დღის TOP 10 მნიშვნელოვანი ამბავი:
1. საზოგადოებრივი ტრანსპორტის მოძრაობა 13 სექტემბრიდან აღდგება
13 სექტემბრიდან საზოგადოებრივი ტრანსპორტის მოძრაობა აღდგება, სხვა დანარჩენი შეზღუდვები ამ ეტაპზე ძალაში რჩება.
2. 6 თვეში სადაზღვევო კომპანიების წმინდა მოგება 19%–ით გაიზარდა
სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 448,6 მილიონი ლარი შეადგინა, რაც 19%-ით მეტია წინა წლის ამავე პერიოდის მონაცემებზე.
3. 6 თვეში 500 მილიონამდე წმინდა მოგებით თიბისი პირველ ადგილზეა
მოგების - 45.8% ანუ 486 მლნ ლარი თიბისის ეკუთვნის, რომელიც ბოლო წლებში მის უშუალო კონკურენტს, საქართველოს ბანკს თითქმის ყველა კომპონენტში ჯობნის.
4. რა ელის ლარს საგარეო ვალის გასტუმრებისა და არჩევნების შემდეგ
მესამე კვარტალში მთლიანად, როგორც სახელმწიფოს, ასევე კერძო სექტორს, $1.075 მლრდ აქვს გადასახდელი, მათ შორის $128 მლნ პირდაპირ მთავრობას და $375 მლნ კომერციულ ბანკებს.
5. მევენახეთა ნაწილი ყურძნის ფასით უკმაყოფილოა
მიუხედავად იმისა, რომ რეალიზაციის პრობლემა არ არის და დასეტყვილი ყურძენიც კი გაუყიდავი არ რჩება, ხარჯი გაზრდილია, ხოლო დაბალი ფასის გამო მოგება მინიმალურია.
6. ზეთი ოქტომბრიდან კიდევ უფრო გაძვირდება
გაძვირებული პროდუქტების სიაში მცენარეული ზეთი შეიძლება ოქტომბერშიც ლიდერ პოზიციაზე აღმოჩნდეს.
7. „თვითმფრინავის ბორბლების მექანიზმის არდახურვა კატასტროფის ტოლფასია“ – გიორგი კოდუა
„ტექნიკურად თვითმფრინავი გაუმართავი იყო. პრობლემას, რომელიც ხომალდს შეექმნა, შეეძლო ავიაკატასტროფა გამოეწვია“.
8. ტურისტების რაოდენობამ გასულ თვეში პანდემიამდელი 2019–ის აგვისტოს 33% შეადგინა
აგვისტოში საერთაშორისო მოგზაურთა რაოდენობა, გასული წლის ანალოგიურ პერიოდთან შედარებით 538%-ით 309 ათასამდე გაიზარდა. მათ შორის ვიზიტორთა რაოდენობა 510%-ით 267 ათასამდე, ტურისტების რიცხვი კი 615%-ით 247 ათასამდე.
9. საკონტეინერო გადაზიდვები 580%-ით გაძვირდა
პანდემიის დაწყებიდან დღემდე კონტეინერების გადაზიდვების ფასების ინდექსი 580%-ით გაიზარდა. კერძოდ, 2020 წლიდან ფასების ინდექსმა 1500 დან თითქმის 10 ათასამდე მოიმატა.
10. დიდ ბრიტანეთში ყოველდღიურად 50 მაღაზია იხურება
ბოლო 6 თვეში დიდ ბრიტანეთში 8 739 ოფლაინ–მაღაზია დაიხურა (დაახლოებით 50 ობიექტი დღეში) და მხოლოდ 3 488 გაიხსნა. ასე რომ, მაღაზიების რაოდენობა 5 251–ით შემცირდა.
მთავარი ამბები
