- საქმე ფასების დამახინჯებასთან გვაქვს და საარსებო მინიმუმი რეალურად არ ასახავს დღევანდელ მდგომარეობას - ნიკა შენგელია
სტატისტიკის ეროვნული სამსახურის ინფორმაციით საქართველოში საარსებო მინიმუმის ოდენობა კიდევ შემცირდა.
საქსტატის მონაცემებზე დაყრდნობით, 2020 წლის ივლისში, ამავე წლის ივნისთან შედარებით, საშუალო მომხმარებლის საარსებო მინიმუმი 2.7 ლარით შემცირდა და 162.6 ლარს შეადგენს.
2. ვასილ მაღლაფერიძემ საქართველოს პირველი არხის გენერალური დირექტორის თანამდებობა დატოვა
საქართველოს პირველი არხის გენერალურმა დირექტორმა, ვასილ მაღლაფერიძემ თანამდებობა დატოვა. ვასილ მაღლაფერიძემ შესაბამისი განცხადებით უკვე მიმართა საქართველოს პირველი არხის სამეურვეო საბჭოს წევრებს.
3. „კრედო ბანკის“ მიერ დასაკუთრებული უძრავ-მოძრავი ქონება თითქმის 5-ჯერ გაიზარდა
ბანკების ფინანსური ანგარიშგებების 2020 წლის II კვარტლის მონაცემების მიხედვით, „კრედო ბანკის“ მიერ დასაკუთრებული უძრავი და მოძრავი ქონება თითქმის 5-ჯერ გაიზარდა. აღნიშნული მაჩვენებელი მიმდინარე წლის 6 თვეში 1,390,992 ლარს, ხოლო 2019 წლის შესაბამის პერიოდში 315,380 ლარს შეადგენდა.
4. „საპარტნიორო ფონდი“ - მთავრობის წარუმატებელი პროექტი
მთავრობამ „საპარტნიორო ფონდისთვის“ კიდევ ვერ მოიცალა. ზარალიანი ფონდის რეფორმაზე საუბარი ჯერ კიდევ ირაკლი ღარიბაშვილის პრემიერ-მინისტრობის დროს დაიწყო, თუმცა დღემდე არ განხორციელებულა.
5. რეფორმის შედეგად, საქართველოს დღგ-ის სისტემა სავაჭრო ურთიერთობებს გაამარტივებს - მამუკა ბარათაშვილი
დამატებული ღირებულების გადასახადის რეფორმით გათვალისწინებული საკანონმდებლო ცვლილებები, რომლებიც ევროკავშირთან ასოცირების შესახებ შეთანხმებით ნაკისრი ვალდებულებების ფარგლებში მომზადდა, საქართველოში 2021 წლიდან ამოქმედდება. კონკრეტულად რა ცვლილებებს გულისხმობს დამატებული ღირებულების გადასახადის რეფორმა, რამ განაპირობა მისი საჭიროება და როგორია მოლოდინი რეფორმის შედეგებთან დაკავშირებით, ამ საკითხებზე „ინტერპრესნიუსს შემოსავლების სამსახურის უფროსის მოადგილე, მამუკა ბარათაშვილი ესაუბრა.
6. „შიკრიკი„ - ცხენოსანი კურიერები მალე რეგიონებშიც გამოჩნდებიან
„შიკრიკი“ ქართული საკურიერო მომსახურეობის კომპანიაა, რომელიც მომხმარებლებს ტრადიციულ სკუტერებით და მანქანებით მომსახურეობასთან ერთად, პროდუქტის ცხენით მიტანასაც სთავაზობს მომხმარებელს.
7. ქართული ბრენდი Bros Eyewear-ი სექტემბერში ქალის საათების კოლექციას წარადგენს
სათვალეების ქართული ბრენდი Bros Eyewear-ი სექტემბრიდან ქალების საათების ხაზს გამოუშვებს. კომპანიის თანადამფუძნებელი ირაკლი გამთენაძე „კომერსანტთან“ პანდემიის გავლენაზე საუბრობს და აღნიშნავს, რომ ამ პერიოდში გაყიდვებმა 70%-ით იკლო.
8. როგორ გამოიყურება საქართველო FlightRadar-ის მსოფლიო რუკაზე
არცერთი თვითმფრინავი საქართველოს თავზე - ასე გამოიყურება Flightradar-ის სატელიტიდან საქართველო, რომელმაც რეგულარული ფრენების აღდგენა 1 ოქტომბრამდე გადაავადა. სხვა ქვეყნების აქტიური საავიაციო დინამიკის ფონზე, საქართველოში არსებულმა სიტუაციამ სოციალური ქსელის მომხმარებლებში აღშფოთება გამოიწვია.
9. The Telegraph: მოსკოვის აქტიურობა ევროკავშირს მინსკის წინააღმდეგ სანქციების შემოღებაში ხელს უშლის
ბელორუსიაში საპრეზიდენტო არჩევნების შემდეგ, ძალადობის უპრეცედენტო მასშტაბი წესით ევროკავშირის მხრიდან მისი ხელმძღვანელების მიმართ მკაცრი სანქციების შემოღების მიზეზი უნდა გამხდარიყო.
თუმცა, ბრიუსელი ხისტ ქმედებებზე გადასვლას არ ჩქარობს.
10. ჩინური წარმოების ვაქცინა ბაზარზე დეკემბერში გამოჩნდება და $150 ეღირება
ჩინური ფარმაცევტული კორპორაცია Sinopharm-ის ვაქცინა ბაზარზე მიმდინარე წლის დეკემბერში, 150 დოლარად იქნება ხელმისაწვდომი, - ამის შესახებ კორპორაციის მმართველთა საბჭოს თავმჯდომარემ ლუ ცზიჩჟენმა განაცხადა.