დღის Top 10 საინტერესო ამბავი:
1. გაზრდილი ფასები და შემცირებული მომხმარებელი - ბათუმის რესტორნებს მოგებაზე გასვლა აგვისტომდე შეუძლებლად მიაჩნიათ
ბათუმში რესტორნების შიდა სივრცეები 1-ლი მარტიდან გაიხსნა, კვების ობიექტებს ფუნქციონირება მხოლოდ სამუშაო დღეებში შეუძლიათ. თუმცა, კურორტის რესტორნების დიდმა ნაწილმა მუშაობა არ განაახლა, რადგან აცხადებენ, რომ არსებული შეზღუდვებისა და ტურისტების არარსებობის გამო ხარჯების დაფარვას ვერ მოახერხებენ. გახსნილი ობიექტები კი მომხმარებლებს დადგენილი რეკომენდაციების მკაცრი დაცვითა და გაზრდილი ტარიფებით მასპინძლობენ.
2. „არ მინდა ჭიათურა მხოლოდ მანგანუმის საბადოსთან ასოცირდებოდეს“ - ქართული ღვინო ფრანგული ელფერით
ყოფილი ეკონომისტი, დავით ჩაჩანიძე ყველაფერს ჩამოშორდა და ზემო იმერეთში ღვინის წარმოება დაიწყო. როგორც თვითონ ამბობს, სანამ ნაფერებ და ნალოლიავებ ღვინოებს მზის სინათლეზე გამოიტანდა დიდხანს ემზადებოდა.
3. ანაკლიის პორტის პროექტის ახალი ინვესტორის შერჩევას უახლოეს მომავალში დავიწყებთ - პრემიერი
საქართველოს ხელისუფლებას ყოველთვის ჰქონდა გამოხატული უპრეცედენტო მხარდაჭერა ანაკლიის პორტის პროექტის მიმართ, - ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა.
4. სასიხარულო ინფორმაცია, ვაქცინირებული ტურისტების პირველი ნაკადი უკვე გამოჩნდა - ნათია თურნავა
ნათია თურნავა აცხადებს, რომ 19, 22 და 26 მარტს ისრაელის ავიაკომპანია სამ ტურისტულ, ჩარტერულ რეისს შეასრულებს. მისი თქმით, ეს მთავრობის შემსუბუქების პირველი შედეგია.
5. „სამუშაო საათების აღრიცხვის კანონი მხოლოდ დამსაქმებლისთვის საქმის გართულებას ემსახურება“ - ქართული მაღაზიები
1 მარტიდან ამოქმედებული ახალი კანონი ბიზნესისთვის, თანამშრომლების სამუშაო საათების აღრიცხვის აუცილებლობის შესახებ, ქართულ მაღაზიათა გაერთიანების აზრით, ნაჩქარევი გადაწყვეტილებაა და მხოლოდ დამსაქმებლისთვის სამუშაო პროცესის გართულებას ემსახურება. ბიზნესს მიაჩნია, რომ საერთო სურათს დასაქმების სფეროში ეს კანონი ვერ შეცვლის.
6. ოლიგარქმა იგორ კოლომოისკიმ საქართველოში 3 533 ბიტკოინი გამოიმუშავა
უკრაინელი ოლიგარქი იგორ კოლომოისკი საქართველოში კრიპტოვალუტების მომპოვებელ კომპანიას ფლობდა. ამის შესახებ მისმა წარმომადგენელმა ლონდონში მიმდინარე სასამართლო პროცესზე განაცხადა, სადაც ბიზნესმენის წინააღმდეგ „პრივატბანკის“ მიერ შეტანილი საჩივარი განიხილება.
7. უნდა ჩამოვყალიბდეთ, განათლება ბიზნესია, თუ საზოგადოებრივი სიკეთე
„მნიშვნელოვანია გავიაზროთ როგორ ვუყურებთ განათლების სისტემას ქვეყანაში. როგორც საზოგადოებრივ სიკეთეს თუ როგორც ბიზნესს. საზოგადოება ამაზეც არ ვართ შეთანხმებული,” - ასე ეხმაურება “კომერსანტთან” განათლების სფეროს სპეციალისტი თამარ მოსიაშვილი პარლამენტის ახალ კანონპროექტს, რომლის მიხედვითაც მოსწავლე, რომლის მშობელიც კერძო სკოლაში სწავლის საფასურს ვერ გადაიხდის, მას საჯარო სკოლაშიც ვერ ექნება სწავლის გაგრძელების საშუალება.
8. დედაქალაქში მცირე და საშუალო სარესტორნე ბიზნესისთვის სუბსიდირების პროგრამა ამოქმედდება
დედაქალაქის მერის მოადგილე ანდრია ბასილაიამ მედიის წარმომადგენლებს თბილისის მერიის ის ინიციატივა განუმარტა, რომელიც დედაქალაქში მცირე და საშუალო სარესტორნე ბიზნესისთვის სუბსიდირების პროგრამის ამოქმედებას ითვალისწინებს.მერის მოადგილის განცხადებით, აღნიშნული ინიციატივა სარესტორნო ბიზნესის წარმომადგენლებთან აქტიური კომუნიკაციის შედეგად შემუშავდა.
9. Huffington Post: რამდენად ეფექტურია სანქციები რუსეთის წინაამღდეგ?
22 თებერვალს ევროკავშირის საგარეო საქმეთა მინისტრებმა რუსეთის მიმართ ახალი სანქციები მიიღეს, ხოლო მარტში ევროგაერთიანების სამიტზე მოსკოვთან ურთიერთობების საკითხის განხილვა იგეგმება.კრემლის მიმართ სტრატეგიის გამომუშავების პროცესში აუცილებელია შეკითხვის დასმა - რამდენად ეფექტურია ევროპის ანტირუსული სანქციები?
10. რა მოელის წვეულებების კულტურას?
„წვეულებებს ბოლო მოეღო“ - განაცხადა საფრანგეთის ერთ-ერთი რეგიონის პრეფექტმა პიერ პუესელმა პანდემიის გამო კომენდანტის საათის შემოღების დროს. არის თუ არა ეს სიმართლე? რამდენად შეცვალა პანდემიამ ევროპის ღამის ცხოვრება?