დღის Top 10 საინტერესო ამბავი:

1. სებ-მა სათაო ოფისი ვერ აიშენა - არასწორად მართული პროცესი ცენტრალურ ბანკს სანდოობის ხარისხს უქვეითებს

ეროვნული ბანკი მტკვრის მარჯვენა სანაპიროზე, ცირკსა და რესტორან „არაგვს“ შორის არსებული მიწის ნაკვეთზე სათაო ოფისის ვერ ააშენებს. პროექტს უარი თბილისის მერიამ უთხარი, თუმცა სანამ დედაქალის მთავრობა ცენტრალურ ბანკს უარს ეტყოდა მარეგულირებელმა ორგანომ ჯერ მიწის ნაკვეთი გადაიფორმა,  შემდეგ ახალი ოფისის პროექტი შეიძინა.

2. 2020 წელს ყოველი შემცირებული 100 ადამიანიდან 94 მცირე ბიზნესში იყო დასაქმებული

საქართველოში საწარმოთა ბრუნვის მოცულობა 2020 წელს ლარში დათვლით უმნიშვნელოდ 0.5%-ით 109.6 მლრდ-მდე გაიზარდა, დოლარში - კი 11.8%-ით $33.5 მლრდ-მდე შემცირდა. პანდემიამ ყველაზე მეტად მცირე და საშუალო ბიზნესი დააზარალა. მცირე ზომის საწარმოებში პრაქტიკულად ყოველი მესამე ადამიანი უმუშევარი დარჩა.

3. ნამახვანჰესის მშენებლობა შეჩერდა

საქართველოს პრემიერ მინისტრის ირაკლი ღარიბაშვილის განცხადებით ნამახვანჰესის მშენებლობა 9-12 თვით შეჩერდა. ღარიბაშვილი თქმით შეთანხმება ინვესტორთან მიღწეულია.

4. „ცენტრალური ბანკი უფრო მეტად თამამი და აქტიური უნდა იყოს„ - ირაკლი კოვზანაძე

ცენტრალური ბანკი უფრო მეტად თამამი და აქტიური უნდა იყოს ბაზარზე მოქმედებისთვის. მე ყოველთვის მოვუწოდებ მას, რომ ზოგჯერ წინმსწრებად უნდა იმოქმედოს, მოვლენების პროგნოზირება აკეთოს იმისთვის, რომ რყევები აიცილოს სავალუტო ბაზართან დაკავშირებით“,- ამის შესახებ საფინანსო-საბიუჯეტო კომიტეტის თავმჯდომარემ ირაკლი კოვზანაძემ რადიო „პალიტრისა და „პალიტრანიუსის“ გადაცემაში „საქმე“ განაცხადა.

5. ვიზიტორებს უჭირთ მომავლის პროგნოზირება, დიდ ჯგუფებს ვერ ვუმასპინძლდებით - შერატონი

„პანდემიის პირობებში ჯავშნების კუთხით საკმაო ცვლილებებია, ძირითადად ბოლო წუთის ჯავშნები გვაქვს, რადგან კომპანიებს უჭირთ მომავლის პროგნოზირება და ვიზიტის ადრე დაგეგმვა,“ - ამის შესახებ „კომერსანტს“ სასტუმრო შერატონ გრანდ მეტეხი პალასის საზოგადოებასთან ურთიერთობის სამსახურში ესაუბრნენ.

6. 2017-2020 წლებში ლომბარდების კლიენტთა რაოდენობა განახევრდა

საქართველოში 2020 წლის ბოლოს 193 დასახელების ლომბარდი მოქმედებდა, მათ მიერ გაცემული სესხების მოცულობა კი 323 მლნ ლარს აღწევდა, რაც 2017 წლის მონაცემებთან შედარებით (საქსტატის ბოლო კვლევა) 83 მლნ ლარითაა შემცირებული, კიდევ უფრო დიდი ვარდნა მოგებისა და კლიენტთა რაოდენობის მიმართულებით ფიქსირდება.

7. უკრაინული Bees Airline საქართველოს ავიაბაზარზე შემოსვლას აპრილის ბოლოდან გეგმავს

ახალი უკრაინული დაბალბიუჯეტიანი ავიაკომპანია Bees Airline საქართველოს ავიაბაზარზე შემოსვლას ინტენსიურად განიხილავს. ავიაკომპანიის ბიზნესგეგმის მიხედვით, უკრაინის ქალაქებიდან Bees Airline თბილისისა და ბათუმის მიმართულებით განიხილავს ოპერირებას. ავიაკომპანიის სურვილია, რომ კიევი-თბილისი-კიევის საჰაერო ხაზზე ოპერირებას აპრილის ბოლოდან შეუდგეს, ხოლო ოდესა-თბილისი-ოდესას საჰაერო ხაზზე კი მაისის დასაწყისიდან.

8. ჩინეთში H&M-ს, NIKE-სა და Adidass-ს ბოიკოტი გამოუცხადეს

ჩინელმა ხალხმა H&M-ს,  NIKE-ს,  Adidas-ს და სხვა ბრენდებს ბოიკოტი გამოუცხადა, რადგან მათ ჩინეთშ მოყვანილი სინძიანის ბამბის გამოყენებაზე უარი თქვეს. ისინი ასევე აპროტესტებენ მუშებისთვის მონური პირობების შექმნას.

9. სუეცის არხის ბლოკირების შედეგად მსოფლიოს ბაზარს 13 მლნ. ბარელი ნავთობი დააკლდა

4-დღიანი მუშაობის შემდეგ, სუეცის არხში გაჭედილი გიგანტური ტვირთმზიდი EverGreen-ი მეჩეჩიდან მოხსნეს. სამაშველო სამსახურების მესამე მცდელობაც რომ წარუმატებელი ყოფილიყო, იგეგმებოდა გემის ტვირთისგან დაცლა, რათა მისი საერთო წონა - 220 ათასი ტონა შეემცირებინათ. ტვირთმზიდი მეჩეჩიდან დღეს დილით მოხსნეს დამატებითი ბუქსირების გამოყენებით.

10. Forbes: რატომ ტოვებენ გენერალური დირექტორები მათ მიერ შექმნილ კომპანიებს?

იმ დღეს, როდესაც ონლაინ-რითეილერმა  Pinduoduo-მ განაცხადა, რომ აქტიურ მომხმარებელთა რაოდენობით ისეთ გიგანტებს, როგორც  Alibaba და Amazon გაუსწრო, კომპანიის დამაარსებელმა კოლინ ჩჯენ ხუანმა გენერალური დირექტორის დატოვა.