დღის top 10 საინტერესო ამბავი:
1. იმედი გვაქვს ღია სივრცეების გახსნა არ გააუარესებს ეპიდვითარებას - ნათია თურნავა
დღეს გვაქვს პირველი დღე, როდესაც სარესტორნო ღია სივრცეები არის გახსნილი და იმედი გვაქვს, რომ ეს გახსნა ჩაივლის დადებითად -ამის შესახებ ეკონომიკისა და მდგრადი განვითარების მინისტრმა, ნათია თურნავამ საკოორდინაციო საბჭოს სხდომის დასრულების შემდეგ განაცხადა.
2. შრომის ინსპექცია ბიზნესს თანამშრომლების სამუშაო საათების აღრიცხვას ავალებს
შრომის ინსპექტორმა დასაქმებულთა აღრიცხვის საჭიროება, რაც შრომის კოდექსით მარტიდან უნდა ამოქმედდეს, მათი უფლებების დაცვის მიზნობრიობით ახსნა.
3. საქართველოში ფულადი გზავნილების მაჩვენებლით რუსეთს პირველობა იტალიამ ჩამოართვა
რუსეთის წილი მთლიან გზავნილებში 15.5%-მდეა შემცირებული. 2020 წელს 19.3% იყო, 12-13 წლის წინ 60%-ს აჭარბებდა.
4. „საქართველოს რეიტინგი ბოლო 8-10 წელია არ გაუმჯობესებულა, ეს საშინელი შედეგია“ - ეკონომისტები Fitch-ის პროგონოზებს აფასებენ
ეკონომიკის და მდგრადი განვითარების სამინისტრო სარეიტინგო კომპანია Fitch-ის მიერ საქართველოს სუვერენული საკრედიტო რეიტინგის BB დონეზე უცვლელად დატოვებას დადებითად აფასებს.
5. დღეს განახლებული სასტუმრო ბუდაპეშტის მშენებლობა ვაკის პარკში, მერიის მოთხოვნის საფუძველზე შეჩერდა
თბილისში, ვაკის პარკში სასტუმრო „ბუდაპეშტის“ მშენებლობა განახლებიდან მცირე დროში, მერიის მოთხოვნის საფუძველზე შეჩერდა.
6.``რესტორანი მხოლოდ იმიტომ გავხსენით, რომ კომუნალურების ნაწილი დავფაროთ``- გურამ ბაღდოშვილი
რესტორნის დამფუძნებელი, გურამ ბაღდოშვილი „ბიზნესპარტნიორთან“ ამბობს, რომ სექტორს ხარჯები მნიშვნელოვნად გაეზარდა, თუმცა მომსახურების ფასის მატება არ იგეგმება.
7.TOP 5 ბანკს „ტოქსიკური“ სესხების ოდენობა თითქმის 4-ჯერ გაეზარდათ - ლიდერი „თიბისი ბანკია“
Top 5 კომერციული ბანკის „ტოქსიკური“ სესხების ოდენობა თითქმის 4-ჯერ გაიზარდა. მიმდინარე წლის 12 თვის მონაცემებით, ბანკების ზარალი სესხების შესაძლო დანაკარგების მიხედვით 983 615 930 ლარი გახდა, ხოლო 2019 წლის შესაბამის პერიოდში 284 372 796 ლარი იყო.
8. მარტიდან SkyUp Airlines-ი საქართველოს მიმართულებით ფრენებს აორმაგებს
მარტიდან უკრაინული ავიაკომპანია SkyUp Airlines-ი საქართველოს მიმართულებით სიხშირეების რაოდენობას აორმაგებს. როგორც SkyUp Airlines-ის გენერალური აგენტი კომპანია “ავიაქსელი” განმარტავს, მარტიდან ხუთშაბათის და კვირის რეისებს დაემატება კიდევ ორი რეისი, ყოველ სამშაბათს (2 მარტიდან) და პარასკევს (19 მარტიდან).
9. Economist: კორონავირუსი შესაძლოა კაცობრიობის მუდმივი დაავადება გახდეს
მართალია, ვაქცინები ძალიან სწრაფად შეიქმნა და ისინი მოსალოდნელზე ეფექტურები აღმოჩნდნენ, თუმცა, დღეს უკვე ნათელია - ამ გზით კორონავირუსის საბოლოოდ მოშორება შეუძლებელია.
10. Die Welt: ბელარუსი: IT-სამოთხის დასასრულის დასაწყისი
ბელარუსი არის უნიკალური, სახელმწიფო-კაპიტალისტური ქვეყანა ევროპაში, რომელიც სწრაფად განვითარებად, და მსოფლიო დონის კონკურენტუნარიან IT-სექტორს ფლობს. ზოგჯერ მას „აღმოსავლეთ ევროპის სილიკონის ველს“უწოდებენ, იმის გამო, რომ მინსკთან ახლოს მდებარე მაღალტექნოლოგიურ ცენტრებში ისეთი კომპანიების ოფისებია გახსნილი, როგორც Google და Yandex-ია.