დღის TOP 10 საინტერესო ამბავი:
1. გაუსაძლისი საცხოვრებელი პირობები და შემცირებული ანაზღაურება - რა წერია გერმანიასთან შრომითი მიგრაციის შესახებ შეთანხმებაში
გაუსაძლისი საცხოვრებელი პირობები და შემცირებული ანაზღაურება - სახელმწიფო პროგრამით გერმანიაში დასაქმებული ქართველების ერთი ჯგუფი უმძიმეს სამუშაო პირობებში აღმოჩნდნენ. პრობლემის მოგვარებაში საქართველოს და გერმანიის დასაქმების სააგენტოები ჩაერთვნენ, თუმცა ერთი თვის შემდეგაც ეს ადამიანები, მუშაობას და ცხოვრებას შეუსაბამო პირობებში აგრძელებენ .
2. მამუკა ხაზარაძის შემდეგ ყველაზე მდიდარი ბანკირი ვახტანგ ბუცხრიკიძე გახდა
საქართველოში მოქმედმა ორმა უმსხვილესმა კომერციულმა ბანკმა 2020 წელს მენეჯმენტზე ჯამურად დაახლოებით 47 მლნ ლარი დახარჯა.
3. წისქვილი ჯგუფმა ვაკეში ბაზარი გახსნა
„წისქვილი ჯგუფი“ რითეილ სექტორში შევიდა და ბიზნესის დივერსიფიცირება გადაწყვიტა. კომპანიამ, რომელიც დღეს რამდენიმე რესტორანს აერთიანებს, ძველი თბილისის თემატიკით ვაკეში პირველი „ბაზარი“ გახსნა.
4. თიბისი კაპიტალი: 2022 წელს ტურიზმიდან მიღებული შემოსავალი პანდემიამდელ მაჩვენებელს გაუსწრებს
ტურიზმიდან მიღებული შემოსავალი 2021 წელს 2019 წლის მაჩვენებლის 40%-ს მიაღწევს, 2022 წელს კი 10%-ით გადააჭარბებს - ოპტიმისტურ პროგნოზს თიბისი კაპიტალი აქვეყნებს. სულ რამდენიმე თვის წინ მიჩნეული იყო, რომ სექტორი პანდემიამდელ მაჩვენებელს 2025 წლამდე ვერ დაუბრუნდებოდა.
5. ქართულ პეკანს ევროკავშირსა და ჩინეთში გაყიდიან
თხილის გადამამუშავებელმა ქართულმა კომპანიამ „ჯორჯიან პროდაქტს რენესანსი“ თავის წარმოებაში პეკანის ხაზიც ჩართო. კომპანია ამ პროდუქტის ევროკავშირისა და ჩინეთის ბაზრებზე გატანას მიმდინარე წლიდან დაიწყებს.
6. ბანკებმა იანვარ–აპრილში 584 მლნ ლარის მოგება ნახეს
კომერციული ნაბკები წელს სოლიდურ მოგებაზე გავლენ - ასეთი პროგნოზი ეროვნული ბანკის ფინანსური სტაბილურობის კომიტეტის დღევანდელ სხდომაზე გაკეთდა.
7. რა ფაქტორები ამყარებს ლარს?
„საზოგადოება და ბანკების“ ერთ–ერთი დამფუძნებელი გიორგი კეპულაძე ორგანიზაციის ვებგვერდზე ლარის კურსის დინამიკასა და მისი ცვლილებების განმაპირობებელ ფაქტორებზე ბლოგს აქვეყნებს, რომელსაც „კომერსანტი“ უცვლელად გთავაზობთ..
8. ელექტროენერგიის მიმწოდებლის ცვლილება ტარიფს არ გაზრდის
სემეკი ივლისიდან საყოფაცხოვრებო მომხმარებლებისთვის ელექტროენერგიის მიმწოდებლის ცვლილებასთან დაკავშირებით განცხადებას ავრცელებს და ტარიფების შესაძლო ცვლილებას კატეგორიულად უარყოფს.
9. Forbes: Alibaba-ს დამფუძნებელი ფერწერამ და ქველმოქმედებამ გაიტაცა
ჩინელი მილიარდერი, ინტერნეტ-გიგანტ Alibaba-ს დამფუძნებელი ჯეიკ მა ამჟამად ძირითადად ფერწერით და ქველმოქმედებითაა დაკავებული - განაცხადა CNBC-სთვის მიცემულ ინტერვიუში კომპანიის ვიცე-პრეზიდენტმა ჯო ცაიმ. ამის შესახებ ავტორიტეტული გამოცემა Forbes წერს.
10. ოკუპირებული აფხაზეთიდან მანქანების კონტრაბანდამ ყირგიზეთი წალეკა
იაპონური მარჯვენასაჭიანი ავტომობილები აფხაზური ნომრებით ყირგიზეთის მთავრობისთვის სერიოზულ პრობლემად იქცა. მთავრობამ უკანონოდ შესული მანქანების საჯარიმო სადგომზე გადაყვანა დააპირა, თუმცა, ავტომფლობელების მიერ მთავრობის სასახლესთან მოწყობილმა საპროტესტო აქციამ ხელისუფლებას დათმობაზე წასვლა აიძულა. ამის შესახებ გამოცემა azattyk.org წერს.