დღის TOP 10 საინტერესო ამბავი:
1.ბიძინა ივანიშვილი პოლიტიკიდან წასვლის შესახებ ღია წერილს ავრცელებს
„ქართული ოცნების“ ხელისუფლებაში ყოფნის რვა წელი გავიდა. ქვეყნის ისტორიაში უპრეცედენტო რამ მოხდა – სამართლიანი და თანასწორი არჩევნების პირობებში მმართველმა პარტიამ ხალხისგან მესამე ვადით მართვის მანდატის მიღება შეძლო. ეს გამარჯვება ჩვენი ერთობლივი ძალისხმევის ყველაზე ნათელი, მკაფიო და უდავო აღიარებაა და სწორედ ეს გამარჯვება ჩაუყრის საფუძველს ახალ ეტაპს საქართველოს ისტორიაში“ — წერს ივანიშვილი.
2.ტრანსპორტზე შეზღუდვა პირველ თებერვლამდე არ მოიხსნება
საკოორდინაციო საბჭოს სხდომაზე მივიღეთ გადაწყვეტილება, რომ წერტილოვანი შეზღუდვები პირველ თებერვლამდე შენარჩუნდეს, – ამის შესახებ საქართველოს ეკონომიკისა და მდგრადი განვითარების მინისტრმა ნათია თურნავამ მთავრობის უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.
3.ირაკლი იაშვილი: „ქართულმა ოცნებამ“ ბიზნესისთვის მართლაც კარგი გარემო შექმნა
„ისთ გეით ჯგუფის“ სამეთვალყურეო საბჭოს თავმჯდომარე ირაკლი იაშვილი პოლიტიკიდან ბიძინა ივანიშვილის წასვლას აფასებს. ბიზნესმენი სიტუაციას ოპტიმისტურად უყურებს და აცხადებს, რომ დროა, სახელმწიფომ დამოუკიდებლად იარსებოს.
„მიკროსაფინანსო ორგანიზაციების ასოციაციის“ ხელმძღვანელი და „ლაზიკა კაპიტალის“ გენერალური დირექტორი ბესო შენგელია „კომერსანტთან“ გასული წლის პრობლემებზე და მიმდინარე წლის მოლოდინებზე საუბრობს.
5.„ქართული ოცნების“ თავმჯდომარის პოსტზე ირაკლი კობახიძის კანდიდატურას წარადგენენ
„დღეს შედგა პარტიის პოლიტიკური საბჭოს მორიგი სხდომა, სადაც განვიხილეთ პარტიის მიერ გასამართ ყრილობასთან დაკავშირებული საკითხები“ – ამის შესახებ ბრიფინგზე „ქართული ოცნება - დემოკრატიული საქართველოს“ გენერალურმა მდივანმა კახა კალაძემ განაცხადა.
2020 პანდემიური წლის განმავლობაში ფულადი გზავნილები ის იშვიათი მაჩვენებელი აღმოჩნდა, რომელიც ამ პერიოდში გაიზარდა. საქართველოს ეროვნული ბანკის მონაცემებით, უცხოეთიდან ფულადმა გზავნილებმა 2020 წლის 11 თვის განმავლობაში 1 686 303,0 ათასი აშშ დოლარი შეადგინა, რაც წინა წლის შესაბამის პერიოდთან შედარებით 8,0%-ით მეტია.
7.ცნობილი ქართველი ადვოკატი ღვინის ბიზნესის გაფართოებას გეგმავს
თბილისში ქართული ღვინის სადეგუსტაციო ახალი სივრცე „ბარბალეს მარანი“ სექტემბერში გაიხსნა, რომლის მფლობელი, ცნობილი ადვოკატი ზვიად კორძაძეა. 2020 წლის გამოწვევებზე, ღვინის ბაზარზე და სამომავლო გეგმებზე ისაუბრა „კომერსანტთან“ ზვიად კორძაძემ.
როგორმე ზამთარს თუ გადავურჩით... ზამთარს ავად თუ კარგად, მგონი, მართლაც გადავურჩით, თუმცა ყველა პროგნოზით მძიმე გაზაფხული გველოდება, სანამ ეკონომიკა კრიზისის შემდეგ აღდგენას დაიწყებს და შეძლებს დაუბრუნდეს ზრდის პლუსიან ნიშნულს. მთავრობა სოციალური დახმარების ახალ პაკეტს იწყებს - პანდემიის დროს სამსახურის გარეშე დარჩენილი ადამიანები და სოციალურად დაუცველი ოჯახები სახელმწიფოსგან ექვსი თვის განმავლობაში ფულად დახმარებას მიიღებენ. ნათქვამია, თუ მშვიდობა გინდა, ომისთვის ემზადეო, ჩვენც შევეცადეთ, ეკონომიკურ მეცნიერებათა დოქტორისგან, პროფესორ რამაზ ოთინაშვილისგან გაგვერკვია, რას მოგვიტანს ეკონომიკურად მძიმე გაზაფხული.
9.გაზის საერთაშორისო ფასები მკვეთრად გაიზარდა
2021 წლის მოსვლა გაზის ბაზარმა ფასების მკვეთრი ზრდით დაიწყო. ამის მიზეზები ჩრდილოეთ ნახევარსფეროში განსაკუთრებით ცივი ზამთარი და თხევადი გაზის წარმოებაში და ლოგისტიკაში გაჩენილი პრობლემების გამო ამ ტიპის საწვავის მიწოდების შემცირებაა.
10.2020 წელს საქართველომ ტურიზმიდან 3 მლრდ დოლარზე მეტი დაკარგა
2020 წლის დეკემბერში საქართველოს 53 ათასი საერთაშორისო მოგზაური ეწვია, რაც 2019 წლის დეკემბერთან შედარებით 92%-ით ნაკლებია. იმავე პერიოდში ვიზიტორთა რაოდენობა 90.4%-ით 51 ათასამდე, ხოლო ტურისტების რაოდენობა 85.8%-ით, 44 ათასამდე შემცირდა.