დღის Top 10 საინტერესო ამბავი:
1 „როცა ადამიანი თუ ადამიანთა ჯგუფი, ისეთ მწვავე ვითარებაში იქნება, როგორშიც ხელისუფლება იყო, ბიზნესი ყოველთვის გავამხნევებთ“ - სოსო ფხაკაძე
„როცა ადამიანი თუ ადამიანთა ჯგუფი, ისეთ მწვავე ვითარებაში იქნება, როგორშიც ხელისუფლება იყო, ბიზნესი ყოველთვის გავამხნევებთ“ - ამის შესახებ „კომერსანტს“ საქართველოს ბიზნეს ასოციაციის პრეზიდენტმა, სოსო ფხაკაძემ განუცხადა. „ვისოლ ჯგუფის“ პრეზიდენტი აცხადებს, რომ ბიზნესი ხელისუფლებას მძიმე მდგომარეობაში ყოველთვის გვერდში დაუდგება, მიუხედავად იმისა თუ რომელი პარტია იქნება ქვეყნის მმართველი.
2. ელექტროენერგიის ექსპორტი 14 წლიან მინიმუმამდე დაეცა
ელექტროენერგიის ექსპორტმა 2020 წელს 154 მლნ კვტ/სთ შეადგინა, რაც ბოლო 14 წლის მინიმალური მაჩვენებელია. ინფორმაციას ელექტროენერგეტიკული ბაზრის ოპერატორი ესკო ავრცელებს.
3. თურნავას თქმით, რეგულარული ფრენები, სავარაუდოდ, თებერვლის თვიდან აღდგება
საქართველოს ეკონომიკის მინისტრის, ნათია თურნავას განცხადებით, რეგულარულ ფრენებზე შეზღუდვები, სავარაუდოდ, თებერვლის თვეში მოიხსნება.
4. ა(ა)იპების შენახვა აჭარაში წელიწადში 41 მლნ ლარზე მეტი ჯდება
აჭარის 6 მუნიციპალიტეტში (ბათუმი, ხელვაჩაური, ქედა, შუახევი, ხულო, ქობულეთი) სულ 52 ა(ა)იპი ფუნქციონირებს, სადაც 6,991 დასაქმებული პირის შრომის ანაზღაურებაზე ყოველთვიურად დაახლოებით 3,444,517.35 ლარი, წლიურად კი - 41,334,208.2 ლარი იხარჯება. ამის შესახებ ინფორმაციას არასამთავრობო ორგანიზაცია „საერთაშორისო გამჭვირვალობა-საქართველო” ავრცელებს.
5. 13 ბიზნესასოციაცია მთავრობას კრიზისიდან გამოსვლის 6-პუნქტიან გეგმას სთავაზობს
13 ბიზნესასოციაცია მთავრობას მიმართავს და კრიზისიდან გამოსვლის 6-პუნქტიან გეგმას სთავაზობს. ისინი შეშფოთებას გამოხატავენ იმის გამო, რომ მთავრობის მიერ დადებული პირობა ლოკდაუნის ჯერ 16 იანვარს ნაწილობრივი, შემდეგ კი 1-ლ თებერვალს მოხსნის წინაშე კვლავ კითხვის ნიშნის ქვეშაა. მეტიც, სხვადასხვა უწყების ხელმძღვანელები და ეპიდემიოლოგები მესამე ტალღასა და კიდევ ერთ ლოკდაუნზე ლაპარაკობენ.
6. მსუბუქი ავტომობილების რეექსპორტი $329 მლნ-ით შემცირდა
10-დან 5 საექსპორტო პროდუქტში 2020 წელს კლება აღინიშნა. ყველაზე მეტად მეორადი ავტომობილების ბაზარი დაზარალდა. ავტომობილების რეექსპორტი 44.9%-ით $733 მლნ-დან $404 მლნ-მდე შემცირდა. იმავე პერიოდში ავტოიმპორტი თანხობრივად დაახლოებით იმავე მოცულობით, $1.108 მლრდ-დან $759 მლნ-მდე შემცირდა. ინფორმაციას საქსტატი ავრცელებს.
7. რა შეეშალა მთავრობას ნაწილობრივი ლოკდაუნის დაწესებით
სპეციალისტების შეფასებით, მთავრობის მიერ ნაწილობრივი ლოკდაუნი ეკონომიკაზე ძალიან მძიმედ აისახება და მისი გავლენა დიდი ხნის განმავლობაში დარჩება. ფინანსისტები ფიქრობენ, რომ ასეთი მიდგომით საბოლოოდ დაზარალდა როგორც დაკეტილი ბიზნესი, ასევე ის დარგებიც, რომელთა საქმიანობაზე შეზღუდვა არ გავრცელდა.
მთის კურორტების ბიზნეს ასოციაცია 1-ლი თებერვლიდან კურორტების გახსნას ითხოვს. წინააღმდეგ შემთხვევაში სავალალო შედეგის დადგომას ვარაუდობს. როგორც მთის კურორტების ბიზნეს ასოციაციის ხელმძღვანელი, მაია ბიჭიკაშვილი აცხადებს, კერძო სექტორი ყველანაირი რეგულაციისა და უსაფრთხოების ნორმების დაცვისთვის მზად არის და პასუხისმგებლობასაც საკუთარ თავზე იღებს.
9. როგორია ექიმებისა და ექთნების გასამრჯელო - ISET-ის ბლოგერი წერს, რომ რიცხვები სავალალოა
სამედიცინო პერსონალის პროფესიული უზრუნველყოფის მიზნით ინვესტიცია უნდა ჩაიდოს, დაწყებული განათლების ხარისხის გაუმჯობესებიდან, დამთავრებული სათანადო ანაზღაურებით, - როგორც კვლევით ცენტრის ბლოგზე თამარ სულუხია წერს, პანდემიის დროს ჯანდაცვის სფეროს მენეჯმენტი ქვეყნისა და მისი მოსახლეობის გადარჩენის გარანტიაა.
10. ვინ იყო ტრამპი და ვინ არის ბაიდენი?
შეერთებულ შტატებში ტრამპის ეპოქა დასრულდა და 2024 წლამდე ოვალური კაბინეტი ჯო ბაიდენმა გადაიბარა. ბაიდენის მემკვიდრეობა საკმაოდ მძიმეა. იმ მასშტაბის ეკონომიკური კრიზი რომელიც ამერიკაში მძვინვარებს, ბოლოს ¾ საუკუნის წინ შორეულ 1946 წელს დაფიქსირდა.
Top 10 
