრებისა და კინოთეატრების, ასევე ბავშვთა გასართობი ცენტრების გახსნა ერთი თვით გადაიდო

ობიექტების ნაწილი უნდა გახსნილიყო 15 სექტემბრიდან, ნაწილი პირველი ოქტომბრიდან, თუმცა ეპიდემიოლოგიური ვითარების გათვალისწინებით მათი გახსნა გადაიდო ერთი თვით.

5.„თელასის“ აქციების 24,5%-იანი წილი ხვიჩა მაქაცარიას „ბესტ ენერჯი გრუპმა“ იყიდა

საპარტნიორო ფონდის საკუთრებაში არსებული სს „თელასის“ აქციების 24.5%-იანი წილი აუქციონზე „ბესტ ენერჯი ჯგუფმა“ იყიდა.

6.„ქართულმა ოცნებამ“ სასიცოცხლოდ მნიშვნელოვანი პროექტის მიმართ დამოკიდებულება შეცვალა, რამაც საქართველოს ეკონომიკური სარგებელი დააკარგვინა

„ანაკლიის განვითარების კონსორციუმი“ სამეთვალყურეო საბჭოს სახელით განცხადებას ავრცელებს, რომელშიც დამატებითი დეტალებია საქართველოს მთავრობის კამპანიის შესახებ, რომელიც კონსორციუმის განცხადებით, მმართველი პარტიის, „ქართული ოცნების“ მხრიდან მიმართული იყო ანაკლიის ღრმაწყლოვანი პორტის პროექტის გასაჩერებლად, რამდენადაც პოტენციური ინვესტორების, დამფინანსებლების, კონტრაქტორებისა და მომწოდებლების დემოტივირებას ახდენდა.

7.თუ ჩვენ ქვეყანას გამდიდრება უწერია, ეს აზერბაიჯანთან და თურქეთთან სტრატეგიული ურთიერთობით არის შესაძლებელი

საქართველოს ეროვნული ბანკის ყოფილმა პრეზიდენტმა გიორგი ქადაგიძემ ტელეკომპანია „ფორმულას“ გადაცემა „პლატფორმაში“ წარმატებულ რუსულ პროპაგანდაზე ისაუბრა. მისი განცხადებით, ერთ-ერთი ყველაზე საფრთხის შემცველი და ძალიან მგრძნობიარე საკითხი სამწუხაროდ წარმატებული რუსული პროპაგანდაა.

8.როგორ ჰყიდის ყოფილი ბანკირი სახელმწიფოს პრეპარატს მილიარდებად და როგორ მუშაობს COVID-19-ის ვაქცინაზე

დიმიტრი მოროზოვმა ერთ-ერთი ყველაზე მსხვილი ფარმაცევტული კომპანია „ბიოკადი“ დააფუძნა, სახელმწიფო შესყიდვების ლიდერ კომპანიად აქცია და ახლა ფულის შოვნას COVID-19-ის მკურნალობით აპირებს.

9.„თბილისობა 2020“-ის ფარგლებში დაგეგმილი ღონისძიებები გაუქმდა

შექმნილი ეპიდემიოლოგიური სიტუაციიდან გამომდინარე, „თბილისობა 2020“-ის ფარგლებში დაგეგმილი ღონისძიებები გაუქმდა. ჩატარდება მხოლოდ კონცერტები, რომლებიც ონლაინ რეჟიმში გადაიცემა.

10.ბანკების მიერ დასაკუთრებული უძრავ-მოძრავი ქონების საბაზრო ღირებულება ივნისის მდგომარეობით 220 მლნ. ლარს შეადგენს

ფინანსური ანგარიშგებების მიხედვით, ბანკების მიერ დასაკუთრებული უძრავ-მოძრავი ქონების საბაზრო ღირებულება 2020 წლის ივნისის მდგომარეობით 220 407 109 ლარს შეადგენს.