დღის Top 10 საინტერესო ამბავი:
1.„ახალი ობლიგაციების დაბალი საპროცენტო განაკვეთით ბიუჯეტი 350 მლნ ლარს დაზოგავს“
„ფინანსთა სამინისტრომ წარმატებით დაასრულა 500 მლნ აშშ დოლარის ღირებულების ევრობონდების გამოშვება. საპროცენტო განაკვეთმა (coupon rate) შეადგინა 2,75%. ახალი ობლიგაციებით მოხდა 2011 წელს გამოშვებული ევროობლიგაციების რეფინანსირება, რომლის საპროცენტო განაკვეთი დაახლოებით 2,5-ჯერ მაღალი იყო და 6.875%-ს შეადგენდა, რომლის დაფარვაც მიმდინარე წლის 12 აპრილს განხორციელდა“— მინისტრი.
2.„ქართული ოცნება“ საჯაროდ აწერს ხელს შარლ მიშელის ეგიდით შექმნილ დოკუმენტს - არჩილ თალაკვაძე
„ქართული ოცნება“ საჯაროდ აწერს ხელს ევროკავშირისა და ევროსაბჭოს პრეზიდენტის შარლ მიშელის ეგიდით შექმნილ დოკუმენტს, რომელიც ევროსაბჭოს პრეზიდენტის სპეციალურმა წარმომადგენელმა საქართველოში კრისტიან დანიელსონმა წარადგინა. ჩვენ დიალოგის დასკვნით შეხვედრაზევე დავაფიქსირეთ დოკუმენტის ხელმოწერაზე პრიცნიპული მზადყოფნა, რაც ასევე არაერთმა ოპოზიციონერმა თქვა თავის კომენტარებში, თუმცა დღემდე არ მოვაწერეთ ხელი, რადგან ველოდით ოპოზიციისგან შემხვედრ ნაბიჯებს“, - განაცხადა თალაკვაძემ.
3.საქართველო კომუნალური გადასახადების სუბსიდირებაზე 500 მლნ ლარამდე დახარჯავს
მარტიდან ბოლო ერთი წლის განმავლობაში ელექტროენერგიაზე სუბსიდირებაზე მესამე პროგრამა ამოქმედდა. თუ 7 მანძილზე, 2020 წლის მარტიდან მაისის ჩათვლით და 2021 წლის ნოემბრიდან თებერვლის ჩათვლით, ბიუჯეტი ფიზკურ პირებს 200 კვტ/სთ-ის მოხმარებულ ელექტროენერგიის საფასურს სრულად უნაზღაურებდა, ახალი სქემით 300 კვტ/სთ-მდე იანვრიდან გაძვირებულ და ძველ ტარიფებს შორის სხვაობა დაიფარება.
4.„ერთი წელია კომპანია „მიწაზე“ ვდგავართ, „აფრენისთვის“ 4 წელი დაგვჭირდება“ - ნატახტარის აეროპორტი
დღესდღეობით რეგულარული შიდა რეისები ნატახტარის აეროპორტიდან მესტიისა და ამბროლაურის მიმართულებით და ასევე თბილისიდან ბათუმის მიმართულებით და პირიქით სრულდება. თუმცა როგორც ნატახტარის აეროპორტის ადმინისტრაციაში კომერსანტს ესაუბრნენ, მგზავრთანაკადის 80 პროცენტით შემცირება იმდენად დამაზარალებელი აღმოჩნდა რომ ქვეყანას ისეთივე ტურისტული აქტივობა სასიცოცხლოდ სჭირდება როგორიც 2019 წელს იყო. მისი თქმით, ეს წელი საუკეთესო იყო როგორც შიდა ავიაციისთვის, ისე მთლიანად ინდუსტრიისთვის.
ეკონომიკისა და მდგრადი განვითარების მინისტრის ნათია თურნავას განცხადებით, „100 საინვესტიციო შეთავაზება ბიზნესს“ კამპანიის ფარგლებში წარმოდგენილია ქვეყნის მასშტაბით არსებული საინვესტიციოდ მიმზიდველი უძრავი ქონების ნუსხა და პროექტი უპრეცედენტოა, პრივატიზაცია კი უცხოელი ინვესტორების, რომლებიც ეკონომიკის მდგრადობას უზრუნველჰყოფენ, მოსაზიდად დაჩქარდა. თუმცა, პროექტმა განსაკუთრებული ინტერესი ვერც ქართველ და ვერც უცხოელ ინვესტორებში ჯერჯერობით ვერ გამოიწვია, მაგალითად გუშინ აუქციონზე გამოტანილი 10 სახელმწიფო კომპანიიდან მხოლოდ ერთი გაიყიდა.
თიზ-ებში არსებულ პრობლემებს და სახელმწიფოს დამოკიდებულებას ინვესტორებთან მიმართებაში „კომერსანტთან“ ეხმაურება ეკონომიკის მინისტრის ყოფილი მოადგილე ქეთი ბოჭორიშვილი და აღნიშნავს, რომ ყველა პრობლემის მოგვარება თიზ-ბში ინვესტორებს თვითონ უხდებათ, ამას კიდევ ემატება ის რაც ახლა ხდება, მოძველებული კანონი და გადასახადების კუთხით გაურკვეველი ვითარება, ამიტომ ინვესტორს ინტერესი აღარ უჩნდება.
7.„საქართველოს ბანკის“ ფილიალზე თავდამსხმელი დაკავებულია, მძევლები კი გათავისუფლებული
ავლაბარში მდებარე „საქართველოს ბანკის“ ფილიალზე თავდამსხმელი დაკავებულია, - ამის შესახებ ჟურნალისტებს საპატრულო პოლიციის დეპარტამენტის უფროსმა ვაჟა სირაძემ განუცხადა. მისი განმარტებით, გათავისუფლებულია მძევლები, რომლებიც უსაფრთხო ადგილზე არიან გადაყვანილი.
9.აჭარა ჯგუფი: რადიოქალაქის პროექტს პანდემიით გამოწვეულ ახალ გარემოებას მოვარგებთ
აჭარა ჯგუფის რადიოქალაქის პროექტში პანდემიის გამოწვევების გამო შესაძლოა ცვლილებები შევიდეს, თუმცა მისი ფუნქციური დატვირთვა არ შეიცვლება. „აჭარა ჯგუფის“ შვილობილი კომპანია „ინდუსტრიული ქალაქი“ რადიო ქალაქის პროექტში 4 წლის განმავლობაში $8 მლნ-ის ინვესტირებას გეგმავს. კომპანიამ ტერიტორია დაახლოებით, 23 მლნ ლარად, აუქციონზე 2019 წელს შეიძინა.
10.„ლარის მკვეთრი მერყეობა მოკლევადიან პერიოდში არ უნდა გვქონდეს“ - ფინანსთა მინისტრი
ფინანსთა მინისტრის ლაშა ხუციშვილის განცხადებით, ვაქცინაციის პარალელურად ქვეყანაში ეკონომიკისა და ტურიზმის ნაწილობრივი აღდგენის პერსპექტივა დიდია, გარდა ამისა მიმდინარე თვეში ექსპორტის მიმართულებით მნიშვნელოვანი ზრდა უნდა დაფიქსირდეს, რაც ლარის მკვეთრ მერყეობებს გამორიცხავს.