დღის TOP 10 საინტერესო ამბავი:
1. საქართველოში უმსხვილესი ამერიკული ბიზნეს სერვისების კომპანია Concentrix შემოვიდა
სააგენტოს „აწარმოე საქართველოში“ ინვესტიციების მიმართულების მხარდაჭერით, საქართველოში უმსხვილესმა ამერიკულმა ბიზნეს სერვისების კომპანია Concentrix-მა დაიწყო ოპერირება. Concentrix ამერიკული ბიზნეს მომსახურების კომპანიაა, რომელიც მომხმარებლის ჩართულობაზეა ორიენტირებული.
2. რესტორნები 23:00 საათამდე იმუშავებენ, შეზღუდვები იხსნება კონცერტებსა და ფესტივალებზეც
6 ოქტომბრიდან კვების ობიექტები მუშაობას 23:00 საათამდე შეძლებენ. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა გიორგი ღიბრაძემ საკოორდინაციო საბჭოს სხდომის დასრულების შემდეგ განაცხადა.
3. საჯარო სექტორში დასაქმებულების შენახვაში ყოველწლიურად 2 მილიარდ ლარზე მეტს ვხარჯავთ
საქართველოს საჯარო სექტორში დასაქმების და მათი შრომის ანაზღაურების ხარჯის ზრდა ვერც პანდემიამ შეაჩერა. იმის ნაცვლად, რომ ბიუჯეტის ფული დიდწილად ინფრასტრუქტურის ან რეალური სექტორის განვითარებისთვის იხარჯებოდეს, მთავრობა სამინისტროებში დასაქმებულებისთვის წინასაარჩევნოდ მიცემულ პირობას ასრულებს და მათი ხელფასის ზრდას გეგმავს.
4. Facebook-მა შეფერხების შემდეგ $50 მლრდ დაკარგა
Facebook-ის 6 საათიანი შეფერხების შემდეგ, მისმა დამფუძნებელმა მარკ ცუკერბერგმა $6 მლრდ, თავად კომპანიამ კი $50 მლრდ დაკარგა. უნდა აღინიშნოს, რომ ეს ყველაზე დიდი ვარდნა არაა.
5. ლარში განთავსებულ დეპოზიტებზე 9,5%–ით მეტი სარგებელი ირიცხება, ვიდრე დოლარის ანაბარზე
ადგილობრივ და უცხოურ ვალუტაში განთავსებული დეპოზიტების საპროცენტო განაკვეთებს შორის განსხვავება აგვისტოში კიდევ გაიზარდა და მორიგი რეკორდულად მაღალი, 9.5% შეადგინა.
6. ბანკებთან აფილირებული სადაზღვევოების მოზიდული პრემია ჯამურად სექტორის 40%-ს აჭარბებს
2021 წლის 30 ივნისის მდგომარეობით, საქართველოს სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 448,6 მილიონი ლარი შეადგინა, მათ შორის ბანკების საკუთრებაში არსებული სადაზღვევო კომპანიების მიერ მოზიდული პრემია თითქმის 180 მლნ. ლარს უტოლდება.
7. შპს „მარაბდა-კარწახის რკინიგზა“ „კომერსანტის“ სტატიის თემაზე განმარტებას აკეთებს და ზარალის მიზეზებს ხსნის
შპს „მარაბდა-კარწახის რკინიგზამ“ განმარტებითი განცხადებით მიმაკრთა „კომერსანტის“ რედაქციას კვირას გამოქვეყნებულ სტატიასთან დაკავშირებით – „მარაბდა-კარწახის რკინიგზა“ 383 მლნ. ლარის ზარალზეა, - რატომ?“. სტატიის ავტორი საქართველოს ფინანსთა სამინისტროსა და „საქართველის სატრანსპორტო დერეფნის კვლევის ცენტრის“ ანგარიშებს დაეყრდნო.
8. საქართველოში ბენზინის 2-3 კვირის მარაგი დარჩა – მოსალოდნელია საწვავის გაძვირება
მსოფლიო ბაზარზე ნავთობის ფასი ზრდას განაგრძობს. Brent-ის მარკის ნავთობის დეკემბრის ფიუჩერსულმა ფასმა ბარელზე $81-ს, ხოლო ამერიკული მსუბუქი ნავთობის ნოემბრის ფიუჩერსულმა ფასმა $77-ს გადააჭარბა. საქართველოში საწვავის საცალო ქსელში ფასები ჯერჯერობით ძველ ნიშნულზე ნარჩუნდება, მაგრამ გაძვირება უკვე თითქმის გარდაუვალია.
9. გაზპრომმა „ჩრდილოეთის ნაკადი 2“–ის პირველი მილის შევსება დაიწყო
რუსულმა გაზპრომმა ბუნებრივი გაზით პოლიტიკურად დატვირთული „ჩრდილოეთის ნაკადი 2“–ის პირველი მილის შევსება დაიწყო. ამის შესახებ ინფორმაციას პროექტის ოპერატორი ავრცელებს.
10. Rosbalt: აფხაზეთი - უსარგებლო და მძიმე ტვირთი რუსეთის კისერზე
აფხაზეთის ე.წ. პრეზიდენტი ასლან ბჟანია ძალიან მხიარული კაცია – ამბობს, რომ მას უყვარს ურთიერთობა ადამიანებთან, რომლებსაც კარგი იუმორის გრძნობა აქვთ. ჟურნალისტები ამ კატეგორიაში არ შედიან, თუმცა, მათთვის პასუხების გაცემა მაინც უწევს - მათ შორის სახელმწიფოებრივი მნიშვნელობის საკითხებზე. რამდენიმე დღის წინ ბჟანიამ პრეს-კონფერენცია გამართა, რომელზეც ყველაფერთან ერთად, ეკონომიკურ გეგმებზეც ისაუბრა.
საინტერესო ამბები
