დღის Top 10 საინტერესო ამბავი:
1. ირაკლი ღარიბაშვილმა შეზღუდვების ეტაპობრივი შემსუბუქების გეგმა წარადგინა - რა იხსნება მარტიდან?
საქართველოს პრემიერ-მინისტრმა ირაკლი ღარიბაშვილმა, უწყებათაშორისი საკოორდინაციო საბჭოს სხდომის დასრულების შემდეგ შეზღუდვების ეტაპობრივი შემსუბუქების გეგმა წარადგინა.
2. მუნიციპალური ტრანსპორტი შაბათ-კვირასაც იმუშავებს
პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს გადაწყვეტილებით, მუნიციპალური ტრანსპორტი შაბათ-კვირასაც იმუშავებს.
3. რესტორნის შიდა სივრცეები 1 მარტიდან გაიხსნება (შაბათ-კვირის გარდა)
საქართველოს მასშტაბით რესტორნების ფუნქციონირება სრულად მარტის დასაწყისიდან აღდგება.
4. ძალიან გაკვირვებული ვარ აქამდეც როგორ შეინარჩუნა საქართველოში ბიზნესმა თავისებური სიმყარე - ევროპული ბიზნეს ასოციაცია
„თუ ნორმალური გარემო არ გვექნება საქართველოში, ეს ყველასთვის მტკივნეულ შედეგებს მოიტანს. თუ მთავრობასა და ოპოზიციას არ სურს შეაჩეროს ამ კრიზისის გაღრმავება, ბიზნესი აღდგენას საერთოდ ვერ შეძლებს,“- „ევროპული ბიზნეს ასოციაცია“ „კომერსანტთან“ საუბრობს ქვეყანაში მიმდინარე მოვლენების საინვესტიციო გარემოზე შესაძლო გავლენებზე.
5. ოცნების 5 პრემიერი და მათი ეკონომიკური გადაწყვეტილებები
ქართული ოცნების ხელისუფლებამ მმართველობის 8 წელსა და 4 თვეში 5 პრემიერი გამოიცვალა. ამ დროის განმავლობაში ევროკავშირთან და ჩინეთთან თავისუფალი ვაჭრობის ხელშეკრულებებს მოეწერა ხელი. გაუქმდა რეინვესტირებული მოგების გადასახადი...
6. თბილისის მთავარი გამზირი ქირავდება
„იყიდება საქართველო. მინდორ-ველით, მთა-გორით, ტყით, ვენახით, სათესით“, - გასულ საუკუნეში დაწერილი ნიკო ლორთქიფანიძის ნოველა, ისევ აქტუალურია, 112 წლის შემდეგაც ქვეყანაში მიმდინარე პოლიტიკურ-ეკონომიკური პროცესები, ისევ იძლევა იმის თქმის საშულებას, რომ „საქართველო იყიდება“.
7. რა თანხა შეიძლება ჩამოიტანოს გერმანიიდან 3 თვით დასაქმებულმა საქართველოს მოქალაქემ?
გერმანიაში დასაქმების მსურველთა რაოდენობა ყოველწუთს მატულობს. ხელისუფლება მოსახლეობას ჰპირდება, რომ უცხო ქვეყანაში გამგზავრებით და იქ მუშაობით საკმაოდ დიდ შემოსავალს მიიღებენ, თუმცა რეალურად არავინ იცის, იქ ჩასულ ქართველებს რა პირობები დახვდებათ და რამდენად მძიმე საქმის შესრულება მოუწევთ.
8. სატრანსპორტო საშუალების ძველ სანომრე ნიშანს იურიდიული ძალა 2021 წლის 31 მარტიდან შეუწყდება
შინაგან საქმეთა სამინისტროს მომსახურების სააგენტოს განცხადებით, სატრანსპორტო საშუალების ძველი ნიმუშის სახელმწიფო სანომრე ნიშანს იურიდიული ძალა უნარჩუნდება 2021 წლის 31 მარტის ჩათვლით.
9. საქართველოში სეტყვის საწინაამღდეგო ბადეების წარმოება დაიწყება
სეტყვის საწინააღმდეგო და მზისგან დამცავი ბადეების წარმოება საქართველოში უკვე გაზაფხულზე დაიწყება. ქარელის რაიონში ქარხნის გახსნა 2021 წლის იანვრისთვის იგეგმებოდა, თუმცა, პანდემიის გამო რამდენიმე თვით გადაიდო.
10. Handelsblatt: რატომ რჩება უკრაინა ინვესტორებისთვის მიმზიდველი?
კიევში დიდი პოლიტიკური ვნებათაღელვაა, თუმცა, ამ ფონზე საქმეები ფინანსურ სექტორში გასაკვირად კარგად მიდის. უკრაინის ფინანსთა მინისტრი სერგეი მარჩენკო დარწმუნებულია ფინანსური სისტემის მდგრადობაში და დეფოლტის ყოველგვარ შესაძლებლობას გამორიცხავს.