დღის Top 10 საინტერესო ამბავი:
1. ბიზნესისთვის გაზის კომერციული ტარიფი არ გაიზრდება
ბიზნესისთვის გაზის კომერციული ტარიფი არ გაიზრდება - ამის შესახებ ეკონომიკისა და მდგრადი განვითარების მინისტრის მოვალეობის შემსრულებელმა ნათია თურნავამ მთავრობის სხდომის შემდეგ გამართულ პრესკონფერენციაზე გააკეთა.
2. სასტუმროებს საახალწლო ღონიძიებები ჩატარების უფლება არ ექნებათ
„სასტუმროებს, რომლებიც საახალწლოდ სტუმრებს ელოდებით, შეგახსენებთ, რომ იკრძალება კულტურული ღონიძიებები მაყურებლის დასწრებით“, - ამის შესახებ ეკონომიკის მინისტრის მოვალეობის შემსრულებელმა ნათია თურნავამ განაცხადა. მისი თქმით, დაწესებული შეზღუდვების დაცვა ბიზნესსუბიექტებს მკაცრად მოუწევს. თურნავამ მოსახლეობას მოუწოდა, რომ ახალი წელი მოკრძალებულად, სახლებში იზეიმონ.
3. „კანონს დავემორჩილებით და დაგეგმილ ღონისძიებებს გავაუქმებთ“ - „ლოპოტა სპა რეზორტი“
„რასაც მთავრობა გადაწყვეტს, იმას შევასრულებთ, ქვეყანაში ზოგადად არ არის კარგი სიტუაცია აქედან გამომდინარე კანონს დავემორჩილებით და დაგეგმილ ღონისძიებებს გავაუქმებთ. საახალწლო პერიოდზე მოთხოვნა დიდი არ არის, დაახლოებით 10 პროცენტია აქტივობა“, - განუცხადა კომერსანტს „ლოპოტა სპა რეზორტის“ დამფუძნებელმა მიხეილ ნაცვლიშვილმა.
4. „პასუხისმგებლობას მაშინ ავიღებდით, თუ 15 დეკემბრიდან გავიხსნებოდით, ახლა პრაქტიკულად შეუძლებელი იქნება რიგების კონტროლი“ - სითი მოლი
როგორც „კომერსანტს“ „სითი მოლის“ დირექტორმა ლევან მესხელმა განუცხადა, 24 დეკემბრიდან ერთი კვირით საახალწლო ვაჭრობის შესაძლებლობა დროის სიმცირის გამო მომხმარებლის ნაკადების მკვეთრ ზრდას გამოიწვევს , შესაბამისად ნებისმიერი მექანიზმი შესაძლოა უძლურიც იყოს ნაკადების სწორი გადანაწილებისთვის. თუმცა, მისივე თქმით, ეს შედეგი არ დადგებოდა, თუკი მოლებს შეთავაზებისამებრ 15 დეკემბრიდან ექნებოდათ მუშაობისა და ყველა მომხმარებლის დაკმაყოფილების საშუალება.
5. დღგ-ს ზედმეტობის დაბრუნების რეფორმა და საერთაშორისო ფინანსური რესურსები მოზიდვა - ექსპერტები ფინანსთა მინისტრის 2020 წლის საქმიანობას აფასებენ
„კომერსანტი“ დაინტერესდა როგორ აფასებენ ეკონომისტები ივანე მაჭავარიანის მიერ განხორციელებულ რეფორმებს და პანდემიის დროს ფინანსთა სამინისტროს მიერ გადადგმულ ნაბიჯებს.
6. გვაქვს სოციალური დაცვის სისტემა, რომელიც არა სიღარიბის დაძლევაზე, არამედ ტკივილის გაყუჩებაზეა ორიენტირებული
ექსპერტი სოციალური პოლიტიკის საკითხებში კოტე ერისთავი განმარტავს, რომ ნებისმიერი ქმედება, რაც სოციალური მდომარეობის გაუმჯობესებას ემსახურება სახელმწიფოს მხრიდან დროებითია და ეკონომიკური მოდელი რაც ქვეყანაში არსებობს სიღარიბის წარმოებას უწყობს ხელს. კრიზისის პერიოდში კი სიღარიბის მაჩვენებელი კიდევ უფრო დრამატული გახდება.
7. „ჭავჭავაძის და პეკინის გამზირზე არსებულმა მაღაზიებმა უფრო მეტად იზარალეს, ვიდრე სავაჭრო ცენტრებში“ - Cushman & Wakefield
უძრავი ქონების საკონსულტაციო კომპანია Cushman & Wakefield-ი მესამე კვარტლის მდგომარეობით, სავაჭრო და საოფისე სექტორების შესახებ მიმოხილვას აქვეყნებს.
8. თბილისში Gino-ს ბრენდის ქვეშ ახალი სასტუმრო-საცხოვრებელი კომპლექსის მშენებლობა იწყება
მელიქიშვილისა და ვარაზისხევის კუთხეში Gino-ს ბრენდის ქვეშ სასტუმრო-საცხოვრებელი კომპლექსის მშენებლობა იწყება. არქიტექტურულ ფორუმზე ინფორმაცია გავრცელდა, რომ პროექტმა 15 დეკემბერს ნებართვა მიიღო და მალე მშენებლობა აქტიურ ფაზაში შევა.
9. აშშ-მ თურქეთის წინააღმდეგ ახალი სანქციები მიიღო
დონალდ ტრამპის ადმინისტრაციამ აშშ-ს და თურქეთს შორის სამხედრო თანამშრომლობაზე ახალი შეზღუდვები შემოიღო. ამ გადაწყვეტილების მიზეზი ანკარის მიერ საჰაერო თავდაცვის რუსული სისტემის С-400-ს ყიდვა გახდა.
10. GIAM Group-ი მანდარინის ნატურალური წვენის წარმოებას იწყებს
Georgian industrial Asset Management Group-ის (GIAM Group) კუთვნილი ქობულეთის საკონსერვო ქარხნის მიერ წარმოებული მანდარინის კონცენტრატი 100%-ით ექსპორტზე ევროპაში და იაპონიაში გადის.