დღის Top 10 საინტერესო ამბავი

დღის Top 10 საინტერესო ამბავი

access_time2020-08-26 22:00:35

დღის Top 10 საინტერესო ამბავი:

 

1.  პანდემიის პერიოდში საქართველოში შემოსული საერთაშორისო ამანათების რაოდენობამ 60%-ით იკლო

მსოფლიოში ონლაინ გაყიდვების მზარდი მაჩვენებლის მიუხედავად, გლობალურმა პანდემიამ ისევე, როგორც სხვა სექტორზე საერთაშორისო ამანათებზეც მოახდინა გავლენა. თუმცა ამ ეტაპზე საქართველოში ამანათების გადამზიდავ კომპანიებს წინა წელთან შედარებით გზავნილებზე მოთხოვნის პროცენტული სხვაობის დასახელება უჭირთ.

 

2. ზედმეტი ბიუროკრატია რომელიც ბანკებზეა მორგებული - საბავშვო ანაბარს სასამართლო გააკონტროლებს

არასრულწლოვნის ანაბარზე არსებული თანხის განკარგვის შესაძლებლობა მშობელს მხოლოდ სასამართლოს თანხმობის შემთხვევაში ექნება. შესაბამისი ცვლილება სამოქალაქო კოდექსში უკვე შევიდა და ის 1-ელი სექტემბრიდან ამოქმედდება. ცვლილება არამხოლოდ ანაბარს, არამედ არასრულწლოვნის საკუთრებაში არსებულ უძრავ-მოძრავ ქონებასაც ეხება.

 

3. სკოლები და კინოთეატრები 15 სექტემბრიდან, საბავშვო ბაღები და თეატრები კი 1-ელი ოქტომბრიდან გაიხსნება - გიორგი გახარია

საქართველოს პრემიერ-მინისტრ, გიორგი გახარიას ინფორმაციით, სკოლები 15 სექტემბრიდან, ბაგა-ბაღები კი 1-ელი ოქტომბრიდან გაიხსნება. ამასთან, როგორც პრემიერ-მინისტრი სოციალურ ქსელში წერს, 15 სექტემბრიდან განაახლებენ მუშაობას თეატრებიც. გარდა ამისა, მთავრობის მეთაურის ინფორმაციით, 2 სექტემბრიდან დაგეგმილია დაბა მესტიის და ლენჯერის გახსნა.

 

4. ახალ სამყაროს მივიღებთ სადაც არ იქნება რესტორნები, ოფისები და კინოთეატრები - ოლეგ ოსინოვსკი


Tbilisi Hills Golf & Residences -ს მთავარი ინვესტორი ოლეგ ოსინოვსკი საკუთარ სოციალურ ქსელში ინტერვიუს აქვეყნებს, სადაც ქვეყანაში პანდემიით გამოწვეული კრიზისის დაძლევაში ბიზნესის როლზე საუბრობს. 

 

5. საქართველოში საწვავის ფასი 40 თეთრამდე გაიზარდა

მიმდინარე წელს ნავთობის ფასი არაერთგვაროვნად იცვლებოდა. წლის დასაწყისში არსებული მაღალი ფასები შემდეგ შეიცვალა ბოლო წლების რეკორდულად ყველაზე დაბალი ფასებით, რაც პირდაპირ კავშირში იყო COVID-19-ის პანდემიასთან, ვინაიდან მსოფლიოში ნავთობის ყოველდღიური მოხმარება შემცირდა სხვადასხვა კომპეტენტური შეფასებებით საშუალოდ 12-14 მილიონი ბარელით/დღე-ღამეში. ამის შესახებ ინფორმაციას ნავთობპროდუქტების იმპორტიორთა კავშირი ავრცელებს.

 

6. სებასტიან მოლინეუსი: საქართველოში ბიზნესგარემო გაცილებით ხელსაყრელია, ვიდრე ბევრ სხვა ქვეყანაში

საქართველოში ბიზნესგარემო გაცილებით ხელსაყრელია, ვიდრე ბევრ სხვა ქვეყანაში, - განაცხადა მსოფლიო ბანკის რეგიონულმა დირექტორმა სამხრეთ კავკასიაში სებასტიან მოლინეუსმა მსოფლიო ბანკის საწარმოთა კვლევის შედეგების შეფასებისას.

 

7. ქართულ ბიზნესს ფინანსები არ ჰყოფნის - მსოფლიო ბანკის კვლევის შედეგები

მსოფლიო ბანკის ჯგუფმა და მისმა პარტნიორებმა (EBRD, EIB, DFID), საწარმოთა კვლევის შედეგები გამოაქვეყნეს. კვლევის მიხედვით, საქართველოს პოზიცია არაერთი მიმართულებით გაუმჯობესებულია, მათ შორის ქრთამის აღების შემთხვევების რაოდენობით საქართველო 144 ქვეყანას შორის 10 საუკეთესოს შორის მოხვდა.

 

8. საქართველო ჩართულია მოლაპარაკებებში Covid-19-ის ვაქცინის მისაღებად – ამირან გამყრელიძე

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველო ჩართულია მოლაპარაკებებში Covid-19-ის ვაქცინის მისაღებად.

 

9. თურქეთში გაზის საბადოების აღმოჩენა წინასაარჩევნო პიარია?!

პრეზიდენტი ერდოღანი შეჰპირდა ქვეყანას, რომ ძალიან სასიხარულო ინფორმაციას მიაწვდიდა. აღმოჩნდა, რომ, თურმე, შავ ზღვაში 320 მლრდ. კუბური მეტრის მოცულობის გაზის საბადო იქნა აღმოჩენილი. რა თქმა უნდა, ეს კარგია, თუმცა, არის კი ეს ნამდვილად სასიხარულო სიახლე? — ეს მოვლენა დეტალურად რომ გავაანალიზოთ, მალე მივხვდებით, რომ უკეთეს შემთხვევაში ეს მხოლოდ ეკონომიკური იმედია, უარესში კი - ჩვეულებრივი პიარი.

 

10. Handelsblatt: დასავლეთმა ნავალნის მოწამლვას სანქციებით უნდა უპასუხოს

რუსული ოპოზიციის ლიდერის მკვლელობის მცდელობამ მიზანდასახული პასუხი უნდა მიიღოს, როგორც მინიმუმ „ჩრდილოეთ ნაკადი-2“ არ უნდა ამუშავდეს. ეს რა სახელმწიფოს მეთაურია, რომელმაც საკუთარი ცოლი ავარიის შემდეგ გერმანიაში სამკურნალოდ გერმანული ბანკის ხარჯზე აგზავნის და ამავე დროს საკუთარ ქვეშევრდომებს უფლებას აძლევს ოპოზიციის მოწამლული ლიდერი ქვეყნიდან რაც შეიძლება დიდხანს არ გამოუშვან? — აქ საუბარია ერთის მხრივ პუტინის მეუღლე ლიუდმილაზე, მეორეს მხრივ კი - ოპოზიციონერ-პოლიტიკოსზე ალექსეი ნავალნიზე.


თეგები:
top 10



ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up