დღის Top 10 საინტერესო ამბავი:

1.მოხდებოდა თუ არა ტრაგედია შატილის გზაზე, რომ არა სამთავრობო სტრუქტურების გულგრილობა?!

„შეზღუდული ხილვადობის, რთული რელიეფური და მეტეოროლოგიური პირობების მიუხედავად, სამაშველო და ძებნითი სამუშაოები ამ დრომდე, უსაფრთხოების ყველა ნორმის დაცვით, უწყევტ რეჟიმში გრძელდება,“ - ვკითხულობთ შსს-ს მიერ 23 აგვისტოს გავრცელებულ განცხადებაში შატილის ავტოკატასტროფასთან დაკავშირებით, რომელსაც 17 ადამიანის სიცოცხლე შეეწირა.

2.ტელევიზიების სარეკლამო შემოსავალი 20 მილიონი ლარით შემცირდა

კომუნიკაციების კომისიამ 2020 წლის მეორე კვარტალში სატელევიზიო სარეკლამო შემოსავლები გამოაქვეყნა. კომისიის ინფორმაციის თანახმად, 2020 წლის მეორე კვარტალში ტელემაუწყებლების სარეკლამო შემოსავლებმა 12.2 მილიონი ლარი შეადგინა, რაც 2019 წლის მეორე კვარტალის შემოსავლებთან შედარებით 20 მილიონი ლარით შემცირებულია.

3.ყვარელში 4 მილიონი ლარის ინვესტიციით „ღვინის სოფელი“ შენდება

ყვარელის მუნიციპალიტეტში, ვენახებით გარშემორტყმულ სივრცეში „ღვინის სოფლის“ მშენებლობა მიმდინარეობს.

4.2021 წლიდან მომხმარებელს მობილურ მომსახურებას ვირტუალური ოპერატორები გაუწევენ

ხელმისაწვდომი ფასები, მრავალფერონავი არჩევანი, მომსახურების მაღალი ხარისხი და კონკურენტული გარემო - კომუნიკაციების კომისიის გადაწყვეტილებით, ამ სიკეთეებს მომხმარებელი 2021 წლიდან მობილური კომუნიკაციების ბაზარზე ვირტუალური ოპერატორების შემოსვლით მიიღებს.

5.საქართველოში ყველაზე დიდი უეკლო მაყვლის ბაღი იყიდება - რატომ გადაწყვიტა მეპატრონემ ბიზნესის გასხვისება

საქართველოში ყველაზე დიდი უეკლო მაყვლის ბაღი იყიდება. საუბარია, 12 ჰექტარზე გაშენებულ, სამმაგი გვირგვინის მაყვლის ბაღზე, რომლის 2 ჰექტარზე სხვადასხვა ჯიშის ხეხილიცაა გაშენებული.

6.კომერციული ბანკების მიერ გაცემული სესხების მოცულობა ივლისში 694.04 მლნ ლარით გაიზარდა

კომერციული ბანკების მიერ გაცემული სესხების მოცულობა (ბანკთაშორისი სესხების გარდა), 2020 წლის ივლისში, წინა თვესთან შედარებით 694.04 მლნ ლარით (2.05%-ით) გაიზარდა (გაცვლითი კურსის ეფექტის გარეშე, 0.72%-ით გაიზარდა) და მიმდინარე წლის პირველი აგვისტოსათვის 34.49 მლრდ ლარი შეადგინა.

7.2020 წლის ყველაზე წარუმატებელი სლოგანის სტატუსი KFC-ს ერგო

„ისეთი გემრიელია თითებს ჩაიკვნეტ“ – 2020 წლის ყველაზე წარუმატებელი სლოგანის ტიტული KFC-ის ერგო.

8. Le Temps - ბელორუსიაში რევოლუციის უკან Telegram დგას

ბელორუსიის პრეზიდენტის ალექსანდრ ლუკაშენკოს წინაამღდეგ საზოგადოებრივი მობილიზაციის უკან თითქმის უცნობ ბლოგერთა ჯგუფი დგას, რომელიც მოსახლეობაში საპროტესტო მუხტს ზრდის და აქციების კოორდინაციასაც ახორციელებს.

9.კომპანია „ჩირჩხელა“ პროდუქციის ამერიკაში გატანას გეგმავს

ხილისა და ბოსტნეულის ჩირების მწარმოებელი ქართული კომპანია „ჩირჩხელა“ პროდუქციის ამერიკაში გატანას გეგმავს.

10.რუსეთის ახალი ფინანსური არასტაბილურობა - ნავალნის მოწამლვა, ბელორუსია და რუბლის კურსი

20 აგვისტოს ქალაქ ომსკის საავადმყოფოში მძიმე მდგომარეობაში მყოფი რუსი ოპოზიციონერი ალექსეი ნავალნი შემოიყვანეს, რომელიც თვითმფრინავში ცუდად გახდა. მისი თანამოაზრეები დარწმუნებულები არიან, რომ ის მოწამლეს.