დღის Top 10 საინტერესო ამბავი:
1.დაგვიანებული რეაგირების გამო თბილისში 20 000-ზე მეტი ხე ვერ გადარჩა
პეკინის გამზირი, ჟვანიას მოედანი, ვაკის პარკი, იპოდრომის ყოფილი ტერიტორია, მთაწმინდის ფერდი - ეს იმ ადგილების მცირე ჩამონათვალია სადაც ზეხმელი და დაავადებული ხეები მოიჭრა. თბილისის მერიამ დედაქალაქის მასშტაბით ჯამში 20 000-ზე მეტი მცენარე მოჭრა. მაშინ, როცა ეკოლოგია მსოფლიოში ერთ-ერთი ყველაზე აქტუალური საკითხია, ბუნებრივი სიმდიდრის დაცვა საქართველოში ვერ მოხერხდა. მწვანე პოლიტიკა პრიორიტეტი მხოლოდ კახა კალაძის მერიისთვის აღმოჩნდა, თუმცა ფიჭვების გადარჩენა უკვე შეუძლებელია.
2.„ძვირადღირებული ავეჯი იყიდება, პრობლემა დაბალ საფასო სეგმენტშია“
პანდემიამ სხვა ბიზნესებთან ერთად მნიშვნელოვანი გავლენა ავეჯის მაღაზიებზეც იქონია, თუმცა სექტორის წარმომადგენლები „კომერსანტთან“ აღნიშნავენ, რომ მაღალ საფასო სეგმენტზე არსებულმა ვითარებამ უფრო ნაკლები გავლენა მოახდინა. ქართულ ბაზარზე წარმოდგენილი ავეჯის სახლები პანდემიის და ლარის გაუფასურების გამო იმპორტირებული პროდუქციის გაძვირებაზე აკეთებენ აქცენტს და ამბობენ, რომ ფასების გაძვირების მიზეზებს შორის მომატებული ლოგისტიკური ხარჯებიც არის.
3.იანვარ-მარტში ოკუპირებულმა აფხაზეთმა თბილისთან შედარებით 27%-ით მეტი ელექტროენერგია მოიხმარა
ოკუპირებულ აფხაზეთში 2021 წლის პირველ სამ თვეში ელექტროენერგიის მოხმარებამ 919 მლნ კვტ/სთ შეადგინა, რაც თბილისის მოხმარების მაჩვენებელს 27%-ით აღემატება. „უფასო დენის“ გამო ენგურის მეორე მხარე უკუნტროლო ხარჯვას ბოლო წლებში კრიპტომაინინგიც დაემატა.
4.შარლ მიშელი უკვე საქართველოშია
ევროპული საბჭოს პრეზიდენტი შარლ მიშელი უკვე საქართველოშია. ის შოთა რუსთაველის სახელობის თბილისის საერთაშორისო აეროპორტში ჩამოფრინდა. შარლ მიშელს აეროპორტში საგარეო საქმეთა მინისტრი დავით ზალკალიანი და საქართველოში ევროკავშირის ელჩი კარლ ჰარცელი დახვდნენ.
,,უნდა ვიცოდეთ, რომ როგორც კი გაუფასურდება ლარი, მოიმატებს ფასი პროდუქციაზე პროპორციულად. არ არსებობს ამის არანაირი ზედა ზღვარი“- ამის შესახებ ბიზნეს დისტრიბუტორთა ასოციაციის ხელმძღვანელმა განაცხადა.
6.სასტუმროების ფასების ინდექსი 2021 წლის მარტში თებერვალთან შედარებით 7.1%-ით გაიზარდა
საქართველოში სასტუმროების ფასების ინდექსი 2021 წლის მარტში თებერვალთან შედარებით, 7.1%-ით გაიზარდა, მათ შორის 3, 4 და 5 ვარსკვლავიანი სასტუმროების ფასების ინდექსი გაიზარდა 6.9%-ით, ხოლო საოჯახო ტიპის სასტუმროების ფასები 3.4%-ით. ამის შესახებ PMCG-ს კვლევაშია აღნიშნული.
7.„არამიზნობრივი დახმარებების დრო ახლა არ არის“ – როგორი სუბსიდირება იქნებოდა უფრო ეფექტიანი
გიორგი პაპავას თქმით, პროდუქტების გარკვეული ჯგუფის სუბსიდირება არაეფექტიანია, რადგან ადამიანებისთვის, ვისაც დღეს სურსათის ყიდვის ფინანსური პრობლემა არ აქვს, ბიუჯეტი მათთვისაც გარკვეულ ხარჯებს გასწევს. ეს კი, ეკონომიკისთვის დამატებითი ტვირთია.
მოცვის ქართული მსხვილი მწარმოებელი კომპანია FCO, რომელიც ძირითადად ექსპორტის მიმართულებით მუშაობს, წელს მსოფლიო ბაზრის მაღალ საფასო და პრემიუმ სეგმენტებში შესვლას აპირებს. ამიერიდან კომპანიის პროდუქტები GeorgianBlue ბრენდის ქვეშ იქნება წარმოდგენილი.
9.რატომ სჭირდება სტამბოლის არხი საქართველოს და რეგიონს?
სტამბოლის არხი თურქეთის ამბიციური ინფრასტრუქტურული პროექტია, რომელიც შავ და მარმარილოს ზღვებს ერთმანეთთან დააკავშირებს. ბოლო მონაცემებით, მისი დასრულება 2025-2026 წლებში იგეგმება და არხის გამოყენების საშუალება ექნებათ როგორც ჩვეულებრივ, ასევე სატვირთო და სახიფათო ნივთიერებების გადამტან გემებსაც.
საშინაო და საგარეო პოლიტიკის აქტუალურ თემებზე პოლიტოლოგ ვაჟა ბერიძეს ისაუბრა.