დღის TOP 10 საინტერესო ამბავი:
1. ბიზნესის ბრუნვის 77.5% თბილისზე მოდის
მეორე კვარტალში, გასული წლის ანალოგიურ პერიოდთან შედარებით, ბიზნესსექტორის ბრუნვა 57%-ით 35 მლრდ ლარამდე გაიზარდა, ორი კვარტლის ჯამში კი 32%-ით 63.9 მლრდ-მდე. მთლიანი ბრუნვის 3/4-ზე მეტი თბილისზე მოდის.
2. მედიკამენტების გაიაფებაზე პრემიერის დაპირება წინასაარჩევნოდ ვერ შესრულდება
წინასაარჩევნოდ მმართველი პარტია წამლებს ვერ გააიაფებს, მაგრამ შეუძლია საკანონმდებლო ინიციატივა შეიმუშაონ, რაც ფარმაცევტულ ბაზარზე რეგულირების მექანიზმს გააძლიერებს.
3. მერია ვარკეთილში მულტიფუნქციური სპორტული ცენტრის მშენებლობას 13 მილიონით დააფინანსებს
180-ე საჯარო სკოლასთან სპორტულ კომპლექსს 18 828 კვ.მ ფართობი დაეთმობა. როგორც „კომერსანტმა“ გაარკვია, ტერიტორიაზე მხოლოდ ერთი, ორსართულიანი შენობა განთავსდება.
4. ბათუმში მშენებლობების ნებართვების გაცემა შეიძლება შეიზღუდოს
ვიდრე ქალაქის განაშენიანების გენერალური გეგმის კვლევითი სამუშაოები არ დასრულდება, შესაძლოა ბათუმში მშენებლობების ნებართვების გაცემა შეიზღუდოს.
5. ბაქო–თბილისი–ჯეიჰანის მილსადენში დამატებით 1 მლნ ტონა თურქმენული ნავთობი გაივლის
თურქეთმა, აზერბაიჯანმა და თურქმენეთმა ხელი მოაწერეს შეთანხმებას, რომლის თანახმად 2021 წლის ოქტომბრიდან ბაქო–თბილისი–ჯეიჰანის ნავთობსადენზე ყოველწლიურად 1 მლნ ტონა თურქმენული ნავთობი გაივლის.
6. საქართველოში უალკოჰოლო ღვინის წარმოებას დაიწყებენ
ღვინის კატეგორიებს დაემატება ახალი – „დეალკოჰოლიზებული ღვინო“, რომლის წარმოებისთვისაც დაშვებული იქნება შესაბამისი ტექნიკა, აღიარებული ვაზისა და ღვინის საერთაშორისო ორგანიზაციის მიერ.
7. სურსათზე მსოფლიო ფასები 60–წლიან მაქსიმუმზეა
გაეროს სურსათისა და სოფლის მეურნეობის ორგანიზაციის ინფორმაციით, ინფლაციაზე მორგებული ყოველწლიური ფასები უკვე უფრო მაღალია, ვიდრე გასული ექვსი ათწლეულის თითქმის ნებისმიერ დროს იყო. სურსათის გლობალური ფასები აგვისტოში, წინა წელთან შედარებით, 33%-ით გაიზარდა.
8. „შთაგონება4“ – ილონ მასკის კოსმოსური ტურისტები დედამიწაზე დაბრუნდნენ
არაპროფესიონალ ასტრონავტთა ოთხეული, რომლებიც კომპანიის SpaceX კოსმოსურ ხომალდზე „შთაგონება4“ მისიის ეკიპაჟს შეადგენდნენ, დედამიწის ორბიტაზე 3 დღე–ღამე გაატარეს და კვირას ღამით (თბილისის დროით) წარმატებით დაეშვნენ ატლანტის ოკეანის ფლორიდის სანაპიროსთან.
9. როგორი იქნება ხელოვნური კუნძული ბათუმში – ფოტოები
„ექსკლუზიურად მინდა გაგანდოთ ერთი სიახლე – უკვე შევთანხმდით კონკრეტულ საინვესტიციო ჯგუფთან, რომ ბათუმში აშენდება პალმის მსგავსი ხელოვნური კუნძული“.
10. Forbes: სპილენძის დეფიციტი ალტერნატიული ენერგეტიკის განვითარებას შეაფერხებს
ბოლო თვეებში გლობალური ბაზარზე თითქმის ყველა ნედლეული გაძვირდა - თუ ნავთობის ფასი ზომიერად გაიზარდა, ეკონომიკისთვის მნიშვნელოვანი ლითონების ღირებულება რეკორდებს ხსნის.