დღის Top 10 საინტერესო ამბავი:
„TAV Georgia“ COVID-19-ის პანდემიის გამო საქართველოს მთავრობისგან 2020 წლის ფორსმაჟორად გამოცხადებას ითხოვს და აეროპორტების მართვის უფლების 2 წლით გახანგრძლივებას ელოდება.იმ შემთხვევაში თუ სახელმწფო 2020 წელს „TAV Georgia“-თვის ფორსმაჟორად გამოაცხადებს, იქნება თუ არა ეს ფაქტი ბიზნესის არათანაბარ პირობებში ჩაყენება, მაშინ როდესაც „ქართული ოცნების“ ხელისუფლებამ გადადგა ქმედითი ნაბიჯები და უამრავი ინსტრუმენტი აამუშავა იმისთვის, რომ ქვეყანაში ფორსმაჟორული მდგომარეობა თავიდან აეცილებინა.
ევრობოდების გამოშვების და მისი მეშვეობით ძველის გადაფარვის საკითხის განხილვა ამ ეტაპზე დასრულებული უნდა ყოფილიყო, თუმცა თიბისი კაპიტალის მმართველი დირექტორი მერი ჩაჩანიძე და Galt & Taggart-ის მმართველი დირექტორი ოთარ შარიქაძე „კომერსანტთან“ აცხადებენ, რომ მუშაობა ჯერ კიდევ მიმდინარეობს და ბევრი დეტალი კონფიდენციალურია, თუმცა მთავრობა უახლოეს 10 დღეში ამ საკითხზე განცხადებას გააკეთებს.
პროექტის კონცეფციის შექმნაზე, ტენდერის საფუძველზე, ესტონურმა კომპანიამ იმუშავა. მისივე თქმით, პროექტი შეფასდა კულტურული მემკვიდრეობის დაცვის საბჭოს მიერ და გათვალისწინებულია წარმოდგენილი რეკომენდაციები.
უნდა აშენდეს თუ არა ქვეყანაში დიდი ჰესები ეს კითხვა აქტუალობას დღემდე არ კარგავს. ენერგეტიკოსთა და ეკონომისტთა ერთმნიშვნელოვანი შეფასებით — კი. ეკონომიკურად მომგებიანი ჰიდროპოტენციალი 40 მლრ კვტ/სთ-ს შეადგენს და ქვეყანა მხოლოდ მის 25%-ს იყენებს. ევროპაში დიდ ჰესებს იმიტომ აღარ აშენებენ რომ ათწლეულების წინ რესურსი თითქმის ამოწურეს.კითხვები, რასაც პასუხი უნდა გაეცეს ეკოლოგიას და უპირველესად უსაფრთხოებას ეხება.
5. საქართველოში ვაქცინაზე წინასწარი საყოველთაო რეგისტრაცია იწყება
ჯანდაცვის მინისტრის ეკატერინე ტიკარაძის თქმით, კორონავირუსის საწინააღმდეგო ვაქცინაზე წინასწარი საყოველთაო რეგისტრაცია იწყება. როგორც მან ბრიფინგზე ისაუბრა, მოქალაქეებს საშუალება ექნებათ, მათთვის სასურველი ვაქცინა აირჩიონ.
ეკონომიკის მინისტრის ნათია თურნავას განცხადებით, იმისთვის, რომ ბიზნესისთვის ეპიდვითარების გაუარესების გამო შეზღუდვების დაწესება არ გახდეს საჭირო, მთვრობა სხვა ქვეყნების მსგავსად, ე.წ. უსაფრთხო რესტორნის, ღამის კლუბისა და სასტუმოს სტატუსების მქონე სერვისის შექმნაზე მუშაობს, რაც ვაქცინირებული პირებისათვის შეკრებისა და თავისუფლად გადაადგილების სივრცეს გულისხმობს.
7. დევი ხეჩინაშვილი: ₾620 მლნ-იანი ბიზნესისთვის ₾47 მლნ-ის მოგება კარგი მაჩვენებელი არ არის
სადაზღვევო ასოციაციის პრეზიდენტი დევი ხეჩინაშვილი დაზღვევის ზედამხედველობის სამსახურის გამოქვეყნებულ 2020 წლის ანგარიშებს ეხმაურება და აცხადებს, რომ 2020 წელი სადაზღვევო სექტორისთვის მთლიანობაში კარგი წელი იყო. დაახლოებთ 30%-ით გაიზარდა უბედური შემთხვევების დაზღვევიდან მოზიდული პრემია.
8. უმსხვილესი მუნიციპალური საწარმოების უმრავლესობა წაგებაზე მუშაობს - IDFI
ინფორმაციის თავისუფლების განვითარების ინსტიტუტმა (IDFI) მუნიციპალურ ა(ა)იპ-ებსა და შპს-ებში დასაქმებული თანამშრომლები და შრომის ანაზღაურების ხარჯები შეისწავალა. არასამთავრობო ორგანიზცია 10 უმსხვილეს მუნიციპალურ საწარმოს ასახელებს, რომლის შრომის ანაზღაურებაზე გაწეული ხარჯი გაზრდილია, თუმცა მათი უმრავლესობა წაგებაზე მუშაობს.
9. სახელმწიფო მხარდაჭერის არარსებობის გამო საქართველოში მარწყვის ფასი და წარმოება მცირდება
მარწყვი ქართულ ბაზარზე ყოველი წლის მარტის ბოლოს ძირითადად მეზობელი თურქეთიდან, ხოლო ქართული აპრილში შემოდის. სეზონი, როგორც წესი, ნოემბრის ბოლომდე გრძელდება, თუმცა, იმპორტის 70% მარტი-ივნისის პერიოდზე მოდის.
10. Bloomberg: ლოქდაუნის გამო შემცირებული რუსეთის ეკონომიკა აღგენას იწყებს
ნეგატიური პროგნოზების მიუხედავად, რუსეთის ეკონომიკა პანდემიისგან მოსალოდნელზე ნაკლებად დაზარალდა, ხოლო აღდგენა უფრო სწრაფი აღმოჩნდა ვიდრე ევროკავშირში.