დღის TOP 10 საინტერესო ამბავი:

1. FITCH -მა საქართველოს, ლიბერთისა და თიბისი ბანკს “მხარდაჭერის რეიტინგი“ გაუუარესა

საქართველოში რეზოლუციის ჩარჩოს ამოქმედების პასუხად, Fitch -მა სამ ქართულ სისტემურ ბანკს „მხარდაჭერის რეიტინგი“ გაუუარესა.

2. NDI- საქართველოს ეკონომიკის წინაშე მდგარი ყველაზე დიდი პრობლემები უმუშევრობა, სიღარიბე, ფასების ზრდა და ლარის გაუფასურებაა

NDI-ის უახლესი კვლევის თანახმად, გამოკითხულთა უმეტესობა (59%) საქართველოს ეკონომიკის წინაშე მდგარ ყველაზე დიდ პრობლემად უმუშევრობას ასახელებს.

3.„ფული რომელიც ჩვენ დღეს ვისესხეთ, ხვალ ჩვენმა შვილებმა და შვილიშვილებმა უნდა დაფარონ. - კოტე გაბრიჩიძე

თუ ბიუჯეტში ფული არ არის, ვერც მედიცინა,  ვერც პოლიცია და ვერაფერი ვერ დაფინანსდება, ბიუჯეტს ავსებს ბიზნესი,  რითი უნდა შეივსოს ბიუჯეტი ? დღეში რომ ხუთას კაცს აჯარიმებს პოლიცია იმით? -  ამის შესახებ რადიო კომერსანტის გადაცემა კომერსანტის დილაში რესტორატორთა ასოციაციის  დამფუძნებელმა  კოტე გაბრიჩიძემ ისაუბრმა

4. ხელისუფლება ჭორებს ავრცელებს, თითქოს სექტორთან კომუნიკაცია აქვს - INN Group

ჭორებს ავრცელებენ თითქოს სექტორთან გარკვეული კომუნიკაცია არის, - Inn Group -ის  დირექტორმა ერეკლე კოკაიამ  უწყებათშორის საკოორდინაციო საბჭოს მხრიდან ბიზნესის იგნორირებაზე  რუსთავი 2-ის ეთერში განაცხადა.

5. 2001-2020 წლებში ღვინის ექსპორტმა $1.856 მლრდ შეადგინა

ღვინის ექსპორტმა 2020 წელს $210 მლნ შეადგინა, რაც ჯამური ექსპორტის 6.3%-ს უდრის. ნომინალური $13 მლნ-იანი კლების მიუხედავად, ერთ წელიწადში მისი წილი 0.4 პროცენტული პუნქტით გაიზარდა.

6. კარგი იქნებოდა, რომ ჩვენთვის აეხსნათ, თუ რატომ არის შეზღუდვა სამთო კურორტებზე

სათხილამურო კურორტებზე შეზღუდვები ძალაში რჩება. ამის შესახებ 22იანვარს ვიცე-პრემიერმა მაია ცქიტიშვილმა უწყებათაშორისი საკოორდინაციო საბჭოს სხდომის დასრულების შემდეგ განაცხადა.

7. ტურიზმის სექტორის კომპანიების 18% საქმიანობის სრულად შეჩერებას ელის

ტურიზმის სექტორში გამოკითხული კომპანიების  18.2% თვლის, რომ მოუწევთ საქმიანობის სრულად შეჩერება, 37%-ს მიაჩნია რომ შემოსავლები შემცირდება 75%-ით, 27.3% - შემოსავლების 50%-ით შემცირებას ვარაუდობს.

8. კეთილი და პატიოსანი - პანდემიის დროს დაწყებული წარმოების პროდუქტი სხვადასხვა ქვეყნებში იყიდება 

„კეთილი და პატიოსანი“ ასე ჰქვია დასალევ ხილ-ბოსტნეულს, რომლის წარმოებაც საქართველოში პანდემიის დროს დაიწყო და ბაზარზე 2020 წლის ზაფხულში გამოჩნდა.  „კომერსანტი“ დეტალებისთვის  კომპანიის  დირექტორს გიორგი ახალაძეს დაუკავშირდა, მისი  განცხადებით, კეთილი და პატიოსანი ამ  ეტაპზე 6  გემოს აწარმოებს, სამომავლოდ კი ორი გემოს დამატებას აპირებს.

9. დეფაქტო აფხაზეთში კორონავირუსით ინფიცირებულთა რიცხვი კრიტიკულად იზრდება

თითქმის ერთდროულად კოვიდით დეფაქტო აფხაზეთის ხელმძღვანელობის 3 ყველაზე მაღალი რანგის წარმომადგენელი დაავადდა - პრეზიდენტი, პრემიერ-მინისტრი, და პარლამენტის სპიკერი.

10. Forbes: პანდემიის შედეგად, განვითარებადი ქვეყნების ობლიგაციებზე მოთხოვნა გაიზარდა

2020 წელს მსოფლიომ თანამედროვე ისტორიაში ყველაზე ღრმა და სწრაფი კრიზისი გადაიტანა. ის ეკონომიკის ან ფინანსების სფეროდან არ მოსულა - სახელმწიფოებმა საკუთარი მოქალაქეები სახლებში საკუთარი ნებით გაუშვეს.