დღის TOP 10 საინტერესო ამბავი:

 1. ბათუმში საცხოვრებელი კორპუსი ჩამოინგრა

ბათუმში, 26 მაისის ქუჩაზე 5–სართულიანი საცხოვრებელი კორპუსის ერთი სადარბაზო ჩამოინგრა. ადგილზე სამაშველო ბრიგადები მუშაობენ.

2. ბანკების მიერ დასაკუთრებული ქონების 77.7% „თიბისი“ და „საქართველოს ბანკზე“ მოდის

საქართველოს ეროვნულმა ბანკმა კომერციული ბანკების 2021 წლის მეორე კვარტლის ფინანსური მაჩვენებლები გამოაქვეყნა. მონაცემების მიხედვით, საქართველოში მოქმედი კომერციული ბანკების ანგარიშზე ჯამში 255,501,871 ლარის ღირებულების უძრავი და მოძრავი ქონებაა დასაკუთრებული.

 3.  ირან-აზერბაიჯანის სახიფათო სამხედრო „თამაშები“ – საფრთხე საქართველოსთვისაც

ყარაბაღის მეორე დიდი ომიდან 1 წლის შემდეგ სიტუაცია სამხრეთ კავკასიაში ისევ დაიძაბა. ყურადღების ცენტრში ახლა ირან-აზერბაიჯანის საზღვარია, სადაც სომხეთი, თურქეთი, რუსეთი და ისრაელი ასევე დაინტერესებულ მხარეებს წარმოადგენენ. გეოგრაფიული მდებარეობის გათვალისწინებით, რისკები საქართველოშიც იზრდება.

4. ციფრული ,,სავსე ხურჯინი“ კახურ საოჯახო ნობათს საქართველოში, ლონდონსა და აშშ–ში ყიდის

,,სავსე ხურჯინი“ ონლაინ მაღაზიაა, რომელიც ნატურალური, ქართული პროდუქციის მოყვარულებს საოჯახო ნობათს კახეთიდან მთელი საქართველოს მასშტაბით აწვდის. პროდუქციის გაგზავნა შესაძლებელია საზღვარგარეთაც - ლონდონსა და ამერიკის ნებისმიერ შტატში, ასევე ევროპის ზოგიერთ ქვეყანაში.

5. Galt & Taggart–მა 2021 წლის ეკონომიკური ზრდის პროგნოზი 9.5%-მდე ასწია

Galt & Taggart 2021 წლის ეკონომიკური ზრდის პროგნოზს 9.5%-მდე ზრდის. აღსანიშნავია, რომ ეს ემთხვევა საქართველოს მთავრობის განახლებულ პროგნოზს. როგორც ორგანიზაციის მიერ გამოქვეყნებულ მიმოხილვაში წერია, Galt & Taggart თვეების წინ ეკონომიკის 8.6%-იან ზრდას პროგნოზირებდა.

6. სემეკი: ელექტროენერგიის ტარიფი არ იზრდება

არსებული გარემოებებიდან გამომდინარე, დღეისათვის არ არსებობს ელექტროენერგიის ტარიფების არსებითი ცვლილების საფუძველი, რაც იმას ნიშნავს, რომ უახლოეს პერიოდში ელექტროენერგიის სამომხმარებლო ტარიფის მატება არ იგეგმება.

7. თბილისში საშუალო ხელფასი ზოგიერთ რეგიონთან შედარებით 105-130 პროცენტით მაღალია

დაქირავებით დასაქმებულთა საშუალო ყოველთვიური ნომინალური ხელფასი 5.4%-ით (62 ლარით) 1191 ლარამდე გაიზარდა. თბილისში ხელფასი ქვეყნის საშუალოსთან შედარებით 17%-ით მაღალია, ზოგიერთ რეგიონთან შედარებით კი 105-130 პროცენტით. 

8.  ,,უთიხესი“ (UTIKHESI) – კერამიკული ნაკეთობები და მასტერკლასი გამოცდილი კერამიკოსისგან

,,უთიხესი“ ქართული ბრენდია, რომელიც სულ ახლახან შეიქმნა და მალევე მიიქცია კერამიკის მოყვარული საზოგადოების ყურადღება. თუკი თიხა ადამიანში სიძველესთან ასოცირდება,  კერამიკოსმა ტატა რობიტაშვილმა შეძლო,  დიზაინში თანამედროვე ხასიათი შეეტანა და საკუთარი კერამიკული სტილი ჩამოეყალიბებინა.

9. ირლანდია „საგადასახადო თავშესაფრის“ ფუნქციაზე უარს ამბობს

ირლანდია საერთაშორისო კომპანიებს გადასახადს 15%–მდე უზრდის – Apple და Google იქ შტაბ–ბინებს ხსნიდნენ დაბალი განაკვეთის გამო. მოქმედი განაკვეთი ერთ–ერთი ყველაზე დაბალია მსოფლიოში და 12,5%–ს შეადგენს.

10.  HSC: თუ დროზე არ გაიხსნა სათხილამურო ინფრასტრუქტურა, სეზონს ზამთრის კურორტები ცარიელი შეხვდება

ზაფხულის სეზონის დასრულებასთან ერთად ქვეყანაში ტურისტულმა ნაკადებმა იკლო. სასტუმროების მენეჯმენტის კომპანიის HSC Group-ის ინფორმაციით, გარკვეულწილად ეს ქვეყანაში არსებულ შეზღუდვებსაც უკავშირდება. სექტორს ზამთრის ტურისტულ სეზონთან დაკავშირებით იმედიანი განწყობა აქვს, მიზეზი ზამთრის კურორტებზე სასტუმროებში უკვე არსებული ჯავშნებია.