დღის TOP 10 საინტერესო ამბავი:

1. პრემიერ-მინისტრი გიორგი გახარია თანამდებობიდან გადადგა

როგორც გახარიამ განმარტა, მას გაუმართლებლად მიაჩნია ნიკა მელიას დაპატიმრება იმ პირობებში, როდესაც არსებობს პოლიტიკური ესკალაციის საფრთხე.

2.გახარიას გადადგომა, ეკონომიკის გახსნას და რეგულაციების შერბილებას კიდევ უფრო გააჭიანურებს

კითხვაზე, რა პროცესებს უნდა ველოდოთ ბიზნესსა და ეკონომიკაში არსებულ ვითარებაში, სოსო ბერიკაშვილი ამბობს, რომ მთავრობის მოულოდნელი გადადგომა, ზოგადად ნეგატიურ პროცესებს გამოიწვევს როგორც ქვეყნის შიგნით, ასევე მის ფარგლებს გარეთ, თუმცა პოლიტიკურ-ეკონომიკური კრიზისი საქართველოში აქამდეც იყო.

3. პრემიერ-მინისტრობის კანდიდატად ირაკლი ღარიბაშვილი დასახელდა

ქართულმა ოცნებამ პრემიერ-მინისტრობის კანდიდატად თავდაცვის მინისტრი ირაკლი ღარიბაშვილი დაასახელა. ამის შესახებ ცნობილი „ქართული ოცნების ოფისში პოლიტსაბჭოსა და უმრავლესობის სხდომის დასრულების შემდეგ გახდა.

4. მთავრობის მოულოდნელი გადადგომა, ნეგატიურ პროცესებს გამოიწვევს, ასე ქვეყნები ვერ ვითარდება - ირაკლი იაშვილი

ბიზნესმენი სიტუაციას ნეგატიურს უწოდებს და აცხადებს, რომ ქართული საზოგადოება მსგავს პოლიტიკურ პროცესებს უკვე მიეჩვია და ერთგვარი იმუნიტეტი გამოიმუშავა.

5. ბიზნეს ომბუდსმენობიდან პრემიერ-მინისტრის პოსტის დატოვებამდე - გახარიას 1500 სამუშაო დღე

ქართული ოცნების ხელისუფლების მეხუთე პრემიერმ-მინისტრმა გიორგი გახარიამ 18 თებერვალს პოსტი საკუთარი განცხადების საფუძველზე დატოვა. ის მთავრობას 17 თვის განმავლობაში 2019 წლის 9 სექტემბრიდან ხელმძღვანელობდა.

6.  „ამოვიდა ყელში, ვისაც საქმის კეთება შეუძლია, იმ ხალხის მოსვლის დროა პოლიტიკაში„ - ნინა კობახიძე

ამოვიდა ყელში, ვისაც საქმის კეთება შეუძლია, იმ ხალხის მოსვლის დროა პოლიტიკაშიც, ოპოზიციაშიც და ყველგან!- ასე ეხმაურება “საქართველოს ბიზნეს ასოციაციის” ჯანდაცვის კომიტეტის თავმჯდომარე და ჯეო ჰოსპიტალსის სამეთვალყურეო საბჭოს თავმჯდომარე ნინა კობახიძე გიორგი გახარიას პრემიერის თანამდებობიდან გადადგომას

7. ბიზნესს ეკონომიკურ გუნდთან კომუნიკაციის პრობლემა ისედაც ჰქონდა, გახარიას გადაწყვეტილება კი, კრიზისს კიდევ უფრო გააღრმავებს

„ბიზნესს ეკონომიკურ გუნდთან კომუნიკაციის პრობლემა ისედაც ჰქონდა, გახარიას გადაწყვეტილება კი, კრიზისს კიდევ უფრო გააღრმავებს“ , - ასე აფასებს ICR ჯგუფის სამეთვალყურეო საბჭოს თავმჯდომარე კახა ხაზარაძე გიორგი გახარიას გადადგომას.

8.თბილისის სააპელაციო სასამართლომ უპრეცედენტო ბიზნეს დავა რუსული სახელმწიფო კომპანიის სასარგებლოდ გადაწყვიტა

თბილისის სააპელაციო სასამართლომ უპრეცედენტო ბიზნეს დავა რუსული სახელმწიფო კომპანიის სასარგებლოდ გადაწყვიტა. საქმე ეხება მსოფლიოში ცნობილი არყის, „სტოლიჩნაიას“ სავაჭრო ნიშნებს საქართველოში.

9. არასტაბილური კონიუქტურა, ნეგატიურ გავლენას ახდენს ბიზნესგარემოზე - სოსო ფხაკაძე

„არასტაბილური   კონიუქტურა,  ბუნებრივია, ნეგატიურ გავლენას ახდენს ბიზნესგარემოზე, ბიზნესის განწყობებზე და, შესაბამისად, ქვეყნის ეკონომიკური განვითარების პერსპექტივებზე. - განაცხადა საქართველოს ბიზნეს ასოციაციის პრეზიდენტმა, სოსო ფხაკაძემ.

10. საქართველოს მოსახლეობა უკეთესს იმსახურებს - ბრიტანეთის საელჩო

საქართველოში დიდი ბრიტანეთის საელჩო სოციალურ ქსელ „ტვიტერზე“ განცხადებას ავრცელებს და მხარეებს მოუწოდებს, იმოქმედონ პასუხისმგებლობით და დაძაბულობა განმუხტონ.