დღის Top 10 საინტერესო ამბავი

დღის Top 10 საინტერესო ამბავი

access_time2020-08-19 21:30:30

დღის Top 10 საინტერესო ამბავი:

 

  1. ახალი რეგულაციის გადავადებას 9 სამედიცინო დაწესებულება ითხოვს - რას გულისხმობს 149-ე დადგენილება

 

ჯანდაცვის მინისტრის ეკატერინე ტიკარაძის მიერ დაგეგმილი კიდევ ერთი რეგულაცია სამედიცინო სფეროს წარმომადგენლების კრიტიკის საგანი გახდა და მის გადავადებას  მოითხოვენ. საუბარია საქართველოს მთავრობის N149-ე დადგენილებაზე, რომელიც სტაციონარულ კლინიკებში მიმდინარე წლის დეკემბრამდე, ინფრასტრუქტურისა და ტექნიკური ბაზის განახლებას გულისხმობს და რომელიც კლინიკებს მძიმე ფინანსურ ტვირთად აწვება. 


 2. საზღვრები არჩევნებამდე არ გაიხსნება - მაია სიდამონიძე

 

„ყველა ვხვდებით, რომ საზღვრები არჩევნებამდე არ გაიხსნება“, - ამის შესახებ „კომერსანტს“ ტურიზმის ეროვნული ადმინისტრაციის ყოფილმა ხელმძღვანელმა მაია სიდამონიძემ საქართველოში რეგულარული ფრენების დაშვების უკვე მეექვსედ, 1-ელ ოქტომბრამდე გადავადებაზე საუბრისას განუცხადა.


 3. ავტომობილები, სამკურნალო საშუალებები, ფეროშენადნობები - საქონელი რომელთა ექსპორტი მკვეთრად შემცირდა

 

2020 წლის იანვარ-ივლისში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 6 030.6 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 17.6 პროცენტით ნაკლებია. აქედან ექსპორტი 1 758.5 მლნ. აშშ დოლარს შეადგენს (16.8 პროცენტით ნაკლებია), ხოლო იმპორტი 4 272.1 მლნ. აშშ დოლარს (17.9 პროცენტით ნაკლებია).


 4. 2020 წლის II კვარტალში საქართველოში უმუშევრობის დონე 0.9 პროცენტით გაიზარდა  

 

2020 წლის II კვარტალში საქართველოში უმუშევრობის დონე წინა წლის შესაბამის პერიოდთან შედარებით 0.9 პროცენტული პუნქტით გაიზარდა და 12.3% შეადგინა.


2020 წლის II კვარტალში ეკონომიკურად აქტიურმა მოსახლეობამ შრომისუნარიანი ასაკის მოსახლეობის (15 წლის და უფროსი ასაკის მოსახლეობა) 63.7% შეადგინა.

 

 5. ქართული ანბანით მოხატული ჭურჭელი პანდემიის დროს ამერიკასა და კანადაში გაიყიდა - რა პოტენციალი აქვს საქართველოში არტ-ბიზნესებს?


ჭურჭლის მწარმოებელი კომპანია საინის პროდუქცია პანდემიის პერიოდში ამერიკასა და კანადაში ექსპორტზე გავიდა. როგორც „კომერსანტთან“  „საინის“ თანადამფუძნებელმა და დირექტორმა ნინო სლეპჩენკომ აღნიშნა, მიუხედავად იმისა რომ პანდემიის პერიოდში  შოურუმის დროებით დახურვა მოუწიათ და გაყიდვები შეუმცირდათ, პანდემიამ თავისი დადებითი შედეგებიც მოუტანა კომპანიას და ონლაინ-კომერციაზე უფრო სწრაფად გადავიდნენ.


 6. „ტერაბანკის“ ზარალი სესხების შესაძლო დანაკარგებიდან თითქმის 12-ჯერ გაიზარდა

 

ბანკების ფინანსური ანგარიშგებების 2020 წლის II კვარტლის მონაცემების მიხედვით, „ტერაბანკის“ ზარალი სესხების შესაძლო დანაკარგების მიხედვით წინა წლის ანალოგიურ პერიოდთან შედარებით თითქმის 12-ჯერ გაიზარდა. აღსანიშნავია, რომ მიმდინარე წლის 6 თვეში ეს მონაცემი 30,264,667 ლარი იყო, ხოლო 2019 წლის შესაბამის პერიოდში 2,552,009 ლარი.


 7.  ჩაანაცვლებს თუ არა Hyundai-ის მიკროავტობუსები თბილისის სამარშუტო ტაქსებს

 

შესყიდვების სააგენტოს ვებ-გვერდზე განთავსებული ინფორმაციის მიხედვით, თბილისის სატრანსპორტო კომპანიის მიერ 300 ლურჯი მიკროავტობუსის შესყიდვაზე გამოცხადებულ ტენდერში განაცხადი „ჰიუნდაი ავტო საქართველომ“ გააკეთა. შეთავაზებული წინადადების მიხედვით  შესყიდვის თანხა 30 მლნ ლარია.


 8.  პოსტპანდემიური ეკონომიკა - ვინ იგებს და ვინ აგებს?

 

დღევანდელ საყოველთაო ეკონომიკური ვარდნა წარმოუდგენელი იყო 2008 წელსაც კი იმის მიუხედავად, რომ ის კრიზისი ძალიან მძიმე იყო. 

2020 წელს სხვადასხვა ქვეყნებს მიერ დაფიქსირებულ ეკონომიკურ ვარდნას ანალოგები არ გააჩნია,.საფრანგეთში 2020 წლის მე-2 კვარტალში ეკონომიკა პირველ კვარტალთან შედარებით 13,8%-ით დაეცა. ვარდნა ყველაფერს შეეხო - მოხმარებას, ინვესტიციებს, ექსპორტს, წარმოებას, მომსახურებას.


 9.  Die Zeit: აშშ მეგობრებისა და მოკავშირეების წრეს ამცირებს    

 

აშშ-ს „სანქციომანია“ ყოველთვის პრობლემას წარმოადგენდა.  60-წლიანი სანქციები კუბის მიმართ საბოლოო ჯამში არაეფექტური აღმოჩნდა,  „ჩრდილოეთ ნაკადი-2“-თან მიმართებაში აშშ სიტუაციას მხოლოდ აუარესებს. რუსული გაზის იმპორტი გერმანიაში ამერიკას და გერმანიას შორის კამათის საგანი ჯერ კიდევ 1970 წლებში იყო, როდესაც კანცლერმა ვილი ბრანდტმა მოსკოვთან ენერგეტიკულ პარტნიორობას საფუძველი ჩაუყარა.


 10. 7 უცხოური კომპოზიცია, რომელშიც ქართული მუსიკის ელემენტებია გამოყენებული

      მსოფლიოს სხვადასხვა ქვეყანაში მოღვაწე არტისტების შემოქმედებაში ჩვენი მუსიკალური მემკვიდრეობის კვალის აღმოჩენა ყოველთვის ძალზე საინტერესო და დამაინტრიგებელია. ჩვენს სტატიაში სწორედ უცხოელი შემსრულებლების მიერ საკუთარ ნამუშევრებში ქართული ჩანაწერებისა თუ ფოლკლორული მოტივების გამოყენების შვიდ გამორჩეულ შემთხვევას წარმოგიდგენთ.


თეგები:
top 10



ლარი ყველა ძირითად საერთაშორისო და რეგიონულ ვალუტასთან გაუფასურდა

ლარი ყველა ძირითად საერთაშორისო და რეგიონულ ვალუტასთან გაუფასურდა
access_time2021-07-27 18:00:21
27 ივლისის ვაჭრობის შედეგად ლარი აშშ დოლართან მიმართებაში 0.64 თეთრით 3.0892-მდე გაუფასურდა. Bloomberg-ის პლატფორმაზე კი დღის ბოლოს 3.0930-იანი კურსი დაფიქსირდა. დოლარის მსგავსად ლარი ყველა სხვა ძირითად საერთაშორისო და რეგიონულ ვალუტასთან გაუფასურდა. კერძოდ: ევროსთან 0.38 თეთრით - 3.6409-მდე, ბრიტანულ ფუნტთან 0.67 თეთრით 4.2588-მდე, თურქულ ლირასთან 0.02 თეთრით 0.3604-მდე, აზერბაიჯანულ მანათთან 0.52 თეთრით 1.8159-მდე, 100 რუსულ რუბლთან 2.74 თეთრით 4.1895-მდე, 1000 სომხურ...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-27 21:00:12
დღის TOP 10 მნიშვნელოვანი ამბავი:   1. მასობრივი ვაქცინაციის ცენტრები კვირის ბოლომდე მომზადდება იმუნიზაციის პროცესის შეუფერხებლად და კიდევ უფრო სწრაფი ტემპებით წარმართვის მიზნით, მასობრივი ვაქცინაციის ცენტრები მიმდინარე კვირის ბოლომდე უნდა მომზადდეს.   2. რა ღირს ყველაზე ძვირი...

ისრაელის პარლამენტმა გადადო საქართველოს „წითელ სიაში“ შეყვანა

ისრაელის პარლამენტმა გადადო საქართველოს „წითელ სიაში“ შეყვანა
access_time2021-07-27 17:00:45
ქნესეთის (ისრაელის პარლამენტი) იურიდიულ და საკონსტიტუციო საკითხთა კომიტეტმა იმ ქვეყნებს ჩამონათვალის გაფართოების შესახებ კენჭისყრა გადადო, რომელში მოგზაურობაც, წითელის ზონის სტატუსის გამო, ისრაელის მოქალაქეებს შეეზღუდებოდათ პარასკევიდან. საუბარია დიდ ბრიტანეთზე, კვიპროსზე, თურქეთსა და საქართველოზე. კომიტეტეტის თავმჯდომარემ გიდალ კარივმა ისრაელის ხელისუფლებას იზოლაციის წესების აღსრულებასთან დაკავშირებით, აგრეთვე სპეციალური ნებართვის მისაღებად მოქმედი ზომების ეფექტიანობის...

აფბა: დღეს ქვეყანაში საწვავის გაიაფების ყველა წინაპირობა არსებობს

აფბა: დღეს ქვეყანაში საწვავის გაიაფების ყველა წინაპირობა არსებობს
access_time2021-07-27 12:45:13
“ახალგაზრდა ფინანსისტთა და ბიზნესმენთა ასოციაცია“ – აფბა, საწვავის ბაზარზე არსებულ მდგომარეობას აფასებს და აცხადებს, რომ დღეს როგორც საერთაშორისო ბაზარზე ფასწარმოქმნაზე მოქმედი, ასევე ადგილობრივი პარამეტრები იძლევა იმის საშუალებას, რომ საქართველოში დაიწყოს საწვავის გაიაფება.   აფბას განცხადებას უცვლელად გთავაზობთ:   „როგორც საზოგადოებისთვის ცნობილია, მიმდინარე წელს საწვავის ფასი საქართველოში განუხრელად იზრდება. მან ისტორიაში პირველად, გადალახა ყველა...

10-ჯერ მაღალი საპროცენტო სარგებლის მიუხედავად, დეპოზიტების ლარიზაციის მაჩვენებელი 25%-ზე ნაკლებია

10-ჯერ მაღალი საპროცენტო სარგებლის მიუხედავად, დეპოზიტების ლარიზაციის მაჩვენებელი 25%-ზე ნაკლებია
access_time2021-07-27 16:00:19
ბანკებში ფიზიკური პირების დეპოზიტების ლარიზაციის მაჩვენებელი 25%-ზე ნაკლებია. მიუხედავად იმისა, რომ ლარში განთავსებულ ანაბარს თითქმის 10-ჯერ მეტი საპროცენტო სარგებელი ერიცხება და 6 თვეში 5%-ით გამყარდა, ეროვნული ვალუტის მიმართ ნდობა კვლავ დაბალია. მიმდინარე წლის პირველ 6 თვეში ლარში განთავსებული ანაბრის მთლიანი მოცულობა (ფიზიკური და იურიდიული პირები) 1.047 მლრდ-ით 13.903 მლრდ-მდე გაიზარდა, უცხოურ ვალუტაში კი 235 მლნ-ით 21.385 მლრდ-მდე შემცირდა, რისი მთავარი მიზეზიც ლარის...


მსგავსი სიახლეები

up