დღის TOP 10 საინტერესო ამბავი:
1. მიხეილ სააკაშვილი ბათუმიდან ვიდეომიმართვას ავრცელებს
საქართველოს მესამე პრეზიდენტმა მიხეილ სააკაშვილმა საქართველოში ჩამოსვლის შესახებ სოციალურ ქსელში გამოქვეყნებული ინფორმაციის შემდეგ ბათუმიდან ვიდეომიმართვას ავრცელებს, რომელშიც მოსახლეობას არჩევნებზე მისვლისა და ნაცმოძრაობისთვის ხმის მიცემისკენ მოუწოდებს.
2. ეკონომიკა რეკორდულად იზრდება, ოღონდ რეკორდული ვარდნის შემდეგ
პრემიერ-მინისტრმა ირაკლი ღარიბაშვილმა 28 სექტემბერს იმედის ეთერში განაცხადა, რომ 2007 წლის შემდეგ პირველად, საქართველოში ეკონომიკის ორნიშნა ზრდა დაფიქსირდა. პრემიერი მართალია, თუმცა ისიც სიმართლეა, რომ 2020 წელს მშპ 6.2%-ით შემცირდა - ყველაზე მეტად 1994 წლის შემდეგ.
3. რუსეთი ვაშლის იმპორტის აკრძალვას გეგმავს – გადაწყვეტილება კატასტროფული იქნება ქართველი ფერმერებისთვის
რუსეთის არასაიმედო სავაჭრო პარტნიორობა სხვადასხვა ფორმით საკმაოდ ხშირად დასტურდება. ვაშლის იმპორტის მოსალოდნელი შეზღუდვა ან აკრძალვა რუსეთში, როგორც ქართველი ექსპორტიორები აცხადებენ, სერიოზულ პრობლემას შექმნის და ფასების კლებას გამოიწვევს.
4.თუ სააკაშვილის სცენარი განვითარდება, საქართველოს ეკონომიკა დიდი ხნით წინ ვერ წავა, ყველა ჩაიქნევს ჩვენზე ხელს - ირაკლი იაშვილი
„არმგონია, რომ ის აქ იყოს, ეს ამომრჩევლის მობილიზებისთვისაა გაკეთებული. თუ სააკაშვილის სცენარი განვითარდება, საქართველოს ეკონომიკა დიდი ხნით წინ ვერ წავა, ყველა ჩაიქნევს ჩვენზე ხელს. ეს ნაბიჯი არ იქნება წინ ცივილიზაცისკენ, ეს იქნება უკან ჯოჯოხეთისკენ“, - ამის შესახებ „კომერსანტს“ „ისთ გეით ჯგუფის“ სამეთვალყურეო საბჭოს თავმჯდომარე ირაკლი იაშვილმა, საქართველოს მესამე პრეზიდენტის მიხეილ სააკაშვილის ბათუმში ჩამოსვლის ფაქტის შეფასებისას განუცხადა.
5. ბანკებისთვის არაპროფილური აქტივების ჩამორთმევა ეკონომიკის განვითარებას და კრედიტის გაიაფებას გამოიწვევს - ფინანსისტი
ეროვნულმა ბანკმა საქართველოში მოქმედი კომერციული ბანკებისთვის არაპროფილური საქმიანობის აკრძალვის გადაწყვეტილება ჯერ კიდევ 2014 წლის აგვისტოში მიიღო. მაშინ ბანკებს არაპროფილურ აქტივებზე უარის სათქმელად ვადა 2015 წლის 31 დეკემბრამდე მიეცათ.
6. კვერცხის წარმოებაში კრიზისია – რას ითხოვენ მთავრობისგან „პატარძეული“ და „პასტერი“
გლობალურ ბაზრებზე ფასების ზრდა, მაღალი გადასახადები და წარმოებაში არსებული პრობლემა - ეს ის მიზეზებია, რასაც ქათმის კვერცხის მწარმოებლები პროდუქტის გაძვირების მთავარ ფაქტორებად მიიჩნევენ. ტენდენცია ბოლო წლინახევრის განმავლობაში გრძელდება. საწარმოებში საბითუმო ფასი 35-45 თეთრის ფარგლებშია, ხოლო დახლებზე კვერცხი 50-65 თეთრად იყიდება.
7. შეცვლის თუ არა არჩევნების შედეგს სააკაშვილის ჩამოსვლის ჭორ-მართალი – ბიზნესმენების კომენტარები
ექს-პრეზიდენტის მიხეილ სააკაშვილის საქართველოში დაბრუნების შესახებ გავრცელებულმა ინფორმაციამ ბიზნესმენთა წრეში დაბნეულობა გამოიწვია. ნაწილს სჯერა, რომ სააკაშვილი საქართველოშია, ნაწილიც - მორიგ პროვოკაციად მიიჩნევს. ალბათ, ჭორ-მართალი მალე გაირკვევა, თუმცა, ბიზნესმენების აზრით, როგორიც არ უნდა იყოს იგი, არჩევნების შედეგზე გარკვეულ დონეზე ასახვას მოახდენს.
8. გაზის გლობალური კრიზისი საქართველოს ვერ შეეხება
ევროპის ქვეყნებსა და ჩინეთში ბუნებრივი გაზის კრიზისი მწვავდება, რაც შესაძლოა, სხვა იმპორტიორ ქვეყნებზე გადამდები აღმოჩნდეს, რადგან ბოლო ათწლეულების განმავლობაში პირველად გლობალურ ენერგომომარაგებას სერიოზული საფრთხე დაემუქრა. კრიზისისგან დამცავ გზებს ეძებეს უამრავი ქვეყანა, მათ შორის, საქართველო, რადგან კრიზისი, პირდაპირ თუ ირიბად, შეიძლება ჩვენც შეგვეხოს.
9.ბიზნეს სექტორის ბრუნვა გაიზარდა, გამოშვებული პროდუქციის მაჩვენებელი - შემცირდა
ბიზნეს სექტორის ბრუნვის მოცულობა 2020 წელს, გასული წლის შესაბამის პერიოდთან შედარებით 4.9 პროცენტით გაიზარდა და 114.3 მილიარდი ლარი შეადგინა .
10. „ხელისუფლების რეაქცია არ არის,ის, რასაც საზოგადოება ელოდება“ - სალომე ზურაბიშვილი
საქართველოს პრეზიდენტის, სალომე ზურაბიშვილის განცხადებით, ახლა ქვეყანას ყველაზე მეტად სჭირდება სიმშვიდე, რათა ხვალ, 2 ოქტომბერს საქართველოში არჩევნები ღია, სამართლიან და თავისუფალ გარემოში ჩატარდეს.
საინტერესო ამბები
