დღის TOP 10 საინტერესო ამბავი:

1. საქართველოს ეკონომიკა პირველ კვარტალში 4.2%-ით შემცირდა

წინასწარი შეფასებით, 2021 წლის მარტში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 4.0 პროცენტი შეადგინა, ხოლო I კვარტალის საშუალო რეალურმა კლებამ 4.2 პროცენტი შეადგინა. ამის შესახებ ინფორმაციას საქსტატი აქვეყნებს.

2. „ლაპის ლაზული“ - ახალი მარშრუტი აღმოსავლური ტვირთების ევროპისკენ საქართველოს გავლით

გურამ გურამიშვილი მოხსენებაში სატრანსპორტო დერეფნების და მარშრუტების განვითარებაზე საუბრობს და ყურადღებას „ლაპის ლაზულის“ მარშრუტსა და სპარსეთის ყურე - შავი ზღვის შეთანხმებაზე ამახვილებს. მისი თქმით, ახლა კოვიდის ჩავლას ელოდებიან, რათა გადაზიდვების ინტენსივობა მნიშვნელოვნად გაიზარდოს

3. „პაშა ბანკს“ ახალი გენერალური დირექტორი ჰყავს - ექსკლუზიური ინტერვიუ ნიკოლოზ შურღაიასთან

„პაშა ბანკ საქართველოს“ ახალი გენერალური დირექტორი ეყოლება. ნიკოლოზ შურღაია, წლებია საქართველოს და აზერბაიჯანის საბანკო სექტორში მოღვაწეობს, 2015-2016 წლებში ის „პაშა ბანკის“ სამეთვალყურეო საბჭოს წევრიც იყო.

4. როდესაც ქვეყანაში მოსახლეობის მხოლოდ 2%-ია აცრილი, შეზღუდვების მოხსნაზე საუბარი ვერ იქნება - თენგიზ ცერცვაძე

ინფექციური საავადმყოფოს დირექტორის თენგიზ ცერცვაძის განცხადებით, როდესაც ქვეყანაში მოსახლეობის 2%-ია აცრილი, შეზღუდვების მოხსნაზე საუბარი ვერ იქნება. ამასთანავე, მან აღნიშნა, რომ როდესაც ქვეყანაში მოსახლეობის 30% აიცრება, პირბადის ტარების მაჩვენებელი 90-95% იქნება და მთავრობა მაინც არ მოხსნის შეზღუდვებს, მაშინ შეუძლია მოსახლეობას, გააკრიტიკოს ხელისუფლება.

5. საქართველოს მოსახლეობის რიცხოვნობა გაიზარდა

“საქსტატის” მიერ გამოქვეყნებული სტატისტიკის მიხედვით, 2021 წლის იანვარში საქართველოს მოსახლეობის რიცხოვნობამ 3 728.6 ათასი კაცი შეადგინა, რაც წინა წლის შესაბამისი პერიოდის მაჩვენებელთან შედარებით 0.3 პროცენტით მეტია.

6. 500 მლნ-იანი განახლების გეგმიდან თითოეულ მუნიციპალიტეტს წლიურად საშუალოდ 2 მლნ ლარი შეხვდება

500 მლნ ლარი თუ რეგიონებზე თანაბრად გადანაწილდა საშუალოდ თითოეულს 8 მლნ ლარამდე შეხვდება. ამ თანხით სკვერის მოწყობა, რამდენიმე შენობის რეაბილიტაცია ან გზის დაგება ნამდვილად შეიძლება, მაგრამ ფუნდამენტურ ცვლილებებზე ლაპარაკი გადაჭარბებულია.

7. 2021 წლის სამთო-სათხილამურო სეზონი დასრულდა

სამთო-სათხილამურო კურორტებზე სეზონი კოვიდ პროტოკოლის ყველა წესის დაცვით 8 მარტს გაიხსნა, გუდაურის შემთხვევაში 25 აპრილამდე გაგრძელდა, დანარჩენ კურორტებზე კი ბუნებრივი კლიმატური პირობების გათვალისწინებით აპრილის შუა რიცხვებიდან ეტაპობრივად დაიხურა.

8. ასკილის სასმლის ქართული ბრენდი NADI ნატახტარში საწარმოს აშენებს

ორგანული ასკილის სასმელის მწარმოებელი ქართული ბრენდი NADI ნატახტარში საწარმოს აშენებს, რითაც წარმადობის 3-ჯერ გაზრდას ვარაუდობს.

9. მილიარდერი ენერგომაგნატების ათეულში 7 რუსეთის მოქალაქეა - Forbes-ის რეიტინგი

forbes -ის ენერგო/ნავთობ მაგნატების პირველ ათეულში 7 მილიარდერი რუსეთის მოქალაქეა. ენერგო ინდუსტრიის ხელმძღვანელებმა ქონება სხვადასხვა გზით დააგროვეს, როგორც აღმოჩდა, ნაწილმა კარიერა ერთი ჩვეულებრივი მუშის ვაკანტური ადგილის დაკავებით დაიწყო, ნაწილს კი მილიარდერობამდე გზა პოლიტიკურმა პოზიციებმა გაუხსნა.

 10. Credit Suisse-ი ბიძინა ივანიშვილს სასამართლოში უჩივის

“საქართველოს ყველაზე მდიდარი ადამიანი, მილიარდერი ბიძინა ივანიშვილი ლონდონის სასამართლოში შეტანილი Credit Suisse -ის სარჩელის მოპასუხე გახდა“ - ამის შესახებ რუსული forbes Bloomberg -ზე დაყრდობით წერს.