დღის TOP 10 საინტერესო ამბავი:
კარდიოლოგი ამბობს, რომ ჯანდაცვის მინისტრმა და ყოფილმა პრემიერმა იცოდნენ დადგენილი ტარიფების ფარგლებს ზევით პაციენტებისთვის თანხების მოთხოვნა ანუ ჰონორარის აღება რომ ხორციელდებოდა, რადგან მათ თავად დართეს კლინიკებს ამის უფლება, ამიტომ მისთვის გაუგებარია თუ რატომ წამოჭრა მინისტრმა ეს საკითხი ასეთი სახით.
„პანდემიის პერიოდში იახტების მყიდველთა რაოდენობა კიდევ უფრო გაიზარდა. მაგრამ, თუ დაწყებით ეტაპზე საუბარი იყო პატარა ზომის იახტებსა და კატერებზე, ახლა უკვე შესამჩნევია მოთხოვნა დიდი და საშუალო ზომის იახტებზე,“ - ამის შესახებ „კომერსანტს“ იახტების მშენებელი უმსხვილესი კომპანია Azimut-Benetti Group-ის წარმომადგენელმა საქართველოში, Azimut Georgia-ს დირექტორმა გიორგი ჩიკვაიძემ განუცხადა.
3.კოვიდ უსაფრთხო სასტუმროები, რესტორნები და კომპანიები - მთავრობის ტურიზმის აღდგენის გეგმა
„იმისათვის რომ მოვახდინოთ რაც შეიძლება სწრაფად ტურისტული ინდუსტრიის აღდგენა და მათი მარკეტინგული მხარდაჭერა მსოფლიოში, ეს შესაძლებელია ტურიზმის ინდუსტრიაში დასაქმებულთა სწრაფი ვაქცინაციის გზით,“— ამის შესახებ ეკონომიკისა და მდგრადი განვითარების მინისტრმა ნათია თურნავამ უწყებათშორისი საბჭოს სხდომის დასრულების შემდეგ განაცხადა.
4.აპრილში წლიური ინფლაცია 7.2%-მდე გაიზარდა
2021 წლის აპრილში წინა თვესთან შედარებით ინფლაციის დონემ საქართველოში 0.9 პროცენტი, ხოლო წლიური ინფლაციის დონემ 7.2 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2021 წლის აპრილში, გასული წლის შესაბამის პერიოდთან შედარებით 6.93 პროცენტი შეადგინა, თამბაქოს გარეშე წლიური საბაზო ინფლაციის მაჩვენებელი კი 6.87 პროცენტით განისაზღვრა. ამის შესახებ ინფორმაციას „საქსტატი“ აქვეყნებს.
5.ამირან გამყრელიძე „სინოფარმის“ ვაქცინით საჯაროდ აიცრა
დაავადებათა კონტროლის ეროვნული ცენტრის ხელმძღვანელი ამირან გამყრელიძე „სინოფარმის“ ვაქცინით საჯაროდ აიცრა. ამირან გამყრელიძემ ვაქცინა ნიკოლოზ ყიფშიძის სახელობის ცენტრალურ საუნივერსიტეტო კლინიკაში გაიკეთა.
6.წარმოებული ელექტროენერგიის 21%-ზე მეტი 11-მა კომპანიამ მოიხმარა
იურიდიული პირი, რომელიც წლიურად 180 მლნ კვტ/სთ-ს ან უფრო მეტ ელექტროენერგიას მოიხმარს, სავალდებულო წესით, ენერგოდისტრიბუტორების გვერდის ავლით პირდაპირ მომხმარებლად რეგისტრირდება. ნებაყოფლობითი რეგისტრაცია სხვა, შედარებით მცირე ზომის კომპანიებსაც შეუძლიათ. 2020 წელს 11-მა უმსხვილესმა კომპანიამ ჯამში 2.436 მლრდ კვტ/სთ ელექტროენერგია მოიხმარა, რაც ქვეყნის მთლიანი მოხმარების 20%-ზე ოდნავ მეტია და გენერაციის 21.8%-ს უტოლდება.
ტურიზმის სექტორში დასაქმებული ადამიანების ვაქცინაციის პროცესში ჩართვის შესაძლებლობას ბიზნესის ნაწილი მიესალმება. რესტორატორთა ასოციაციის დამფუძნებელი განმარტავს, რომ ეს გარემოება ქვეყანაში ტურისტებს მოიზიდავს.
8.$15 მლნ-იანი სასტუმრო GOLDEN TULIP-ი შემოდგომაზე გაიხსნება
თბილისში, ქეთევან წამებულის გამზირზე 4-ვარსკვლავიანი სასტუმრო Golden Tulip-ი მიმდინარე წლის შემოდგომაზე გაიხსნება.
9.„ივნისიდან პროდუქციაზე ფასის მატება გარდაუვალია“ - „კულა“
ამ დრომდე ფასების შენარჩუნება შიდა რესურსის ხარჯზე ხდება - ამის შესახებ საკონსერვო ქარხნის „კულას“ დირექტორმა განაცხადა. ვანო გოგლიძე ამბობს, რომ ივნისიდან პროდუქციაზე ფასის მატება გარდაუვალი იქნება.
10.New York times: ევროზონის ეკონომიკა წლის ბოლოსთვის 4%-ით გაიზრდება
ევროზონის ეკონომიკა 2021 წლის 3 თვეში 0,6%-ით შემცირდა, რაც ახალი რეცესიის საფრთხეს სულ უფრო და უფრო რეალურს ხდის. ამავე დროს, ანალოგიურ პერიოდში აშშ-ს ეკონომიკა 1,6%-ით გაიზარდა და ეს ატლანტიკის ორ მხარეზე შექმნილი ვითარების კონტრასტს ნათლად წარმოაჩენს
დღის TOP 10 საინტერესო ამბავი
