დღის Top 10 საინტერესო ამბავი:
2021 წლის 12 აპრილს საქართველოს მთავრობამ 500 მილიონი დოლარის მოცულობის 10-წლიანი ევროობლიგაციების დაფარვა უწევს. ეს ფასიანი ქაღალდები საქართველოს მთავრობამ საერთაშორისო საფინანსო ბაზარზე 2011 წელს განათავსა და მათი მეშვეობით 2008 წელს გამოშვებული 500 მილიონი დოლარის ევროობლიგაციების რეფინანსირება მოახდინა. მთავრობა მის გასტუმრებას ამჯერადაც ახალი სესხით გეგმავს.
2.ეკონომიკა პენსიაზე ნელა იზრდება, ასე განვითარებულ ეკონომიკასთან დაწევა შეუძლებელი იქნება
საქართველო საშუალო ხელფასის, ასაკობრივი პენსიისა და საარსებო მინიმუმის ოდენობით მნიშვნელოვნად ჩამორჩება როგორც დასავლეთ ევროპისა და სკანდინავიის, ასევე აღმოსავლეთ ევროპის ქვეყნებს. მთავრობა ალტერნატივის წინაშე დგას: ერთის მხრივ მოსახლეობის დიდი ნაწილის შემოსავალი უკიდურესად მცირეა, მეორეს მხრივ სოციალური ხარჯების ზრდა ეკონომიკური ზრდის ტემპს ანელებს, რაც გრძელვადიან პერსპექტივაში სიღარიბის აღმოფხვრას უშლის ხელს.
3.შინდისში რესტორანი და სასტუმრო „შატო დე ვერე“ წლის ბოლომდე გაიხსნება (ფოტოები)
შინდისში მრავალფუნქციური კომპლექსი „შატო დე ვერე“ შენდება. სარესტორნო კომპლექსს, პაბს, ამფითიატრს, მასშტაბურ საბანკეტო დარბაზს და სამთავრობო დელეგაციების მისაღებ საცერემონიო დარბაზს, სააქციო საზოგადოება „დელუქს თიმ ჯორჯია“ აშენებს.
4.„ბიოლის“ დამფუძნებლის ინვესტიციით საქართველოში ველნესის მაგისტრატურის ფაკულტეტი შეიქმნება
კურორტ ბიოლის დამფუძნებელი თამაზ მჭედლიძე ველნეს ინდუსტრიის განვითარებას საგანმანათლებლო სფეროშიც გეგმავს. როგორც ბიზნესმენი „კომერსანტთან“ განმარტავს, რამდენიმე ასეულ მილიონიანი უცხოური ინვესტიციის მეშვეობით, მალე საქართველოში მაგისტრატურის საფეხურს დაემატება ველნეს თერაპევტების გადამზადების ფაკულტეტი მედიკოსებისთვის. 2 წლის განმავლობაში ველნესის ფაკულტეტის სტუდენტები პრაქტიკებს „ბიოლში“ გაივლიან.
5.„იუნისეფში“ აცხადებენ, რომ „ფაიზერის“ ვაქცინა საქართველოში სავარაუდოდ ხვალ ჩამოვა
საქართველოს „ფაიზერის“ 29250 დოზა ვაქცინას, სავარაუდოდ ხვალ, 24 მარტს მიიღებს. ამის შესახებ საქართველოს პირველ არხს „იუნისეფის“ წარმომადგენლობიდან აცნობეს.
6.„მცირე ბიზნესისთვის ფინანსებზე ხელმისაწვდომობა და საგარეო ბაზრებზე კონკურენტუნარიანობა გამოწვევაა“
„187 000 ბიზნეს სუბიექტიდან 90%-ზე მეტი სწორედ მცირე და საშუალო ბიზნესია. ბუნებრივია, ცალკეული სტრატეგიები რაც მუშავდება ევროკავშირთან ერთად, სწორედ მცირე ბიზნესზეა აქცენტირებული. თუმცა მცირე ბიზნესს ახლა ბევრი გამოწვევა უდგას. ერთი ესაა ფინანსებზე ხელმისაწვდომობა“, — განაცხადა ნათია თურნავამ.
7.„ოლიგოპოლისტური მონოპოლია გვაქვს ამ სექტორში“ - რა უნდა გაკეთდეს საწვავის ფასის შესამცირებლად
„როდესაც საერთაშორისო ბაზარზე ფასები იცვლებოდა და ნამდვილად იყო ტენდენცია შემცირებისკენ, ჩვენთან მაშინაც ვერ იკლებდა, რაც ერთ-ერთი ინდიკატორია, რომ ოლიგოპოლისტური მონოპოლია გვაქვს ამ სექტორში“- ამის შესახებ ეკონომიკური ტრანსფორმაციის ცენტრის პრეზიდენტმა რამაზ გერლიანმა საწვავის ფასის მატებასთან დაკავშრებით განაცხადა.
8.აზერბაიჯანული გაზი ევროპაში ადგილს იმკვიდრებს
მხოლოდ 3 თვე გავიდა მას შემდეგ, რაც აზერბაიჯანმა, პირველად თავის ისტორიაში, ევროპაში გაზის ტრანსპორტირება დაიწყო, თუმცა, ამ დროისთვის გაყიდული „ცისფერი ოქროს“ რაოდენობამ 1 მლრდ.-ს კუბურ მეტრს გადააჭარბა.
9.გამოკითხულთა 13%-მა პანდემიის პერიოდში სამსახური დაკარგა, 12%-ს ხელფასი შეუმცირდა - NDI
NDI-ის მიერ თებერვალში ჩატარებული სატელეფონო კვლევის თანახმად, მოსახლეობის 25% ფიქრობს რომ ქვეყანა სწორი მიმართულებით ვითარდება, 44% საპირისპირო აზრზეა, ამის მიუხედავად გამოკითხულთა 50%-ს პანდემიასთან გასამკლავებელი მთავრობის ეკონომიკური გეგმა მოსწონს.
10.Der Spiegel: ვაქცინაციას და ქვეყნის სიმდიდრეს შორის დიდი კავშირი არაა
კორონავირუსის საწინააღმდეგო ვაქცინის ყიდვა შედარებით მარტივი საქმეა, მაგრამ შეძენის შემდეგ მისი მიწოდება მოსახლეობისთვის სათანადოდ გაყინულ პირობებში, ბევრად უფრო რთულია.