დღის Top 10 საინტერესო ამბავი:
1. საკანონმდებლო ორგანოში ორ მთავარ ეკონომიკურ კომიტეტს თამბაქოს კონტრაბანდის შესახებ არაფერი სმენია
„ეს შეკითხვა აღმასრულებელთან. მე მხოლოდ შემიძლია დავინტერესდე და ასეც გავაკეთებ. თუმცა არ მაქვს ინფორმაცია. დავაზუსტებ და ორ სამ დღეში შემეხმიანეთ,“ - ასეთი იყო პარლამენტის ეკონომიკური კომიტეტის თავმჯდომარის, რომან კაკულიას პასუხი „კომერსანტის“ კითხვაზე, აქვს თუ არა ინფორმაცია, რომ საქართველოში კონტრაბანდული სიგარეტი მასობრივად და შეუფერხებლად იყიდება.
2. რატომ აარიდა თავი ბიზნეს ასოციაციის პრეზიდენტმა, კახა ოქრიაშვილის მიერ წამოჭრილი პრობლემის შეფასებას
„კომერსანტმა“ ერთ-ერთი მსხვილი ბიზნესმენის კახა ოქრიაშვილის მიერ წამოჭრილი პრობლემის შეფასება „საქართველოს ბიზნეს ასოციაციის“ პრეზიდენტს სოსო ფხაკაძეს სთხოვა. ასოციაციის პრეზიდენტმა ჩვენს შეკითხვას თუ რამდენად ეთანხმება ოქრიაშვილის მოსაზრებას და რა არის იმის მიზეზი, რომ ბოლო წლებში ახალი ბიზნესმენები საქართველოში არ ჩნდებიან და მხოლოდ რამდენიმეა, რომელიც წარმოებაში ინვესტიციებს ახორციელებს - თავი აარიდა და არ ისურვა.
3. საქართველოს ბანკი, თიბისი, ქართუ ბანკი - ყველაზე ზარალიანი ბანკების რეიტინგი
ბანკების ფინანსური ანგარიშგებების მიხედვით, სექტორი, რომელიც წლების განმავლობაში დიდ მოგებაზე გადიოდა, 2020 წლის I კვარტლის მსგავსად, II კვარტალი ზარალით დაასრულა.
4. თბილისის ანძაზე ტურისტული ინფრასტრუქტურის მოსაწყობად ინტერესთა გამოხატვა გამოცხადდა
დედაქალაქის მერია ეკონომიკისა და მდგრადი განვითარების სამინისტროსთან ერთად, თბილისის ანძაზე ტურისტული ინფრასტრუქტურის მოსაწყობად, ინტერესთა გამოხატვას აცხადებს. ინფორმაციას თბილისის მერია ავრცელებს.
5. 600 ლარამდე ღირებულების ნივთების გამოწერა შესაძლოა განბაჟებას არ დაექვემდებაროს
აღნიშნულის შესახებ მოქალაქეთა მოთხოვნა პარლამენტში უკვე წარდგენილია. კერძოდ, საუბარია, 13 070 მოქალაქის (დავით რამიშვილი) მიერ ხელმოწერილ და წარმოდგენილ პეტიციაზე.
6. რა შემთხვევაში გაძვირდება პური საქართველოში - მეხორბლეთა ასოციაცია
რუსეთში ხორბლის გაძვირებას შესაძლოა, საქართველოში პურზე ფასის მატება მოყვეს. ეს კი იმ შემთხვევაში მოხდება, თუ რუსული საექსპორტო ხორბალი კიდევ 15 დოლარით გაძვირდება. ამის შესახებ „ბიზნესპრესნიუსსს“ მეხორბლეთა ასოციაციის აღმასრულებელმა დირექტორმა ლევან სილაგავამ განუცხადა.
7. საქართველოდან ევროკავშირში გაშვებას მესაზღვრეები გადაწყვეტენ
74 ხმით, 0-ის წინააღმდეგ საქართველოს პარლამენტმა მესამე მოსმენით მიიღო საკანონმდებლო ცვლილებები, რომელიც შს სამინისტროს უფლებას ანიჭებს, არ გაუშვას პირი ევროკავშირის/შენგენის ზონაში, თუკი ის გარკვეულ კრიტერიუმებს არ დააკმაყოფილებს.
8. „ნინიას ბაღი„ - ცნობილი რესტორატორი მერიკო გუბელაძე ახალ კონცეპტუალურ სივრცეს ხსნის
თბილისში, უზნაძის ქუჩაზე ახალი რესტორანი „ნინიას ბაღი იხსნება. როგორც რესტორნის დამფუძნებელი, ცნობილი შეფმზარეული მერიკო გუბელაძე „კომერსანტს“ უცხადებს, რესტორანი სტუმრების მიღებას ოქტომბრის დასაწყისში შეძლებს.
9. ჩაქვში სასტუმრო “ოაზისი”, სადაც 900 ვიზიტორი ისვენებს, ჩაიკეტა
ჩაქვში არსებულ სასტუმრო „დრიმლენდ ოაზისის“ კონფერენციაზე მყოფ პირს კორონავირუსი დაუდასტურდა. ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ „ტვ პირველის“ ეთერში განაცხადა.
10. რუსი ტურისტების გამო თურქეთში covid 19-ით დაინფიცირების მკვეთრი ზრდა დაფიქსირდა
თურქეთში ყოველდღიურად კორონავირუსზე 100 000 ტესტს აკეთებენ, მაგრამ ვის უტარდება - უცნობია. ექიმები ყურადღებას იმაზე ამახვილებენ, რომ ქვეყანაში ჩამოსული რუსი ტურისტები ტესტირებას არ გადიან და ამის გამო ანტალიაში მოსალოდნელია ეპიდემიის ახალი ტალღა.