დღის Top 10 საინტერესო ამბავი

დღის Top 10 საინტერესო ამბავი

access_time2021-05-25 21:00:07

დღის Top 10 საინტერესო ამბავი:


1.ნორვეგია ჰესებისგან საქართველოსთან შედარებით 12-ჯერ, ისლანდია კი 18-ჯერ მეტ ელექტროენერგიას აწარმოებს

კვირას, 23 მაისს თბილისში ნამახვანჰესის მშენებლობის წინააღმდეგ დაგეგმილი აქცია გაიმართა, რის შემდეგაც ორგანიზატორებმა რესპულიკის მოედანზე კარვები გაშალეს. მათვე მთავრობას ულტიმატუმი წაუყენეს, მეორე დღის 12:00 სთ-მდე მოთხოვნების დაკმაყოფილება მოსთხოვეს და წინააღმდეგ შემთხვევაში დედაქალაქის პარალიზებით დაიმუქრნენ. ხალხმრავლობის მიუხედავად, ქუთაისის აქციებისგან განსხვავებით თბილისის მიტინგზე მხარდამჭერთა რაოდენობა აშკარად შემცირებული იყო. პარალიზება ვერ შედგა, მეორე დღეს იუსტიციის სახლთან გამართული აქცია, კიდევ უფრო მცირერიცხოვანი აღმოჩნდა. Commersant ამჯერად საქართველოზე უფრო მდიდარი ისეთი ქვეყნების შესახებ მოგითხრობთ სადაც ჰიდროგენერაციის წილი მაღალია.


2.პირველი ივნისიდან სახმელეთო საზღვრები იხსნება, რესტორნების დახურული სივრცეები კი შაბათ-კვირასაც იმუშავებენ

საზღვრის კვეთა შესაძლებელი იქნება სრული ვაქცინაციის დამადასტურებელი დოკუმენტით და პისიარ უარყოფითი ტესტის პასუხით. ძალაში რჩება შეზღუდვა ისეთი სოციალური ღონისძიებების გამართვასთან დაკავშირებით, რომელიც უკავშირდება, ქორწილს, ქელეხს, ბანკეტს თუ სხვა.


3.„ექსპო ჯორჯიას“ საგამოფენო სივრცეში „ასპრიას“ ახალი ფიტნეს ცენტრი გაიხსნება

ვაკის პარკთან მდებარე რესტორან „სენატის“ ყოფილ შენობაში, Aspria-ს ფიტნეს დარბაზის გახსნა გაუთვალისწინებელი ხარჯებისა და დაზიანებული ინფრასტრუქტურის გამო გადაიდო. ფილიალი 2021 წლის იანვარში უნდა გახსნილიყო. როგორც „კომერსანტს“ ასპრიას დირექტორი ოთარ თავყელიშვილი უყვება, ყოფილ რესტორან „სენატის“ ინფრასტრუქტურა სრულად მწყობრიდან იყო გამოსული, რის გამოც თავდაპირველად გათვალისწინებული ხარჯების მოცულობა ნახევარი მილიონი ლარით გაიზარდა.


4.ბანკების ექსპანსია სადაზღვევო სექტორში გრძელდება - ბანკებთან აფილირებული სადაზღვევო კომპანიების მიერ მოზიდული პრემია ჯამურად სექტორის 56%-ს აჭარბებს

2020 წლის 31 დეკემბრის მდგომარეობით, საქართველოს სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 667,3 მილიონი ლარი შეადგინა, მათ შორის საბანკო საკუთრებაში არსებული სადაზღვევო კომპანიების მიერ მოზიდულმა პრემია თითქმის 300 მლნ. ლარს უტოლდება.



5.249 მლნ-იანი ბრუნვით „ალტა“ ტექნიკის მაღაზიებში პირველ ადგილს ინარჩუნებს

პანდემიამდე საქართველოში ტექნიკის მსხვილი მაღაზიების ბრუნვა 0.5 მლრდ ლარს აჭაბებდა. შემოსავლის უდიდესი ნაწილი სამ კომპანიაზე: „ალტაზე,“ „ელიტ ელექტრონიქსსა“ და „ზუმერზე“ მოდიოდა. 2019 წელს 249 მლნ-იანი ამონაგებით პირველი ადგილი „ალტამ“ დაიკავა.


6.„წყალი მარგებლის“ ხელმძღვანელობასა და ქარხნის თანამშრომლებს შორის შეთანხმება შედგა

სს „წყალი მარგებლის“ ხელმძღვანელობასა და ქარხნის თანამშრომლებს შორის შეთანხმება შედგა. ქარხანა სრული დატვირთვით მუშაობს და პროდუქცია მომხმარებლებს შეუფერხებლად მიეწოდება. ამის შესახებ „კომერსანტს“ კომპანიაში განუცხადეს.


7.2020 წელს საქართველოში ოჯახების საშუალო შემოსავალი 6.4%-ით შემცირდა

2020 წელს შინამეურნეობების (ოჯახების) შემოსავალი წინა წელთან შედარებით 6.4%-ით შემცირდა. ამის შესახებ ინფორმაციას „საქსტატი“ აქვეყნებს. საქართველოში ოჯახებში საშუალოდ 3.4 ადამიანი ცხოვრობს, ოჯახების მიერ თვის განმავლობაში მიღებული საშუალო შემოსავალი კი 1,100 ლარი იყო, რაც 2019 წლის მაჩვენებელთან შედარებით 75 ლარით ნაკლებია. შესაბამისად, ერთი ადამიანის საშუალო თვიურმა შემოსავალმა 321.4 ლარი შეადგინა, რაც 2019 წელთან შედარებით 14.7 ლარით ნაკლებია.


8.„ვერ დავიჯერებ, რომ ისეთი რეპუტაციის მქონე კომპანიას, როგორიცაა „ენკა“, მსხვილი პროექტის კვლევა არ აქვს გაკეთებული“

ეკონომიკის ყოფილი მინისტრის, გიორგი ქობულიას განცხადებით, „ნამახვანჰესთან“ დაკავშირებით გარემოს დაცვისა და უსაფრთხოების თვალსაზრისით აუდიტი უნდა იყოს გაკეთებული.


9.მიმდინარე წელს ქართულმა ბანკებმა უკვე 584 მილიონი ლარის მოგება მიიღეს

2021 წლის 4 თვეში საქართველოს საბანკო სისტემამ 584 მილიონი ლარის წმინდა მოგება მიიღო. ეროვნული ბანკისთვის წარდგენილი მონაცემებიდან ირკვევა, რომ იანვარ-აპრილში საბანკო სისტემის მომგებიანობა გაუმჯობესდა. ყველაზე მაღალი წმინდა მოგება კი აპრილში დაფიქსირდა.


10.რამდენად ხანგრძლივი იქნება ეკონომიკის პოსტპანდემიური ზრდა?

ბოლო პერიოდში აშკარაა, რომ ეკონომიკის პოსტპანდემიური ზრდა სრული სვლით მიმდინარეობს, ის ჯერ ჩინეთში, შემდეგ შტატებში და ბრიტანეთში, შემდეგ კი კონტინენტალურ ევროპაშიც დაიწყო. ამას სამხრეთ კორეის სტატისტიკა ადასტურებს, აღმოჩნდა, რომ ქვეყნის საგარეო ვაჭრობა კოლოსალური 40%-ით გაიზრდა. მართალია, ეს არც ისე მაღალი მაჩვენებელია 2020 წლის აპრილის სრული ვარდნის ფონზე, თუმცა, ის ადასტურებს, რომ გლობალური ვაჭრობა აქტიური აღდგენის პროცესშია.



თეგები:
Top 10



ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...

თემურ ჭყონია: ბიზნესი დღეს მეტს დაასაქმებდა, რომ არა კვალიფიციური კადრების დეფიციტი

თემურ ჭყონია: ბიზნესი დღეს მეტს დაასაქმებდა, რომ არა კვალიფიციური კადრების დეფიციტი
access_time2021-08-03 14:00:17
ბიზნესმენ თემურ ჭყონიას აზრით, საქართველოში ბიზნესს ახალი სამუშაო ადგილების შექმნის შესაძლებლობა ჯერჯერობით არ აქვს. გარდა იმისა, რომ ერთ-ერთი ხელისშემშლელი გარემოება პანდემიაა, ჭყონიას ინფორმაციით, დიდი დაბრკოლებაა კადრების დეფიციტი და რომ არა ეს პრობლემა, შრომის ბაზარზე შეიძლება სიტუაცია გაცილებით უკეთესი ყოფილიყო. ,,დღევანდელი ტექნოლოგიები და შრომის ბაზარზე არსებული მოცემულობა, განსაკუთრებით კადრებთან დაკავშირებით, არ შეესაბამება ბაზრის მოთხოვნებს.  მაღალი დონის...

„გრინ კაპიტალისა“ და საოპერაციო კომპანია „ფრონტერა ისტერნის“ ადვოკატი აშშ-ის ელჩს საქართველოს მთავრობასთან შუამდგომლობის თხოვნით მიმართავს

„გრინ კაპიტალისა“ და  საოპერაციო კომპანია „ფრონტერა ისტერნის“ ადვოკატი  აშშ-ის ელჩს საქართველოს მთავრობასთან შუამდგომლობის თხოვნით მიმართავს
access_time2021-08-03 12:55:26
„გრინ კაპიტალისა“ და  საოპერაციო კომპანია „ფრონტერა ისტერნის“ ადვოკატი გიორგი ქიშმარია  აშშ-ის ელჩს კელი დეგნანს საქართველოს მთავრობასთან შუამდგომლობის თხოვნით მიმართავს. ამის შესაძებ კომპანიის ვრცელ წერილშია ნათქვამი, რომელსაც „კომერსანტი“ უცვლელად გთავაზობთ:   „ამერიკის შეერთებული შტატების საელჩოს საქართველოში და მის აღმატებულებას  ქალბატონ კელი დეგნანს   ევროკავშირის წარმომადგენლობის ხელმძღვანელს საქართველოში მის აღმატებულებას ბატონ...

"კრედიტინფო საქართველო" რამდენიმე მილიონიან ახალ სისტემას სექტემბრიდან აამოქმედებს

access_time2021-08-03 11:55:40
„კრედიტინფო საქართველომ“ ბიუროს მდგრადობისა და სტაბილურობის მეტი გარანტიის უზრუნველსაყოფად რამდენიმე მილიონიანი ინვესტიცია ჩადო ახალი სისტემის დანერგვაში. „კრედიტინფო საქართველოს“ გენერალური დირექტორის ალექსანდრე გომიაშვილის თქმით, სისტემა სექტემბრიდან ამუშავდება. ამ და სხვა მნიშვნელოვან საკითხებზე სწორედ „კრედიტინფო საქართველოს“ გენერალურ დირექტორს ვესაუბრეთ: პანდემიამ მნიშვნელოვანი ბიძგი მისცა კომპანიებს თავიანთი სისტემების გასავითარებლად,...

ინფლაცია 10–წლიან მაქსიმუმზეა

ინფლაცია 10–წლიან მაქსიმუმზეა
access_time2021-08-03 11:30:49
ინფლაციის განაკვეთმა 2021 წლის ივლისში 11.9%-ს მიაღწია, რაც 2011 წლის მაისის შემდეგ ყველაზე მაღალი მაჩვენებელია. ორნიშნა პროცენტული მაჩვენებლითაა გაძვირებული როგორც საკვები, ასევე ჯანდაცვა. ამის შესახებ ინფორმაციას საქსტატი ავრცელებს. წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 14.1 პროცენტით, რაც წლიურ ინფლაციაზე 4.43...


მსგავსი სიახლეები

up