დღის Top 10 საინტერესო ამბავი

დღის Top 10 საინტერესო ამბავი

access_time2020-08-27 21:00:10

დღის Top 10 საინტერესო ამბავი:


1.ღვინის ფალსიფიცირება მასობრივად მოხდება და სახელმწიფო ამაზე თვალს დახუჭავს - ირაკლი იაშვილი

„ღვინის ხარისხის საკითხი როგორი პრობლემურიც იყო, ისეთივე რჩება. საფუძვლიანი ეჭვი გვაქვს, რომ ღვინის გაბევრების ცდუნება კიდევ უფრო გაიზრდება,“ - ამის შესახებ „კომერსანტს“კომპანია „ისთ გეით ჯგუფის“ სამეთვალყურეო საბჭოს თავმჯდომარემ და ღვინის მწარმოებელი კომპანია „ვაზიანის“ ხელმძღვანელმა ირაკლი იაშვილმა განუცხადა.


2.„ქართული ოცნების“ „კეთილშობილება“ სიყალბეა, 200 ლარიანი დახმარება სახელმწიფო ვალია და მომავალ თაობებს ტვირთად დააწვება- ლევან ბეჟაშვილი

„ქართული ოცნების“ „კეთილშობილება“ სიყალბეა. 200 ლარიანი დახმარება სახელმწიფო ვალია და მომავალ თაობებს ტვირთად დააწვება“, – „ერთიანი ნაციონალური მოძრაობის“ წევრი ლევან ბეჟიაშვილი სახელმწიფოს მიერ გაცემულ 200 ლარიანი დახმარებების შესახებ განცხადებას აქვეყნებს.


3.95 ქვეყანას ვთავაზობთ პროგრამას „იმუშავე საქართველოდან“ - გიორგი გახარია

„ჩვენ 95 ქვეყანას ვთავაზობთ პროგრამას „იმუშავე საქართველოდან“, რაც იმას ნიშნავს, რომ ჩვენ ვახერხებთ და უნდა მოვახერხოთ, რომ ჩვენი მიღწევები ვირუსის მართვის მიმართულებით ერთ-ერთი საუკეთესო რეგიონში, დავაკონვერტიროთ კონკრეტულ შემოსავლებში ჩვენი ტურისტული სექტორისთვის“, - ამის შესახებ პრემიერ-მინისტრმა გიორგი გახარიამ მთავრობის სხდომაზე განაცხადა.


4.სვერის სათავგადასავლო ბანაკი ჭიათურაში - ადგილი საქართველოში ჩარჩენილი ტურისტებისა და ფრილანსერებისთვის


ჭიათურის რაიონში, სოფელ სვერში არსებული სათავგადასავლო ბანაკი საქართველოში ჩარჩენილი ტურისტებისა და ფრილანსერებისთვის ერთერთ მიმზიდველ ადგილად იქცა. ბანაკის გახსნის იდეა ექსტრემალური სპორტისა და მეკლდეურების ჯგუფს გაუჩნდა.


5.პენსია ყოველი თვის პირველი რიცხვიდან 14 რიცხვამდე, შესაბამისი განრიგით გაიცემა

ჩვენ საბანკო სექტორთან ერთად მივიღეთ გადაწყვეტილება, რომ პენსიების დარიცხვა და შესაბამისად გაცემა დაიწყება ყოველი თვის 1-ლი რიცხვიდან 14 რიცხვამდე, შესაბამისი განრიგის მიხედვით, - ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომაზე განაცხადა.


6.15 სარეცხ საშუალებაში ფორმალდეჰიდი, 18 ნიმუშში ბორი, ხოლო 2-ში ტყვია აღმოჩნდა

„საქართველოს სტრატეგიული კვლევებისა და განვითარების ცენტრი“, რომელიც სურსათის უსაფრთხოებისა და სამომხმარებლო პროდუქციის მონიტორინგის საკითხებზე მუშაობს, მორიგი ლაბორატორიული კვლევის შედეგებს აქვეყნებს. 40 დასახელების საყოფაცხოვრებო ჰიგიენის საშუალებები გერმანიის ლაბორატორია „ევროფინსში“ ფორმალდეჰიდის, ბორისა და ტყვიის შემცველობაზე შესამოწმებლად იქნა გაგზავნილი. 15 ნიმუშში ფორმალდეჰიდი, 18 ნიმუშში ბორი, ხოლო 2 ნიმუშში ტყვია აღმოჩნდა.


7ამ ეტაპზე ბორანი დახურულია, თვეში მხოლოდ 1 ან 2 შეკვეთა გვაქვს

კორონავირუსის პანდემიის გამო, საზღვრების ჩაკეტვამ და ფრენების გადადებამ, ტურიზმზე დამოკიდებული კომპანიების შეჩერება გამოიწვია. ერთ-ერთი ასეთია, კომპანია „ბორანია“, რომელიც მომხმარებელს როგორც ღია კაფეს, ასევე სუფრის თანხლებით მტკვარზე ტივით გასეირნებას სთავაზობს.


8.სავაჭრო ქსელში კონტრაბანდული სიგარეტი თავისუფლად იყიდება

აფხაზეთიდან შემოტანილი კონტრაბანდული სიგარეტი მანჩესტერი აჭარის სავაჭრო ქსელში იყიდება. სოციალურ ქსელში ერთ-ერთი მომხმარებელი მის მიერ აჭარაში შეძენილი სიგარეტის კოლოფის ფოტოს აქვეყნებს. ფოტოზე მკაფიოდ ჩანს აფხაზური აქციზური მარკა, რომელსაც საქართველოს დანარჩენ ტერიტორიაზე იურიდიული ძალა არ გააჩნია.


9.ჯეფ ბეზოსის ქონებამ 200 მლრდ. დოლარს გადააჭარბა

Amazon-ის დამაარსებლის ჯეფ ბეზოსის ქონებამ 200 მლრდ. დოლარს გადააჭარბა. წლის მანძილზე მისი კომპანიის ღირებულება 90%-ით გაიზრდა, რომლის აქციების 11% მას ეკუთვნის.


10.2019 წელს საქართველოში 1 682 სასტუმრო 4 მლნ სტუმარს მოემსახურა

დეკლარირებული მონაცემების მიხედვით, 2019 წელს საქართველოში ფუნქციონირებდა სასტუმროს მომსახურებით დაკავებული 1 625 ეკონომიკური სუბიექტი, რომლებიც ფლობდნენ 1 682 სასტუმროსა და სასტუმროს ტიპის დაწესებულებას.

თეგები:
Top 10



აშშ-ს ყოფილი პრეზიდენტები - ობამა, ბუში და კლინტონი კორონავირუსის საწინააღმდეგო ვაქცინას საჯაროდ გაიკეთებენ

აშშ-ს ყოფილი პრეზიდენტები - ობამა, ბუში და კლინტონი კორონავირუსის საწინააღმდეგო ვაქცინას საჯაროდ გაიკეთებენ
access_time2020-12-04 18:54:11
ამერიკის შეერთებული შტატების ყოფილი პრეზიდენტები, ბარაკ ობამა, ჯორჯ ბუში და ბილ კლინტონი, მზად არიან, რომ ავტორიზაციის შემდეგ, კოვიდ 19-ის ვაქცინა საჯაროდ, კამერების წინ გაიკეთონ და ასე მოსახლეობას დაუმტკიცონ, რომ ის უსაფრთხოა.   ამერიკის ბოლო სამი პრეზიდენტი იმედოვნებს, რომ მათი ეს ნაბიჯი იქნება მყარი გზავნილი ამერიკელი ხალხისთვის, რომ ვაქცინა მართლაც უსაფრთხო და ეფექტურია. სწორედ ამაში ცდილობენ საზოგადოების დარწმუნებას სფეროს ექსპერტები და ვაქცინაზე...

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია
access_time2020-12-04 17:55:18
საქართველოს ბიზნეს ასოციაცია Trace International-ის და ტრანსეროვნული ორგანიზაცია SolAbility-ის კვლევებს ეხმიანება და რეიტინგებს პოტენციური ინვესტორებისთვის პოზიტიურ გზავნილად აფასებს. Trace International-ის წარმოებული კორუფციის რისკისგან თავისუფლების ინდექსის მიხედვით, საქართველო მსოფლიოში 28-ე, ხოლო ევროპაში მე-19 ადგილზეა, ხოლო SolAbility-ის გლობალური მდგრადი კონკურენტუნარიანობის ინდექსის მიხედვით, საქართველო 180 ქვეყნიდან, 37-ე ადგილზეა.   ბიზნეს ასოციაციის პრეზიდენტის...

„ადამიანის მისწრაფებას მოგზაურობისადმი ვერაფერი მოსპობს“ - როგორ გადაურჩა პანდემიას Airbnb?

 „ადამიანის მისწრაფებას მოგზაურობისადმი ვერაფერი მოსპობს“ - როგორ გადაურჩა პანდემიას Airbnb?
access_time2020-12-04 20:30:24
დეკემბრის შუა რიცხვებში საცხოვრებელი ფართების დაჯავშნის სერვისი Airbnb-ი თავისი აქციების გასაყიდად გამოტანის პროცედურას დაასრულებს. პირველ ეტაპზე საუბარი იყო 30 მლრდ. დოლარის ფასიან ქაღალდებზე, დღეს კი - 35 მლრდ-ის.   წერილში, რომელიც კომპანიის პრეზიდენტმა ბრაინ ჩესკიმ ბირჟების და ფასიანი ქაღალდების კომისიას გაუგზავნა, ნათქვამია, რომ აქციების განთავსება ჯერ კიდევ მარტში იგეგმებოდა, თუმცა ეს გეგმების პანდემიამ...

OPEC Plus-ი ნავთობმოპოვების ზრდაზე შეთანხმდა

OPEC Plus-ი ნავთობმოპოვების ზრდაზე შეთანხმდა
access_time2020-12-04 19:30:45
OPEC plus-ში შემავალი ქვეყნები 2021 წლის იანვრიდან დღე-ღამეში ნავთობმოპოვების 500 000 ბარელით ზრდაზე შეთანხმდნენ.   შემდგომში გარიგების პირობების ყოველთვიურად გადაიხედება, და მოპოვების მოცულობები მოთხოვნაზე იქნება დამოკიდებული.   ბაზარმა შეთანხმებაზე რეაგირება უკვე მოახდინა - 3 დეკემბერს, ინფორმაციის გავრცელების შემდეგ,  Brent-ის ტიპის ნავთობი 1,2%-ით, 48,8 ბარელამდე გაძვირდა. წყაროების ინფორმაციით, შეხვედრის დროს...

4 დეკემბერი - რეგიონში ქართული ლარი გამყარდა, თურქული ლირა გაუფასურდა

4 დეკემბერი - რეგიონში ქართული ლარი გამყარდა, თურქული ლირა გაუფასურდა
access_time2020-12-04 18:05:53
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 4 დეკემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3115 ლარი გახდა....


მსგავსი სიახლეები

up