დღის Top-10 საინტერესო ამბავი

1.არაეფექტური ხარჯები და სხვა დარღვევები თბილისის მეტროში-აუდიტის დასკვნა 

სახელმწიფო აუდიტის სამსახურის მიერ მომზადებული დასკვნით ირკვევა, რომ  სატრანსპორტო კომპანიამ დაარღვია ხელშეკრულებების პირობა და სამშენებლო თვალსაზრისით, მნიშვნელოვანი ობიექტების- მეტროსადგურების  რეაბილიტაციის სამუშაოების საპროექტო-სახარჯთაღრიცხვო დოკუმენტაცია არასრული საექსპერტო შეფასებით ჩაიბარა.

2.„სასაცილოა ეროვნული ბანკის მიერ იმ დარგის რეგულირება,რომელიც არ არსებობს“ – „სალიზინგო კომპანიების ასოციაცია“ კანონპროექტს აფასებს

საქართველოს ეროვნული ბანკის შესახებ კანონში ცვლილებები იგეგმება, რაც მის ფუნქციებს კიდევ უფრო მეტად გაზრდის. „სალიზინგო კომპანიების ასოციაციის“ თავმჯდომარე აიეტი კუკავა მიიჩნევს, რომ ისედაც არარსებული დარგის რეგულირება, სალიზინგო სფეროს სულ ჩაძირავს. მისი აზრით, მთავრობა რეგულირების ნაცვლად ამ დარგის წინ წამოწევით უნდა იყოს დაკავებული.

3.ამერიკული Trammo ბათუმის პორტში $20 მლნ-ის ინვესტირებას გეგმავს

პროექტი აზიიდან მიღებულ პროდუქციას ბათუმის პორტის გავლით ევროპულ ბაზართან დააკავშირებს.დეტალები პარლამენტის თავმჯდომარე არჩილ თალაკვაძემ აშშ-ში, ნიუ იორკში ამერიკული კორპორაცია Trammo-ს აღმასრულებელ დირექტორსა და მმართველი საბჭოს წევრებთან შეხვედრაზე განიხილა.

4.საქართველოში ბანკების მიერ დასაკუთრებული ქონება 70 462 819 ლარით გაიზარდა

საქართველოს ეროვნულმა ბანკმა კომერციული ბანკების 2019 წლის მეოთხე კვარტლის ფინანსური მაჩვენებლები გამოაქვეყნა. მონაცემების მიხედვით, საქართველოში მოქმედი კომერციული ბანკების ანგარიშზე ჯამში 220 049 010 ლარის ღირებულების უძრავი და მოძრავი ქონებაა დასაკუთრებული.

5.რუსეთი საქართველოსთან ავიამიმოსვლის აღდგენის პირობებს ასახელებს

რუსეთსა და საქართველოს შორის ავიამიმოსვლის განახლებაზე საუბარი შესაძლებელი იქნება მხოლოდ აუცილებელი პირობების შექმნის შემდეგ - განუცხადა სააგენტო „რია ნოვოსტის“ რუსეთის საგარეო საქმეთა მინისტრის მოადგილემ, ანდრეი რუდენკომ. მან ასეთ პირობებად დაასახელა საქართველოში სიტუაციის სტაბილიზაცია, რუსოფობიური კამპანიის შეწყვეტა და რუსეთის მოქალაქეებისთვის ნებისმიერი საფრთხის გაქრობა

6. გიორგი კვირიკაშვილი: „გიგი უგულავას დაკავება არადემოკრატიულია“

ყოფილი პრემიერ-მინისტრი გიორგი კვირიკაშვილი გიგი უგულავას დაკავებასთან დაკავშირებით განცხადებას ავრცელებს. როგორც განცხადებაშია აღნიშნული, როცა არჩევნებამდე რამდენიმე თვე რჩება და ოპოზიციური ძალის ერთ-ერთი ლიდერის დაპატიმრება ხდება, ეს შეიძლება შეფასდეს, როგორც მართლმსაჯულების სისტემის პოლიტიკური მიზნით გამოყენებად.

7.Si, certo - ბადაგონი ამ სახელით ახალ რესტორანს გახსნის

„სი ჩერტო“ (Si, certo) - ამ სახელწოდებით თბილისში მერაბ კოსტავას 60 ნომერში „ბადაგონის“ ახალ რესტორანი გაიხსნება. ინფორმაციას კომპანია ბადაგონშიც ადასტურებენ, თუმცა ჯერჯერობით დეტალებზე საუბრისგან თავს იკავებენ. „კომერსანტის“ ინფორმაციით, ამ ნაბიჯით კომპანია რესტორნების მიმართულების ათვისებას აგრძელებს.

8.შემცირებული მოგება და დასაკუთრებული ქონება - როგორ შეიცვალა მიკროსაფინანსო ორგანიზაციების აქტივები

საქართველოს ეროვნული ბანკის მონაცემებით, ბოლო ერთ წელში მკვეთრად შემცირებულია მისო-ების წმინდა მოგება. კერძოდ, თუ წმინდა მოგება 2018 წლის მეოთხე კვარტალში 31 124 732 ლარს შეადგენდა, 2019 წლის ანალოგიურ პერიოდში 112 123 ლარი იყო.დასაკუთრებულi უძრავ-მოძრავ ქონება კი  7 736 318 ლარს შეადგენდა.

9.კორონავირუსი ეგვიპტისა და საქართველოს ბაზრებს გახსნის – რუსული მედია

www.tourprom.ru-ს ინფორმაციით,ჩინეთის ბაზრის ჩაკეტვის შემდეგ რუსულმა ტურისტულმა სააგენტოებმა დიდი ზარალი ნახეს და საჭიროა ახალი მიმართულებების გახსნა. “ახალ მიმართულებებად” ეგვიპტე და საქართველო მოიაზრება.

10. Le Monde: ვინ იმუშავებს მომავალში - ადამიანები თუ რობოტები?

ბოლო ათწლეულების მანძილზე ციფრული ტექნოლოგიების დანერგვამ ისეთი მასშტაბები მიიღო, რომ ადამიანებს გაუჩნდათ შიში - ხომ არ ჩაანაცვლებენ რობოტები მათ შრომას, და ხომ არ გაიზრდება ამის გამო უმუშევრობა? ვრცლად იხილეთ commersant.ge-ზე.