დღის TOP 10 საინტერესო ამბავი

1. რა საფრთხეს უქმნის შიდა ვალის ზრდა საქართველოს ეკონომიკას

სპეციალისტების შეფასებით,  შიდა ვალის აღებით ქვეყნის ეკონომიკა მნიშვნელოვნად ზარალდება და ფინანსური სექტორის მდგრდობას საფრთხეს უქმნის. პირველი, რის გამოც შიდა ვალის ზრდა საშიშად მიიჩნევა, მაღალი საპროცენტო განაკვეთია. კერძოდ, თუკი საგარეო ვალის ფასი 1,48-2%-ის ფარგლებშია, შიდა ვალის შემთხვევაში მინიმალური საპროცენტო განაკვეთი 9%-ს შეადგენს.

2. კვერცხის ქართველმა მწარმოებლებმა იმპორტი, შესაძლოა, მთლიანად ჩაანაცვლონ

საქართველოში კვერცხის იმპორტი თითქმის შეჩერებულია. წინა წელთან შედარებით, იმპორტირებული კვერცხის წილი ქართულ ბაზარზე 10%-იც აღარ არის. მიუხედავად იმისა, რომ 5-7%-ის ფარგლებში იკლო წარმოებამაც, აშკარად გამოჩნდა, რომ ქართველ მწარმოებლებს აქვთ რესურსი, კვერცხზე ადგილობრივი ბაზრის მოთხოვნა 100%-ით დააკმაყოფილონ და ექსპორტზეც გავიდნენ.

3.ქუთაისის აეროპორტში სარეკლამო მომსახურების ექსკლუზიური მფლობელი 19 ნოემბერს გამოვლინდება

საქართველოს აეროპორტების გაერთიანება ქუთაისის საერთაშორისო აეროპორტში და მის ტერიტორიაზე სარეკლამო მომსახურების მიზნით ექსკლუზიური უფლების გადაცემით აუქციონს აცხადებს.

4. ჯანდაცვის სამინისტრო აცხადებს, რომ ანტივაქსერული კამპანიის გასანეიტრალებლად 1.7 მილიონი ლარი დახარჯა

საქართველოში ვაქცინაციის პროცესი განვითარებულ ქვეყნებთან შედარებით თითქმის 3 თვის დაგვიანებით 15 მარტს დაიწყო. მძლავრი ანტივაქსერული განწყობებისა და არასაკმარისი კამპანიის გამო პროცესი თითქმის ჩავარდა.

5. ანასეულის ჩაის“ წარმოება 40%-ით შემცირდა

ოფიციალურად დადასტურებული მზარდი ექსპორტის ფონზე ჩაის მწარმოებლები საპირისპირო ტენდენციაზე საუბრობენ. შპს ,,ანასეულის ექსპერიმენტალური ჩაის ფაბრიკაში“ პანდემიური პროცესის გავლენას მძიმედ მიიჩნევენ და აცხადებენ, რომ შემცირდა როგორც ჩვეულებრივი, ასევე ბიო ჩაის წარმოება.

6.გალერია თბილისი: მწვანე ბარათების ამოქმედებას დავემორჩილებით და აღვასრულებთ

„თუ მთავრობა მიიღებს “მწვანე ბარათების“ ამოქმედების გადაწყვეტილებას, ბუნებრივია, დავემორჩილებით და აღვასრულებთ,” - ასე ეხმაურება „გალერია თბილისის“ ადმინისტრაცია ქვეყანაში არსებული ეპიდემიოლოგიური მდგომარეობის შედეგად, “მწვანე ბარათების“ შესაძლო ამოქმედებასთან დაკავშირებით.

7. ნავთობპროდუქტების ექსპორტი 1 თვეში 100%-ით გაიზარდა - როგორ შეიცვალა მარაგების მოცულობა

საქართველოს სტატისტიკის ეროვნულმა სამსახურმა თვეების მიხედვით ნავთობისა და ნავთობპროდუქტების მიწოდების სტატისტიკა გამოაქვეყნა.

8. როგორ შეცვალეს უმდიდრესმა ადამიანებმა პლანეტა

პლანეტის უმდიდრესი ადამიანის - ილონ მასკი ქონება ბოლო 3 კვირაში $100 მლრდ-ით გაიზარდა და $300 მლრდ-ს გადააჭარბა, რამაც Tesla-სა და SpaceX-ის დამფუძნებელი კაცობრიობის ისტორიაში, ყველა დროის უმდიდრეს ადამიანად აქცია

9.Bild:მოსკოვმა ევროპაში გაზის მიწოდება შეამცირა

ვლადიმერ პუტინის სახელმწიფო კონცერნმა „გაზპრომმა“ ბოლო დღეებში ევროპაში გაზის მიწოდება მკვეთრად შეამცირა. 

10. Le Figaro: ჩინეთი - მსოფლიოს პირველი ეკონომიკა?

შეერთებული შტატები მსოფლიოში მოწინავე ეკონომიკად რჩება და მას ნელ-ნელა ჩინეტი ეწევა, თუმცა მსყიდველობითი უნარის პარიტეტის მიხედვით ჩინეთი უკვე პირველ ადგილზეა.