დღის Top 10 საინტერესო ამბავი:

1.ივანიშვილის გადაწყვეტილებამ FDI-ს განახევრება გამოიწვია, რაც კონკურენტუნარიანობის ინდექსსაც გააუარესებს

„კომერსანტი“ დაინტერესდა რა გავლენას ახდენს საინვესტიციო გარემოზე და გლობალური კონკურენტუნარიანობის ინდექსზე ერთდროულად დიდი რაოდენობის კაპიტალის უცხოელი რეზიდენტიდან საქართველოს რეზიდენტის საკუთრებაში გადასვლა, რომელიც ოფიციალურ სტატისტიკაში ინვესტიციების გადინებაში აისახება და შესაძლებელი იყო თუ არა ამ პროცესების დროში გადანაწილება, რომ ისედაც კრიზისულ პერიოდში ქვეყანას ასეთი დიდი ვარდნა არ მიეღო.

2.„ვიკინგი“ - ჩრდილოეთ-სამხრეთის ახალი კორიდორი ქართული ტვირთებისთვის

საქართველოდან კლაიპედას პორტის (ლიეტუვა) მიმართულებით შესაძლოა ტვირთბრუნვა გაიზარდოს. აზერბაიჯანი საქართველოს მსგავსად პროექტ „ვიკინგშია“ ჩართული, რაც ბალტიის ზღვიდან კასპიის ზღვამდე და პირიქით, სატვირთო გადაზიდვებს უზრუნველყოფს. გადაზიდევების მოცულობა ჯერ მცირეა - 31 000 ტონა საქართველოდან, თუმცა ზრდის პოტენციალი გააჩნია. 2020 წელს კლაიპედას პორტი 47.7 მლნ ტონა ტვირთს მოემსახურა რაც ქართული პორტების ჯამურ ტვირთბრუნვას 2.8-ჯერ აღემატება.

3.პაატა იმნაძემ კოვიდის საწინააღმდეგო ვაქცინა საჯაროდ გაიკეთა

დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძემ კოვიდის საწინააღმდეგო ვაქცინა საჯაროდ გაიკეთა.

4.ყველაზე რთული პერიოდი პურზე ფასის შენარჩუნებისთვის მომდევნო ორი თვე იქნება

ცდილობს. ფქვილის სუბსიდირების ოთხთვიანი სახელმწიფო პროგრამის ვადა 1-ლ აპრილს იწურება. გააგრძელებს თუ არა ხელისუფლება ნომერი პირველი სოციალური პროდუქტის ფასის ხელოვნურად დაჭერას, თუ აპრილიდან პურის გაძვირებული ფასი დამატებით ტვირთად დააწვება ჩვენს ჯიბეს?

5.„ბევრად ამბიციური გეგმები გვქონდა, არ მაქვს მოლოდინი, რომ რამის აღდგენის წელი იქნება” - „ყავის ლაბორატორიამ“ ახალი ფილიალების გახსნა შეაჩერა

Coffe Lab-ს ზაფხულის სეზონზე პანდემიის მიუხედავად, ღია სივრცის გამო მომხმარებლების ნაკლებობა არ უგრძვნია, თუმცა ზამთარში სიტუაცია შეიცვალა და მიუხედავად იმისა, რომ ამჟამად კომპანია ქსელის გაფართოებისთვის ობიექტებს ფალიაშვილის ქუჩასა და აქსის თაუერში არემონტებს, გიორგი აივაზიანის თქმით ახალი ქსელების გახსნას აზრი არ აქვს.

6.ქვეყნის მთავარი ინვესტორები თებერვალშიც ემიგრანტები იყვნენ

ფულადი გზავნილების მოცულობა თებერვალში გასული წლის ანალოგიურ პერიოდთან შედარებით 17.5%-ით $161. მლნ-მდე3 (564 მლნ ლარი) გაიზარდა. $28.6 მლნ-ით პირველ ადგილს უკვე მეორე თვეა იტალია ინარჩუნებს

7.ბავშვთა გასართობი ცენტრები შესაძლოა, 2 კვირაში გაიხსნას

ბავშვთა გასართობი ცენტრები შესაძლოა, 2 კვირაში გაიხსნას - ამის შესახებ ბავშვთა გასართობი ცენტრების ასოციაციის დამფუძნებელმა ჯანდაცვის სამინისტროში ინსპექტირების სამსახურის უფროსთან შეხვედრის შემდეგ განაცხადა.

8.თებერვალში საქართველოს ექსპორტი 3%-ით გაიზარდა

საგარეო ვაჭრობის ბრუნვა იანვარ-თებერვალში წინა წლის ანალოგიურ პერიოდთან შედარებით 12%-ით $1.654 მლრდ-მდე შემცირდა. წლის პირველ ორ თვეში ექსპორტზე სულ $495 მლნ-ის პროდუქცია გავიდა - კლება 6.8%, იმპორტის მოცულობა კი უფრო მეტად - 14.1%-ით $1.159 მლრდ-მდე შემცირდა.

9.„თბილისის ისტორიული უბანი კულტურული კაპიტალია და მისი გამოყენება აუცილებლად გულისხმობს ძველისა და ახლის თანაარსებობას“ - იციკ მოშე

იციკ მოშე „კომერსანტის“ ვებ-გვერდზე რამდენიმე დღის წინ განთავსებულ სტატიასაც ეხმაურება და ამბობს, რომ კულტურული მემკვიდრეობის დაცვის საბჭოს 8 მარტის უარი შეეხება სხვა საკადასტრო ტერიტორიას, კერძოდ, მირზაშაფის პარალელურ, ბააზოვის ქუჩაზე მდებარე, კომპანიის მიერ მოგვიანებით შეძენილ სამ მიწის ნაკვეთზე მშენებლობის ნებართვას.

10.სპონტანური მყიდველი აღარ არსებობს, მომხმარებლები მხოლოდ აუცილებელ ნივთებს ყიდულობენ - ICR ჯგუფი

ICR ჯგუფის სამეთვალყურეო საბჭოს თავმჯდომარე კახა ხაზარაძე აცხადებს, რომ დღეს პრიორიტეტი არსებული ბრენდების შენარჩუნებაა, ახალი ბრენდების შემოსვლა კი დამოკიდებულია იმაზე, თუ როგორ შენარჩუნდება ქვეყანაში ეკონომიკური სტაბილურობა.