დღის TOP 10 საინტერესო ამბავი:
პარტია „ქართული ოცნების“ ყოფილმა თავმჯდომარემ ბიძინა ივანიშვილმა თავისი ბიზნესების და უძრავი ქონების მნიშვნელოვანი ნაწილი, რომელსაც ოფშორული კომპანიების გავლით ფლობდა, „ფონდ ქართუზე“ საქველმოქმედო მიზნით გადააფორმა. როგორც ცნობილია, საჯარო რეესტრში ცვლილებები 2020 წლის დეკემბრის ბოლო დღეებში დარეგისტრირდა.
საქართველოში ელექტროენერგიის მოხმარება, თუ არ ჩავთვლით 2020-ის კრიზისს ყოველწლიურად იზრდება. მატულობს გენერაციის ობიექტთა რაოდენობაც, თუმცა გაცილებით დაბალი ტემპით რაც საერთო ჯამში, დეფიციტს და მეზობელ სახელმწიფოებზე ენერგოდამოკიდებლობას ზრდის. გაჩერებული დიდი ჰესების მშენებლობის გარდა, კიდევ ერთი პრობლემა ოკუპირებულ აფხაზეთში უკონტროლო მოხმარება და კრიპტომაინინგია.
3.„კოვიდრეგულაციების 99% უსარგებლო იყო, რომ არა ეს, ეკონომიკური ზრდა დადებითი იქნებოდა“
ათთვიანი უწყვეტი ეკონომიკური ვარდნის შემდეგ, 2020 წელს მშპ 6.1%-ით შემცირდა, რაც 1994 წლის შემდეგ ყველაზე ცუდი მაჩვენებელია. ომის შემდეგ, 2009 წელს ვარდნამ ბევრად ნაკლები 3.7% შეადგინა. 2021 წელს დაგეგმილი 4.3%-იანი ზრდაც უკვე შეუძლებელი გახდა.
4.საქართველოში შემოსვლა თვითიზოლაციის გარეშე 37 ქვეყნის არავაქცინირებულ მოქალაქეს შეუძლია
დღეიდან თვითიზოლაციის ვალდებულება უქმდება არავაქცინირებული ვიზიტორების, რომლებიც არიან – ევროკავშირის, ისრაელის, შვეიცარიის, ნორვეგიის, აშშ-ს, დიდი ბრიტანეთის, ირლანდიის, საუდის არაბეთის, კატარის, არაბთა გაერთიანებული საემიროების და ბაჰრეინის მოქალაქეები ან რეზიდენტები და საქართველოში საჰაერო გზით შემოვლენ.
5.ქართულ ბანკებში არა-რეზიდენტი პირების წილი მატულობს
საქართველოს კომერციული ბანკების მიმართ უცხო ქვეყნის მოქალაქეების მხრიდან ინტერესი ბოლო პერიოდში განსაკუთრებით გაზრდილია. სპეციალისტები ამის ერთადერთ მიზეზად მაღალ საპროცენტო განაკვეთებს მიიჩნევენ და ამავე დროს საუბრობენ საფრთხეზე, რაც არა-რეზიდენტი პირების ან კომპანიების გააქტიურებას უკავშირდება.
ბათუმში მდებარე ქართულმა რესტორანმა „ბროწეული“ დღეს მუშაობა განაახლა. როგორც კომპანიის დამფუძნებელი მაია ანანიძე აცხადებს, ამ ეტაპზე ცოტა რთულია მოლოდინებზე საუბარი, რადგან უცნობია როგორი იქნება საზოგადოების ქცევა, ივლიან კვების ობიექტებში თუ არა.
7.„ჩვენ უკვე ვუყურებთ ციფრებს და არა ადამიანების ემოციებს“ - ლილო მოლი
„ლილო მოლის“ პრეზიდენტი ლევან გაგუა შეზღუდვების 15 თებერვლამდე მოხსნასთან დაკავშირებით საუბრობს და აცხადებს, რომ მთავრობა აფიქსირებს სურვილს, რომ ასეთი ობიექტები რაც შეიძლება მალე გაიხსნას.
8.ტელევიზიებში 154 მილიონის აზარტული თამაშების რეკლამა გავიდა - TOP 5
IPM კვლევითი ინსტიტუტი სატელევიზიო სარეკლამო ბაზარს მიმოიხილავს და ამჯერად აზარტული თამაშების სფეროს სარეკლამო სტატისტიკას აქვეყნებს. 2020 წელს ტელევიზიაში, აღნიშნულ კატეგორიაში, სულ გავიდა 143,502 სარეკლამო რგოლი, ქრონომეტრაჟის მოცულობამ შეადგინა 2,000,616 წამი, ხოლო განხორციელებულმა ინვესტიციამ - 153.9 მილიონი ლარი.
9.„ანიგოზი“ ვაკუუმის შეფუთვაში ნიგვზის გამოშვებას გეგმავს
2020 წლის ზაფხულში კომპანია „ანიგოზი“ თბილისთან ახლოს ნიგვზის და ნუშის გადამამუშავებელი ქარხნის გახსნას გეგმავს. კომპანია როგორც საკუთარ ბაღებში მოყვანილ, ასევე მოსახლეობისგან შესყიდულ თხილს გამოიყენებს და საბოლოო პროდუქტი ნიგვზის გული ვაკუუმურ შეფუთვაში იქნება.
დღეიდან წერტილოვანი შეზღუდვების შემსუბუქების შემდგომი ეტაპი იწყება - მთელი საქართველოს მასშტაბით იხსნება მნიშვნელოვანი ბიზნესაქტივობები, პირველ რიგში, არასასურსათო ვაჭრობა, შოპინგ მოლები, მცირე და დიდი ქსელური მაღაზიები, - ამის შესახებ ეკონომიკისა დ მდგრადი განვითარების მინისტრმა ნათია თურნავამ კორონავირუსის პანდემიით გამოწვეული რთული ეპიდემიოლოგიური ვითარების შედეგად დაწესებული გარკვეული შეზღუდვების მოხსნასთან დაკავშირებით კომენტარისას განაცხადა.