დღის Top-10 საინტერესო ამბავი

დღის Top-10 საინტერესო ამბავი

access_time2020-03-24 21:30:20

დღის Top-10 საინტერესო ამბავი


1.ბრიტანულ-ქართული აკადემია სხვა სკოლებს მოუწოდებს დისტანციური სწავლების პრაქტიკა ერთმანეთს გაუზიარონ

დისტანციურ სწავლებაზე უკვე ძალიან ბევრი სკოლა და უნივერსიტეტი გადავიდა, ყველა მათაგანი ახლა საპილოტე რეჟიმში ცდილობს კორონავირუსისგან გამოწვეული ზიანი მინიმუმამდე დაიყვანონ და ეროვნული სასწავლო გეგმით განსაზღვრული მიზნის მიღწევაში არ შეფერხდნენ.დისტანციური სწავლება 6 მარტს დაიწყო ბრიტანულ-ქართულმა აკადემია და მის პარტნიორმა- თბილისის ბრიტანულმა საერთაშორისო სკოლამ. რა გამოწვევების წინაშე დგანან სკოლები ამის შესახებ ვრცლად commersant.ge-ზე გაეცნობით. 


2.საინვესტიციო პროექტების გადავადება, თანამშრომლების და შემოსავლების შემცირება- ღვინის ბიზნესის კრიზისი და მოლოდინები

მეღვინეები „კომერსანტთან“ ღვინის სექტორში არსებულ პრობლემებზე საუბრობენ, რომელიც გავრცელებული პანდემიის გამო საგანგებო მდგომარეობის დაწესებამ, შესაბამისად კი, რესტორნებისა და კაფეების დახურვამ გამოიწვია.


3.Wizz Air ქუთაისის საერთაშორისო აეროპორტიდან ყველა ფრენას 1 მაისამდე აჩერებს

მიმდინარე მოვლენებიდან გამომდინარე Wizz Air საქართველოდან ყველა მიმართულებით ფრენას 1 მაისამდე აჩერებს.აღნიშნული სამგზავრო შეზღუდვები გამოწვეულია COVID-19-ის პანდემიის გავრცელებისა და თავიდან აცილების მიზნით.მომხმარებლები, რომლებსაც აღნიშნული ცვლილება შეეხოთ და რომლებსაც დაჯავშნილი ჰქონდათ ბილეთები ავიაკომპანიის ვებგვერდისა თუ მობილური აპლიკაციის საშუალებით, მიიღებენ შეტყობინებას ელ.ფოსტაზე.


4.მსესხებლები მიკროსაფინანსოებისგან ვალდებულებების პატიებას ითხოვენ

მომდევნო 3 თვის განმავლობაში საქართველოს მოქალაქეების ნაწილს შეუძლია საბანკო სესხი არ გადაიხადოს. კორონავირუსის გავრცელების რისკებთან დაკავშირებით შექმნილი ვითარებიდან გამომდინარე, კომერციული ბანკების გარკვეულმა ნაწილმა მომხმარებლებს სესხების 3 თვით გადავადება შესთავაზა. ამ განცხადებამ დიდი აჟიოტაჟი გამოიწვია, არამარტო საბანკო სექტორის მომხმარებლებში, არამედ მიკროსაფინანსო ორგანიზაციების მსესხებლებშიც, რომლებიც მისო-ებისგან შეღავათებს ითხოვენ.



5. საგანგებო მდგომარეობის დროს აღმასრულებელი ბინას ვეღარ გაგიყიდით

საგანგებო მდგომარეობის პერიოდში სახელმწიფო და კერძო აღმასრულებელებს სადავო ქონების გაყიდვა ან გაყიდული ქონებიდან პირთა გამოსახლება ეზღუდებათ. ეს შეზღუდვა მათ მთავრობის დადგენილებით დაუწესდათ.


6.ფინანსური ზარალი და სამოქმედო გეგმის გარეშე დარჩენილი ესთეტიკის ცენტრები

სრული ფინანსური ზარალი და სამოქმედო გეგმის გარეშე დარჩენილი სექტორი, მას შემდეგ რაც კორონავირუსის გამო ქვეყანა საგანგებო მდგომარეობის რეჟიმზე გადავიდა, დროებით მუშაობა შეწყვიტეს ესთეტიკის ცენტრებმაც, რომლებიც ზარალის ოდენობაზე საუბრობენ.


7.მოსახლეობა ლომბარდებს საშეღავათო პერიოდს სთხოვს

კორონავირუსის ზარალი უკვე მოსახლეობის სოციალურ-ეკონომიკურ მდგომარეობაზეც აისახა. ადამიანებმა, იმისთვის რომ ფინანსები მოიზიდონ, ნივთების დალომბარდება დაიწყეს. ასეთია ის, რეალობა, რომელშიც ქვეყანა უკვე რამდენიმე კვირაა ცხოვრობს. ვრცლად იხილეთ commersant.ge-ზე. 


8.„ჭკვიანი ფინანსთა მინისტრის და ჭკვიანი ბანკის მმართველის აქტიური მოქმედებაა საჭირო“ - პაატა ტრაპაიძე

კომპანია „კავკასუს როუდ პროჯექტის“ ხელმძღვანელი პაატა ტრაპაიძე სამშენებლო სექტორისთვის კორონავირუსისა და შესაბამისად, ლარის კურსით გამოწვეულ სიძნელეებზე საუბრობს.


9.ლევან სურგულაძე: „დღეს ეკონომიკის მასტიმულირებელი იაფი ფულის ინექციაა, რაც აშშ-მ გააკეთა, ჩვენთან კი პირიქით მოხდა“

საქართველოს პარალელურად აშშ-ს ცენტრალურმა ბანკმა რიგგარეშე სხდომაზე მონეტარულ პოლიტიკის განაკვეთი თითქმის ნულამდე - 0- 0,25%-მდე შეამცირა. სარეზერვო სისტემის ნაბიჯები ახალი კორონავირუსის გავრცელებით გამოწვეული ეკონომიკური ზიანის შემცირებას ისახავს მიზნად, რაც მანამდე შენარჩუნდება, სანამ ორგანიზაციაში არ დარწმუნდებიან, რომ ეკონომიკა გაუმკლავდა ბოლო მოვლენების უარყოფით გავლენას და იარსებებს სრული დასაქმებისა და ფასების სტაბილურობის წინაპირობა.

რეფინანსირების განაკვეთის ცვლილებასთან დაკავშირებით განსხვავებული მოსაზრებები აქვთ ექსპერტებს. ვრცლად იხილეთ commersant.ge-ზე. 


10. რეგიონში სწრაფი ტემპით მხოლოდ ქართული ლარი უფასურდება

„კომერსანტი“ დაინტერესდა რა ვითარებაა რეგიონში და რამდენად უფასურდება ეროვნული ვალუტები დოლართან მიმართებაში. როგორც აღმოჩნდა, კორონავირუსის უარყოფითი ეფექტი რეგიონში ყველაზე მკვეთრად ლარის კურსზე აისახა და ეკონომიკის მინისტრის დამაჯერებელი განცხადების მიუხედავად, Bloomberg-ზე ბოლო ერთი თვის განმავლობაში, სამეზობლოში ვალუტის კურსები ან მცირედით და ეტაპობრივად უფასურდება, ან მყარდება.


თეგები:
Top-10



სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ

სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
access_time2020-03-31 19:55:36
ონლაინ მომსახურების ხელშესაწყობად, სილქნეტი ვირუსის პრევენციის ადრეული ეტაპიდანვე ზრუნავს მომხმარებლის ჯანმრთელობასა და უსაფრთხოებაზე და თავის აბონენტებს უზრუნველყოფს დისტანცირებული მომსახურების სხვადასხვა საშუალებებით. ამასთანავე, ხელს უწყობს ისეთი აუცილებელი მომსახურების შეუფერხებლად მიღებასაც, როგორიც ონლაინ საბანკო მომსახურებაა. სწორედ ამიტომ, სილქნეტი შეუერთდა საქართველოს ბანკის ინიციატივას, მომხმარებელს მაქსიმალურად გაუმარტივოს საბანკო მომსახურება და ამისათვის არ შეაფერხებს თავისი...

31 მარტი - ქართული ლარი და თურქული ლირა უმნიშვნელოდ გამყარდა

31 მარტი - ქართული ლარი და თურქული ლირა უმნიშვნელოდ გამყარდა
access_time2020-03-31 19:00:28
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდება, სამეზობლოში ვალუტის კურსები ან მცირედით და ეტაპობრივად უფასურდება, ან მყარდება.    ეროვნული ბანკის მიერ გამოქვეყნებული 31 მარტის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის ღირებულებამ 3.2816 ლარი შეადგინა. Bloomberg-ზე დილიდან...

დღის Top-10 საინტერესო ამბავი

დღის Top-10 საინტერესო ამბავი
access_time2020-03-31 21:30:46
დღის Top-10 საინტერესო ამბავი 1.„სებ-ის ინტერვენციას ასეთი დიდი მოცულობის რეფინანსირების სესხების გაცემის ფონზე, აზრი არ აქვს“ „კომერსანტი“ დაინტერესდა, რამდენად აქვს აზრი ასეთი ფულად-საკრედიტო პოლიტიკის პირობებში, ინტერვენციების ანუ საქართველოს ეროვნული ბანკის რეზერვების გაყიდვის გაგრძელებას თუ...

ანაკლიის კონსორციუმი: მთავრობის ინტერესი ფოთის პორტის მიმართ შემაშფოთებელია

ანაკლიის კონსორციუმი: მთავრობის ინტერესი ფოთის პორტის მიმართ შემაშფოთებელია
access_time2020-03-31 18:15:19
ანაკლიის განვითარების კონსორციუმში შემაშფოთებელს უწოდებენ მთავრობის ინტერესს ფოთის პორტის მიმართ და აცხადებენ, რომ ფოთის პორტის განვითარება საქართველოს ეკონომიკის კრახს გამოიწვევს. როგორც კონსორციუმის განცხადებაშია ნათქვამი, მთავრობის გადაწყვეტილება, გაეცა ფოთის პორტის ოპერატორი კომპანიისთვის მიწათსარგებლობის ნებართვა, ბადებს ეჭვს, რომ მისი მოტივები საქართველოს ეკონომიკის გაძლიერებისა და სამუშაო ადგილების შექმნის სურვილს სცილდება. კონსორციუმში...

ინვესტორების თავშესაფარი - მოსალოდნელია თუ არა საფინანსო ბაზრის მორიგი ვარდნა

ინვესტორების თავშესაფარი - მოსალოდნელია თუ არა საფინანსო ბაზრის მორიგი ვარდნა
access_time2020-03-31 20:00:56
2020 წლის 19 თებერვალს მსოფლიო საფინანსო ბაზრის ერთ-ერთი ყველაზე კატასტროფული ვარდნის მომსწრე გახდა. რომელი აქტივები გაუფასურდა ყველაზე მეტად და რისი გაკეთება შეეძლოთ ინვესტორებს, რათა დანაკარგი შეემცირებინათ? 19 თებერვლის შემდეგ თვეზე მეტი გავიდა და უნდა აღინიშნოს, რომ  ეს რიცხვი ისტორიისა და ეკონომიკის სახელმძღვანელოებში უნდა შევიდეს როგორც ბაზრის ყველაზე სწრაფი ვარდნის საწყისი ისტორიაში, რომელიც იდეალურ შტორმს- კორონავირუსის პანდემიასა  და...


მსგავსი სიახლეები

up