დღის TOP 10 საინტერესო ამბავი:
1.„ამის უფლება არ აქვთ“ - თიზ-ებში სავაჭრო კომპანიებისთვის მოგების გადასახადზე შეღავათი უქმდება
ფინანსთა სამინისტროს შემოსავლების სამსახურმა თავისუფალი ინდუსტრიული ზონების შესახებ მოქმედი საგადასახადო პრაქტიკა შეცვალა და სავაჭრო კომპანიებს მოგების გადასახადის გადახდას სთხოვს.
2.თაღლითობის მსხვერპლი სახელმწიფომ დამატებით 200 000 ლარით დააჯარიმა
ეროვნებით ირანელმა ჯავად საათიანმა საქართველოში კომპანია S.M 4 Family 2012 წელს დააფუძნა. კომპანია სამშენებლო ინვენტარით დედაქალაქსა და რეგიონებში სხვადასხვა ობიექტებს წლებია ამარაგებს. თუმცა 2019 წელს ბუღალტრის მიერ თანხების მითვისების გამო კომპანიას ფინანსური პრობლემები შეექმნა. რის შემდეგაც სახელმწიფოსთვის გადასახდელი ჯარიმებისა და საურავების თანხა კომპანიას 200 პროცენტით გაეზარდა.
3.პანდემიური წელი სადაზღვევო ბიზნესმა გაორმაგებული მოგებით დაასრულა
2020 წლის 31 დეკემბრის მდგომარეობით, საქართველოს სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 667,3 მილიონი ლარი შეადგინა. ამის შესახებ ინფორმაცია, დაზღვევის ზედამხედველობის სამსახურის მიერ გამოქვეყნებულ ანგარიშშია მოცემული.
4.ინფლაციამ მიზნობრივ მაჩვენებელს 2.4-ჯერ გადააჭარბა - მთავარი მაპროვოცირებელი ლარის კურსია
წლიურმა ინფლაციის განაკვეთმა მარტში მიზნობრივ 3%-იან მაჩვენებელს 2.4-ჯერ გადააჭარბა და 7.2%-ს მიაღწია. ლარის ვარდნის პირობებში უახლოეს მომავალში ფასების კიდევ უფრო მეტად ზრდაა მოსალოდნელი. მართალია გასულ წელს ეროვნული ვალუტა უფრო სწრაფად გაუფასურდა, მაგრამ ის ნაწილობრივ ნავთობზე ფასების 70%-იანმა შემცირებამ დააკომპენსირა, წელს ნავთობი $22-ის ნაცვლად ისევ $65 ღირს, ლარის კურსი კი 3.4-ს აჭარბებს.
გიორგი ქობულია თბილისში განვითარებულ მოვლენებს გამოეხმაურა, რა დროსაც საქართველოს მოქალაქეებმა რუსი ჟურნალისტის ვლადიმირ პოზნერის და მისი თანმხლები პირების ჩამოსვლა გააპროტესტეს.
6.ლარის კურსის ცვლილების გამო ქართულ ველოსიპედზე ფასი 60 პროცენტით გაიზარდა
„ახალგაზრდა ფინანსისტთა და ბიზნესმენთა ასოციაცია“ საქართველოს მთავრობას და ახლად დანიშნულ ფინანსთა მინისტრს, ლაშა ხუციშვილს მოუწოდებს ონლაინ ვაჭრობის დაწესებული განბაჟების ზღვარი 1500 ლარამდე გაზარდოს. ინფორმაციას აფბა ავრცელებს.
7.GWP-ის წმინდა მოგებამ 35 მლნ ლარს გადააჭარბა
GWP-ის შემოსავალმა 2019 წელს 145 მლნ ლარი შეადგინა საიდანაც წმინდა მოგება 35.2 მლნ ლარი იყო. ამის შესახებ დამოუკიდებელ აუდიტის დასკვნაშია ნათქვამი, რომელიც კომპანიის ფინანსური ანგარიშგების საფუძველზე მომზადდა.
8.Foreign policy: მსოფლიო ნაოსნობა დამოკიდებულია ჩინელ, რუს და უკრაინელ მეზღვაურებზე
სუეცის არხში მოძრაობა უკვე სრულად აღდგა, თუმცა, ამ ინციდენტმა დაადასტურა, რომ მსოფლიო ეკონომიკას საზღვაო გადაზიდვების რთული სისტემა ამოძრავებს და მილიარდობით ადამიანი ამ მექანიზმის ყველა მცირე ჭანჭიკის გამართულ მუშაობაზეა დამოკიდებული.
9.მრავალფუნქციური კომპლექსი „არაგვის“ პროექტი შესაძლოა თავიდან მომზადდეს
სანაპიროზე, რესტორანი „არაგვის“ ნაცვლად, ახალი მრავალფუნქციური კომპლექსის პროექტზე მუშაობა გრძელდება, თუმცა, როდის შევა პროექტი თბილისის მერიაში დასამტკიცებლად და რა პერიოდში დაიწყება მშენებლობა, გაურკვეველია.
10.აფბა ნივთის ონლაინ გამოწერისას განბაჟების ზღვარის 1500 ლარამდე გაზრდის ინიციატივით გამოდის
„ახალგაზრდა ფინანსისტთა და ბიზნესმენთა ასოციაცია“ საქართველოს მთავრობას და ახლად დანიშნულ ფინანსთა მინისტრს, ლაშა ხუციშვილს მოუწოდებს ონლაინ ვაჭრობის დაწესებული განბაჟების ზღვარი 1500 ლარამდე გაზარდოს. ინფორმაციას აფბა ავრცელებს.